សង្ខេបព្រឹត្តិការណ៍សេដ្ឋកិច្ចកម្ពុជាប្រចាំសប្ដាហ៍
ថ្ងៃនេះBizkhmerសូមបង្ហាញជូនលោកអ្នកនូវការសង្ខេបព្រឹត្តិការណ៍សេដ្ឋកិច្ចសំខាន់ៗនៅកម្ពុជាប្រចាំសប្តាហ៍ ដើម្បីផ្ដល់ជាចំណេះដឹងនិងជំនួយដល់ការធ្វើអាជីវកម្មរបស់លោកអ្នក។ ខាងក្រោមនេះគឺជាព័ត៌មានសេដ្ឋកិច្ចសំខាន់ៗដែលដកស្រង់ចេញពីស្ថាប័នព័ត៌មានក្នុងស្រុកល្បីៗមួយចំនួនដូចជា កាសែតកោះសន្តិភាព រស្មីកម្ពុជា ភ្នំពេញប៉ុស្ដិ៍ KleyKley និង Khmertime។
យោងតាមកាសែត ភ្នំពេញប៉ុស្ដិ៍ កាលពីថ្ងៃទី០៧ ខែមិថុនា ឆ្នាំ២០១៩ បានចេញផ្សាយអំពី តំណាងពាណិជ្ជកម្មអាមេរិក មកកម្ពុជាស្របនឹង EU៖ គណៈប្រតិភូមួយក្រុមនៃតំណាងពាណិជ្ជកម្មសហរដ្ឋអាមេរិក (USTR) និងក្រសួងការបរទេសអាមេរិកកំពុងធ្វើទស្សនកិច្ចនៅប្រទេសកម្ពុជា នៅសប្ដាហ៍នេះ ដើម្បីពិភាក្សាពីបញ្ហាពាណិជ្ជកម្មទ្វេភាគី ដែលដំណើរទស្សនកិច្ចនេះធ្វើឡើងស្របគ្នានឹងគណៈប្រតិភូសហភាពអឺរ៉ុបមកកម្ពុជា ដើម្បីពិភាក្សាពីបញ្ហា EBA។ សូមចុចទីនេះដើម្បីអានព័ត៌មានលម្អិត
ដោយឡែកសម្រាប់កាសែតរស្មីកម្ពុជា កាលពីថ្ងៃទី០៦ ខែមិថុនា ឆ្នាំ២០១៩ បានចេញផ្សាយអំពីគម្រោងផ្សារបន្លែនៅបឹងកប់ស្រូវត្រូវការដៃគូមានទុនវិនិយោគ២០០លានដុល្លារ៖ គម្រោងសាងសង់ផ្សារផ្គត់ផ្គង់បន្លែផ្លែឈើ និង ចំណតរថយន្តនៅបឹងកប់ស្រូវ(បឹងតាមោក)ជាប់ផ្លូវឈ្នះឈ្នះ ដែលជាគម្រោងរបស់រដ្ឋបាលរាជធានីភ្នំពេញកំពុងចាក់ដីឲ្យបានខ្ពស់ស្មើផ្លូវ និង កំពុងស្វែងរកដៃគូមានទុនវិនិយោគប្រមាណជា២០០លានដុល្លារ។ សូមចុចទីនេះដើម្បីអានព័ត៌មានលម្អិត
មួយវិញទៀតសម្រាប់សារព័ត៌មានខ្លីខ្លី កាលពីថ្ងៃទី០៤ ខែមិថុនា ឆ្នាំ២០១៩ បានចេញផ្សាយអំពី ម៉ាឡេស៊ីចង់ក្លាយជាអ្នកវិនិយោគធំលំដាប់ទីមួយនៅកម្ពុជា៖ ក្នុងជំនួបជាមួយសម្តេច ហ៊ុន សែន នាព្រឹកថ្ងៃទី៤ ខែមិថុនា ឆ្នាំ២០១៩ នៅវិមានសន្តិភាព លោក Eldeen Hasaaini Binh Mohd Hashim ឯកអគ្គរដ្ឋទូតម៉ាឡេស៊ីប្រចាំនៅកម្ពុជា បានបញ្ជាក់ថាក្នុងបេសកកម្មការងាររបស់លោកនៅកម្ពុជានៅពេលនេះគឺ៖។ សូមចុចទីនេះដើម្បីអានព័ត៌មានលម្អិត
យោងតាមប្រភពដដែលនេះកាលពីថ្ងៃទី០៧ ខែមិថុនា ឆ្នាំ២០១៩ បានចេញផ្សាយអំពី សួនទឹកកម្សាន្តមួយ នឹងលេចរូបរាងឡើងនៅជិតវិមានឈ្នះឈ្នះ៖ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី៦ ខែមិថុនា ឆ្នាំ២០១៩ បានសម្រេចចេញវិញ្ញាបនប័ត្រចុះបញ្ជីជាស្ថាពរ ជូនដល់ក្រុមហ៊ុន Phat Phnom Penh Co., LTD លើគម្រោងសាងសង់សួនទឹកកម្សាន្ត។ គម្រោងវិនិយោគនេះ មានទីតាំងស្ថិតនៅភូមិព្រែកតារ័ត្ន សង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ (ជិតវិមានឈ្នះឈ្នះ) ជាមួយទុន ៥៥លានដុល្លារ និងអាចបង្កើតការងារបានចំនួន ៧១៥កន្លែង៕
ដោយឡែកកាលពីថ្ងៃទី០៨ ខែមិថុនា ឆ្នាំ២០១៩ កាសែតកោះសន្តិភាព បានចេញផ្សាយអំពី ម៉ាកសញ្ញលំដាប់ពិភពលោករបស់អាមេរិកគ្រោងនឹងពង្រីក ការវិនិយោគនៅកម្ពុជា ខណៈអនាគត EBA មិនច្បាស់លាស់៖ ក្រុមហ៊ុនអន្តរជាតិធំមួយដែលជាម៉ាកសញ្ញាលំដាប់ពិភពលោករបស់អាមេរិក និងជាក្រុមហ៊ុនមួយស្ថិតនៅក្នុងចំណោមក្រុមហ៊ុនអន្តរជាតិល្បីៗចំនួន២០ ដែលបញ្ជាទិញទំនិញវាយនភណ្ឌពីកម្ពុជាធ្លាប់បានសរសេរលិខិតជូនសម្តេចតេជោ ហ៊ុន សែន បង្ហាញពីក្តីបារម្មណ៍ករណីប្រព័ន្ធអនុគ្រោះពន្ធ អ្វីគ្រប់យ៉ាងលើកលែងតែអាវុធ (EBA) របស់កម្ពុជាថាអាចត្រូវដកហូតដោយអឺរ៉ុបនោះ បានអះអាងថាខ្លួននឹងបង្កើនការបញ្ជារទិញពីកម្ពុជា ជាពិសេសបានអះអាងថានឹងធ្វើការបណ្តាក់ទុនវិនិយោគបន្ថែមដើម្បីពង្រឹងសង្វាក់ផលិតកម្មទៀតផង។ សូមចុចទីនេះដើម្បីអានព័ត៌មានលម្អិត
ចុងក្រោយយោងតាមសាព័ត៌មាន Khmertime កាលពីថ្ងៃទី៣១ ខែឧសភា ឆ្នាំ២០១៩ បានចេញផ្សាយអំពី ផ្សារដ៏ទំនើប YT Mall គ្រោងនឹងបើកនៅស្ទឹងមានជ័យ ឆ្នាំក្រោយ៖ ក្រុមហ៊ុន Yuetai International Group កាលពីម្សិលមិញបានប្រកាសពីគម្រោងថ្មីបំផុតរបស់ខ្លួន នៅក្នុងរាជធានីភ្នំពេញ គឺផ្សារទំនើប YT ដែលមានហាងលក់ទំនិញ និងមជ្ឈមណ្ឌលកម្សាន្ត។ ផ្សារទំនើបដែលបើកសម្ពោធនៅឆ្នាំ ២០២០ នឹងមានទីតាំងនៅសង្កាត់ស្ទឹងមានជ័យ ក្បែរព្រលានយន្តហោះអន្តរជាតិភ្នំពេញ សាងសង់នៅលើផ្ទៃដីទំហំ ៣ហិកតា។ សូមចុចទីនេះដើម្បីអានព័ត៌មានលម្អិត
ដោយ៖ ជួប ស្រីរ័ត្ន
