អ្នក​ដឹកជញ្ជូន​ខ្នាតយក្ស​ Grab បាន​ចេញ​សេចក្តី​ប្រកាស​កាល​ពី​ថ្ងៃ​ព្រហស្បត្តិ៍​កន្លង​ទៅថា ក្រុម​ហ៊ុនខ្លួន​បាន​ដាក់​ឲ្យ​ដំណើ​រការ​ការ​ដឹក​ជញ្ជូន​តាម​រយៈ​​កង់​បី​ឥណ្ឌា​នៅក្នុ​ងទីក្រុង​ហ្សា​កាតា ប្រទេសឥណ្ឌូនេស៊ី។

សេវាសម្រាប់​កង់​បី​ឥណ្ឌានេះ​មាន​នៅក្នុង​ ៥ ទីតាំងដែ​ល​នៅក្បែរៗទីក្រុង​ហ្សាការតាមានដូចជា៖ ស្ថានីយ៍ Jakarta Kota Mangga Dua ITC ស្ថានីយ៍ Mangga Besar ស្ថានីយ៍ Sawah Besar និង Pasar Baru។

Grab ក៏​បាន​បញ្ជាក់​បន្ថែម​ថា អ្នក​ដំណើរ​ដែល​ប្រើ​ប្រាស់​សេវាកម្ម​កង់​បីឥណ្ឌា​នេះ នឹង​ត្រូវ​ចំណាយ ០.២១ ដុល្លារ​ក្នុ​ងមួយ​គីឡូ​ម៉ែត្រ។ ដូចគ្នា​នេះ​ដែរ សេវាកម្ម​កង់​បីឥណ្ឌានេះ​នឹង​មានដំណើ​រការ​ក្នុងប្រទេស​មី​យ៉ាន់​ម៉ា​នៅឆ្នាំ​ក្រោយ​នេះ​៕