ក្រុមហ៊ុន​មួយ​ស្នើ​សុំ CDC ​​វិនិយោគ​តំបន់​ទេសចរណ៍​នៅ​កំពង់ស្ពឺ លើ​ផ្ទៃ​ដី​ ២០៥​ហិកតា​



ក្រុមហ៊ុន​ ចូហ្រ្គេន អ៊ិនវេសម៊ិន ឯ.ក (JOE GRAND ECOINVESTMENT Co.LTD) គ្រោង​ស្នើ​ទៅ​ក្រុម​ប្រឹក្សា​អភិវឌ្ឍន៍​កម្ពុជា (CDC) លើ​គម្រោង​វិនិយោគ​តំបន់​ទេសចរណ៍ មជ្ឈមណ្ឌល​កំស្សាន្ត សួន​កម្សាន្ត សួន​ទឹក​ សួន​កសិកម្ម​ទេសចរណ៍ សួន​កុមារ រមណីយដ្ឋាន និង​សណ្ឋាគារ លើ​ផ្ទៃ​ដៃ​ចំនួន​២០៥​ហិកតា។ នេះ​បើ​តាម​ការ​ចុះ​ផ្សាយ​របស់​AKP កាល​ពី​ថ្ងៃ​ទី​១០ ខែ​ឧសភា ឆ្នាំ​២០១៩ កន្លង​ទៅ។

គម្រោង​វិនិយោគ​ដែល​មាន​ទឹកប្រាក់​រហូត​ដល់​៥០០​លាន​ដុល្លារ​អាមេរិក​នេះ មាន​ទី​តាំង​ស្ថិត​នៅ ឃុំ​មហាសាំង ស្រុក​ភ្នំ​ស្រួច និង​ឃុំ​កហែង ស្រុក​សំរោងទង នៃ​ខេត្ត​កំពង់​ស្ពឺ។

ឯកឧត្តម​ វ៊ី សំណាង អភិបាល​ខេត្ត​កំពង់ស្ពឺ​ប្រាប់​ថា ចំពោះ​គម្រោង​វិនិយោគ​នេះ​អជ្ងាធរ​ថ្នាក់​ខេត្ត ស្រុក ឃុំ បាន​គាំទ្រ​រួច​រាល់​អស់​ហើយ នៅ​តែ​កិច្ចការ​បន្ទាប់​ដែល​ក្រុមហ៊ុន​ ចូហ្រ្គេន អ៊ិនវេសម៊ិន ឯ.ក ត្រូវ​ស្នើសុំ​ច្បាប់​ពី​ក្រុម​ប្រឹក្សា​អភិវឌ្ឃន៍​កម្ពុជា (CDC) មុន​នឹង​ដំណើរ​ការ​វិនិយោគ​របស់​ខ្លួន៕

ប្រភព៖ AKP