នៅ​​ពេល​ឈាន​ដល់​​វ័យ​ខ្ទង់២០ឆ្នាំ អ្នក​គួរ​​​ផ្លាស់ប្ដូរ​​ទម្លាប់​​ជីវិត​ឲ្យ​បាន​ ២៨ ចំណុច​នេះ​



សម្រាប់​អ្នក​ដែល​ឆ្លងកាត់​វ័យ​ខ្ទង់​ ២០ ទើប​អាច​ដឹង​ច្បាស់​ថា ជីវិត​ក្នុង​វ័យ​នេះ​​គឺ​មាន​ភាព​ស្មុគស្មាញ​បែប​ណា​ខ្លះ​។ ទាំង​ការ​សិក្សា ជីវិត​គួរ ការងារ និង​គោលដៅ​ជីវិត​​ដែល​ថា នឹង​ត្រូវ​ធ្វើ​អ្វី​នៅ​ពេល​ខាងមុខ គឺ​សុទ្ធតែ​ជា​ប្រធាន​បទ​សំខាន់ៗ​ដែល​អ្នក​អាច​ឆ្លងកាត់។ ថ្វីត្បិតតែ​តែ​មនុស្ស​​កើត​មក​ក្នុង​ស្ថានភាព​ផ្សេង​គ្នា​ក៏​ពិតមែន ក៏ប៉ុន្តែ​បំណង​ប្រាថ្នា​របស់​មនុស្ស​​តែមួយ​គត់​គឺ​មិន​ចង់​បាន​អ្វី​ក្រៅ​តែ​ពី​ចង់​ឲ្យ​អនាគត​របស់​ខ្លួន​ជោគជ័យ​នោះ​ទេ។ 

បើ​នេះ​ជា​បំណងប្រាថ្នា​របស់​អ្នក អ្នក​គួរ​សាកល្បង​​​បង្កើត​ទម្លាប់​ល្អៗ ២៨ ចំណុច​​ខាងក្រោម​នេះ។ បើ​ទោះបី​ជា​វា​មិន​​បាន​លម្អិត​យ៉ាង​ក្បោះក្បាយ​ក៏​ពិតមែន ក៏ប៉ុន្តែ​វា​អាច​ជា​ត្រីវិស័យ​ដ៏​ល្អ​មួយ​ដែល​ជួយ​ដល់​អ្នក​​ដើម្បី​​ស្វែងយល់​ថា តើ​គួរ​ធ្វើ​អ្វី​ខ្លះ​ចាប់​ពី​វ័យ​ខ្ទង់ ២០​នេះ​​ទៅ? ​​

១.ចាប់​ផ្តើម​សរសេរ​ពី​​គោលដៅ​ជីវិត​របស់​អ្នក​​ថា អ្នក​ចង់​​​បាន​អ្វី​នៅ​១ ឆ្នាំ ១០ ឆ្នាំ ឬ ១៥ ឆ្នាំ ខាងមុខ

២.ចាប់​ផ្តើម​​​អាន​ឲ្យ​បាន​ច្រើន​តាម​ដែល​​អាច​ធ្វើ​បាន​

៣.ឈប់​រស់នៅ​​​ក្នុង​ជីវិត​មួយ​ដែល​ដើរតាម​តែ​គន្លង​របស់​អ្នកដទៃ

៤.ឈប់​​មាន​វិប្បដិសារី​នូវ​រឿងរ៉ាវ​មិន​ល្អ​ក្នុង​អតីតកាល

៥.យកចិត្ត​ទុកដាក់ និង​បង្ហាញ​ក្តី​ស្រលាញ់​ទៅ​កាន់​មនុស្ស​សំខាន់​របស់​អ្នក

៦.យកចិត្ត​ទុកដាក់​លើ​សុខភាព​របស់​អ្នក

៧.ចាប់​ផ្តើម​រៀន​សន្សំ​ប្រាក់​សម្រាប់​ពេល​អនាគត ឬ​ចូលនិវត្តន៍

៨.​រៀន​បង្កើត​ចម្ងល់ និង​សាកសួរ​ដេញដោល​ជាមួយ​មនុស្ស​​ជុំវិញ​ខ្លួន

៩.លៃលក​ពេលវេលា​មួយ​ចំនួន​ដើម្បី​រៀន​សមាធិ ធ្វើ​ចិត្ត​ឲ្យ​ស្ងប់

១០.ចាប់​ផ្តើម​រៀន​អាន និង​វិភាគ​លើ​ទិន្នន័យ​​បែប​វិទ្យាសាស្ត្រ

១១.រៀន​ធ្វើ​ម្ហូប​ដោយ​ខ្លួនឯង

១២.ចូល​ប្រឡូក​ឲ្យ​បាន​ច្រើន​ក្នុង​វគ្គសិក្សា​ខ្លីៗ សិក្ខាសាលា និង​កម្មវិធី​​បណ្តុះបណ្តាល​ផ្សេងៗ​ទៀត

១៣.រៀន​តាម​ដាន​ព័ត៌មាន ឬ​ព្រឹត្តិការណ៍​ផ្សេងៗ​​នៅ​លើ​សាកលលោក​ប្រចាំ​ថ្ងៃ

១៤.ចាប់​ផ្តើម​ធ្វើ​ដំណើរ​កម្សាន្ត​ឲ្យ​បាន​ច្រើន

១៥.ចំណាយ​ពេល​នៅ​ម្នាក់ឯង​ដើម្បី​ស្តាប់​ពី​បេះដូង​របស់​អ្នក

១៦.ចាប់​ផ្តើម​កត់ត្រា​ តាមដាន និង​វិភាគ​លើ​សមិទ្ធផល​ការងារ​ប្រចាំ​សប្តាហ៍​របស់​អ្នក

១៧.រៀន​ចេះ​ឲ្យ​តម្លៃ​លើ​ភាព​បរាជ័យ​របស់​អ្នក

១៨.ចាប់​ផ្តើម​​បង្កើត​អារម្មណ៍​វិជ្ជមាន​ចំពោះ​ខ្លួន​ឯង​ឲ្យ​បាន​កាន់តែ​ច្រើន​ឡើង

១៩.ចាប់​ផ្តើម​ចេះ​ប្រើ​ពាក្យ​បដិសេធន៍​រាល់​សំណើ​របស់​អ្នកដទៃ​ប្រកបដោយ​ភាព​សមរម្យ និង​មាន​ហេតុផល 

២០.ចាប់​ផ្តើម​​រៀន​បំផុស​គំនិត​ចេញ​ពី​ក្នុង​ខ្លួន​ឲ្យ​បាន​ច្រើន

​២១.ឈប់​ខ្វាយខ្វល់ ឬ​ឲ្យ​តម្លៃ​ខ្លាំង​លើ​ទំនាក់ទំនង​ស្នេហា​ដែល​​មិន​ល្អ

២២.ចាប់​ផ្តើម​រៀន​ពី​របៀប​គ្រប់គ្រង​ពេលវេលា​របស់​អ្នក​ឲ្យ​មាន​ប្រសិទ្ធភាព

២៣.ចាប់​ផ្តើម​គ្រប់គ្រង​សកម្មភាព​ប្រចាំ​ថ្ងៃ​របស់​អ្នក​ឲ្យ​មាន​ប្រសិទ្ធភាព

២៤.ឈប់​យកលេស​ដោះសា​មិន​ចេះ​ចប់​មិន​ចេះ​ហើយ 

២៥.បើ​សិន​ជា​អាច អ្នក​គួរ​រៀន​ចំណាយ​ពេល​ឲ្យ​​បាន​ច្រើន​​នៅ​ជាមួយ​មនុស្ស​ជា​ទីស្រឡាញ់​របស់​អ្នក

២៦.រៀន​ហើយ​រៀន​ទៀត រៀន​ជា​ប្រចាំ​រហូត​ដល់​ជីវិត​ចុងក្រោយ

២៧.ចាប់​ផ្តើម​​ចូល​ប្រឡូក​ក្នុង​ការងារ​សង្គម ឬ​កិច្ចការ​មនុស្សធម៌​នានា

២៨.ចាប​ផ្តើម​រៀន​រស់​នៅ​​ពេញចិត្ត​នឹង​ជីវិត​របស់​អ្នក​នៅ​ក្នុង​ថ្ងៃ​នេះ៕

ប្រភព៖ Businessinsider