សង្ខេបព្រឹត្តិការណ៍សេដ្ឋកិច្ចសំខាន់ៗប្រចាំសប្ដាហ៍
ការសង្ខេបព្រឹត្តិការណ៍សេដ្ឋកិច្ចកម្ពុជាសម្រាប់សប្ដាហ៍នេះ Bizkhmer សូមលើកយកព័ត៌មានពីស្ថាប័នសារព័ត៌មានចំនួន៤ គឺ កាសែតរស្មីកម្ពុជា កាសែតកោះសន្តិភាព កាសែតភ្នំពេញប៉ុស្ដិ៍ និងសារព័ត៌មានខ្លីៗ ដើម្បីជាជំនួយក្នុងការធ្វើអាជីវកម្មរបស់លោកអ្នក។
យោងតាមកាសែត រស្មីកម្ពុជា កាលពីថ្ងៃទី១៥ ខែឧសភា ឆ្នាំ២០១៩ បានចេញផ្សាយអំពីវិស័យឯកជននៅកម្ពុជា សុំពេលសិក្សាគ្នាសិន មុននឹងសម្រេចបើកពាណិជ្ជកម្មជាមួយនេប៉ាល់៖ ក្រុមវិស័យឯកជនក្នុងប្រទេសកម្ពុជាបានលើកឡើងស្រដៀងគ្នាថា នៅពេលនេះសុំពេលសិក្សានិងស្វែងយល់គ្នាបន្តសិន មុននឹងសម្រេចចិត្តដោះដូរពាណិជ្ជកម្មណាមួយរវាងកម្ពុជានិងនេប៉ាល់ ខណៈដែលនាយករដ្ឋមន្ត្រីនៃប្រទេសទាំងពីរចាប់ផ្ដើមចងសម្ព័ន្ធភាពជាមួយគ្នាបន្ថែម ដើម្បីបង្កើនទំហំពាណិជ្ជកម្ម និងការវិនិយោគទៅវិញទៅមក។ សូមចុចទីនេះដើម្បីអានព័ត៌មានលម្អិត
តាមប្រភពខាងលើកាលពីថ្ងៃទី១៤ ខែឧសភា ឆ្នាំ២០១៩ បានចេញផ្សាយអំពី អង្គការអ្នកប្រជាធិបតេយ្យ ស្នើឲ្យសហភាពអឺរ៉ុប ផ្ដល់ភាពយុត្តិធម៌ដល់កម្ពុជា៖ អង្គការអ្នកប្រជាធិបតេយ្យកណ្ដាលអន្តរជាតិ (Centrist Democrats International (IDC-CDI) ស្នើសុំឲ្យសហភាពអឺរ៉ុប (EU) ផ្ដល់ភាពយុត្តិធម៌ដល់កម្ពុជា ក្នុងករណីក្របខណ្ឌ «អ្វីទាំងអស់ក្រៅពីសព្វាវុធ (EBA)»។ សូមចុចទីនេះដើម្បីអានព័ត៌មានលម្អិត
ដោយឡែកសម្រាប់កាសែត ភ្នំពេញប៉ុស្ដិ៍ វិញកាលពីថ្ងៃទី១០ ខែឧសភា ឆ្នាំ២០១៩ បានចេញផ្សាយពី មន្ត្រី៖ កម្ពុជាហាក់នៅមិនទាន់ទទួលបានផល ពីទេសចរណ៍តាមនាវា៖ ខណៈចំនួនកប៉ាល់ដឹកភ្ញៀវទេសចរអន្តរជាតិធំៗ ដែលមកចូលចតនៅកំពង់ផែស្វយ័តក្រុងព្រះសីហនុមានការកើនឡើងជារៀងរាល់ឆ្នាំនោះកម្ពុជាហាក់នៅមិនទាន់ទទួលបានអត្ថប្រយោជន៍ច្រើនពីការមកដល់របស់ភ្ញៀវទេសចរទាំងអស់នេះទេ។ នេះបើយោងតាមមន្ត្រីក្រសួងទេសចរណ៍។ សូមចុចទីនេះដើម្បីអានព័ត៌មានលម្អិត
មួយវិញទៀតសម្រាប់កាសែត កោះសន្តិភាព កាលពីថ្ងៃទី១៦ ខែឧសភា ឆ្នាំ២០១៩ បានចេញផ្សាយអំពី កម្ពុជាស្នើវិនិយោគិនដាក់ទុនផ្នែកកសិកម្មតែប្រឈមឧបសគ្គធំសម្រាប់ការនាំចេញទៅទីផ្សារអឺរ៉ុប៖ ថ្នាក់ដឹកនាំក្រសួងកសិកម្មក៏ដូចថ្នាក់ដឹកនាំថ្នាក់ក្រោមជាតិស្នើសុំវិនិយោគិនក្នុងនិងក្រៅស្រុក ឲ្យដាក់ទុនវិនិយោគលើវិស័យកសិកម្មនៅតាមខេត្ត ជាពិសេសដំណាំតំណាងខេត្ត សម្រាប់ផ្គត់ផ្គង់ទីផ្សារក្នុងស្រុកផង និងទីផ្សារក្រៅប្រទេសផង ។ សូមចុចទីនេះដើម្បីអានព័ត៌មានលម្អិត
ចំណែកឯ សារព័ត៌មានខ្លីៗ កាលពីថ្ងៃទី១៦ ខែឧសភា ឆ្នាំ២០១៩ បានចេញផ្សាយអំពី ក្រុមហ៊ុនចិន១ រៀបចំដីជាង ២ពាន់ហិកតានៅខេត្តកំពង់ធំ សម្រាប់ដាំដុះ និងវេចខ្ចប់ អង្ករ ស្វាយ និងស្វាយចន្ទី៖ ក្នុងជំនួបជាមួយលោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នាព្រឹកថ្ងៃទី១៦ ខែឧសភា ឆ្នាំ២០១៩ លោក He Jianping ប្រធានក្រុមប្រឹក្សាភិបាលនៃក្រុមហ៊ុន ជីប៊ីអាយ អិនធើណេសិនណល អិនវេសមិន ឯ.ក បានបង្ហាញពីផែនការវិនិយោគរបស់ក្រុមហ៊ុន ក្នុងការកែច្នៃ វេចខ្ចប់ ពិសេសការបំពេញខ្សែច្រវាក់ផលិតកម្មកសិកម្មពីចំណុចផ្តើម រហូតដល់ការនាំចេញតែម្តង ហើយអ្វីដែលសំខាន់នោះ ការធ្វើពាណិជ្ជកម្ម និងទីផ្សារកសិផល គឺតាមរយៈប្រព័ន្ធអ៊ីនធឺណេត ដែលអាចកាត់បន្ថយពេលវេលា ការចំណាយ និងបង្កើនភាពទូលំទូលាយជូនគ្រប់ភាគីពាក់ព័ន្ធ។ សូមចុចទីនេះដើម្បីអានព័ត៌មានលម្អិត
ដោយ៖ ជួប ស្រីរ័ត្ន
