សង្ខេបព្រឹត្តិការណ៍សេដ្ឋកិច្ចសំខាន់ៗប្រចាំសប្ដាហ៍
ថ្ងៃនេះ Bizkhmer នឹងជ្រើសរើសយកនូវព្រឹត្តិការណ៍ព័ត៌មានដែលសំខាន់នឹងគួរឲ្យទុកចិត្តពីសារព័ត៌មានល្បីៗក្នុងស្រុកចំនួន៥គឺកាសែតរស្មីកម្ពុជា ភ្នំពេញប៉ុស្ដិ៍ កោះសន្តិភាព សារព័ត៌មានខ្លីខ្លី និង Khmertimes ដើម្បីជាជំនួយដល់ការសម្រេចចិត្តអាជីវកម្មរបស់លោកអ្នក។ ខាងក្រោមនេះគឺជាព្រឹត្តិការណ៍សេដ្ឋកិច្ចចំនួន៦៖
យោងតាមការចុះផ្សាយរបស់សារព័ត៌មានខ្លីខ្លី កាលពីថ្ងៃទី១៩ ខែមិថុនា ឆ្នាំ២០១៩ បានចេញផ្សាយអំពី ឥណ្ឌា ផ្តល់ទឹកប្រាក់ជិត៩០ម៉ឺនដុល្លារសម្រាប់ការអនុវត្តគម្រោងនៅកម្ពុជា ក្រោមកិច្ចសហប្រតិបត្ដិការមេគង្គ-គង្គា៖ ក្រសួងការបរទេស និងសហប្រតិបត្តិការអន្តរជាតិ និងរដ្ឋាភិបាលឥណ្ឌា បានចុះហត្ថលេខាលើអនុស្សារណៈនៃការយោគយល់ស្តីពីជំនួយឥតសំណងរបស់សាធារណរដ្ឋឥណ្ឌា សម្រាប់ការអនុវត្តគម្រោងឆាប់ទទួលបានផលនៅកម្ពុជា នៅព្រឹកថ្ងៃទី១៩ ខែមិថុនា ឆ្នាំ២០១៩ ក្រោមអធិបតីភាពលោក លុយ ដាវីត រដ្ឋលេខាធិការនៃក្រសួងការបរទេស និងសហប្រតិបត្តិការអន្តរជាតិ និងលោកស្រី Manika Jain ឯកអគ្គរដ្ឋទូតនៃសាធារណរដ្ឋឥណ្ឌាប្រចាំកម្ពុជា។ សូមចុចទីនេះដើម្បីអានព័ត៌មានលម្អិត
តាមប្រភពខាងលើក្នុងថ្ងៃដដែលនោះ បានចុះផ្សាយអំពី ព្រលានយន្តហោះថ្មីនៅមណ្ឌលគិរី មិនដឹងធ្វើពេលណា តែតម្លៃដី ឡើងថ្លៃ ១០ដង៖ នៅប៉ុន្មានខែចុងក្រោយនេះ ក្រោយពីទទួលបានដំណឹងថា ព្រលានយន្តហោះថ្មីនឺងត្រូវស្ថាបនាឡើងក្នុងខេត្តមណ្ឌលគិរី ធ្វើឲ្យតម្លៃដីក្នុងខេត្តមួយនេះ បានកើនឡើងគួរឱ្យកត់សម្គាល់ បើទោះបីពុំទាន់ដឹងថា ពេលណាព្រលានយន្តហោះថ្មីនោះ នឹងចាប់ផ្តើមបើកការដ្ឋានពេលណាក៏ដោយ។ មានកន្លែងខ្លះ ជាពិសេសក្នុងស្រុកអូររាំង តម្លៃដីបានកើនឡើងដល់ទៅ ១០ដងទៅនឹងតម្លៃដីធម្មតាមុនទទួលបានដំណឹងធ្វើព្រលានយន្តហោះថ្មី។ សូមចុចទីនេះដើម្បីអានព័ត៌មានលម្អិត
ដោយឡែកសម្រាប់កាសែត កោះសន្តិភាព កាលពីថ្ងៃទី២០ ខែមិថុនា ឆ្នាំ២០១៩ បានចេញផ្សាយអំពី កូរ៉េនឹងប្រជែងទីផ្សារវិស័យសំណង់នៅកម្ពុជា ខណៈចិនជាប់លំដាក់ទី១ វិនិយោគវិស័យសំណង់៖ សារធារណៈរដ្ឋកូរ៉េនឹងនាំយកបច្ចេកវិទ្យាវិស័យសំណង់មកប្រជែងទី ផ្សារក៏ដូចជា វិនិយោគនៅក្នុងប្រទេសកម្ពុជា ខណៈដែលប្រទេសចិនបាន ជាប់លំដាប់ទី១ លើកការវិនិយោគវិស័យសំណង់នៅកម្ពុជា ។ ការប្រជែងទីផ្សារនេះ បន្ទាប់ពីកម្ពុជា និងកូរ៉េបានធ្វើវេទិការធុរកិច្ចសម្ភារសំណង់កម្ពុជា -កូរ៉េ នាព្រឹកថ្ងៃទី២០ ខែមិថុនា ឆ្នាំ២០១៩ នៅសណ្ឋាសូងហ្វីទែល ។ សូមចុចទីនេះដើម្បីអានព័ត៌មានលម្អិត
មួយវិញទៀតសម្រាប់កាសែត រស្មីកម្ពុជា កាលពីថ្ងៃទី២១ បានចេញផ្សាយអំពី ខេត្តយូណាននិងខេត្តបន្ទាយមានជ័យរឹតចំណងមេត្រីភាពនិងកិច្ចសហប្រតិបត្តិការបន្ថែមទៀត៖ រដ្ឋបាលខេត្តក៏ដូចមន្ត្រីនិងប្រជាជនខេត្តយូណានសាធារណរដ្ឋប្រជាមានិតចិននិងសមភាគីខេត្តបន្ទាយមានជ័យព្រះរាជាណាចក្រកម្ពុជាបានអះអាងពីការរឹតចំណងមេត្រីភាពទំនាក់ទំនងនិងកិច្ចសហប្រតិបត្តិការឱ្យបានផ្លែផ្កាថ្មីៗបន្ថែមទៀត។ សូមចុចទីនេះដើម្បីអានព័ត៌មានលម្អិត
ចំពោះកាសែត ភ្នំពេញប៉ុស្ដិ៍ កាលពីថ្ងៃទី២០ ខែមិថុនា បានចេញផ្សាយអំពី កម្ពុជា និងឥណ្ឌាចុះ MOU លើគម្រោងចំនួន ១៨៖ រដ្ឋាភិបាលឥណ្ឌាបានផ្តល់ជំនួយឥតសំណងលើគម្រោងចំនួន ១៨ ដែលមានតម្លៃសរុបជិត ៩០ ម៉ឺនដុល្លារ ដល់កម្ពុជាសម្រាប់ការអនុវត្តគម្រោងឆាប់ទទួលបានផល (QIP) ក្នុងក្របខ័ណ្ឌកិច្ចសហប្រតិបត្តិការមេគង្គ-គង្គា។ រដ្ឋាភិបាលទាំង ២ បានចុះហត្ថលេខាលើអនុស្សរណៈនៃការយោគយល់ស្តីពី ជំនួយឥតសំណងនេះនៅក្រសួងការបរទេសកម្ពុជាកាលពីម្សិលមិញ។ សូមចុចទីនេះដើម្បីអានព័ត៌មានលម្អិត
ចុងក្រោយសម្រាប់កាសែត Khmertime កាលពីថ្ងៃទី ២០ ខែមិថុនា ឆ្នាំ២០១៩ បានចេញផ្សាយអំពី សមាគមអន្តរជាតិនៃអភិបាលក្រុងនិយាយភាសាបារាំង បានផ្តល់នូវទឹកប្រាក់ជាង ១លានអឺរ៉ូ ដើម្បីរៀបចំតំបន់មិនរៀបរយឡើងវិញ៖ សហភាពអឺរ៉ុប និងសមាគមអន្តរជាតិនៃអភិបាលក្រុងនិយាយភាសាបារាំង បានផ្តល់នូវទឹកប្រាក់ជាង ១លានអឺរ៉ូ សម្រាប់គម្រោងរយៈពេល ៣ឆ្នាំ លើការពង្រឹងសមត្ថភាពរបស់រដ្ឋបាលថ្នាក់ក្រោមជាតិនៅកម្ពុជា លើវិស័យរៀបចំក្រុងប្រកបដោយចីរភាព ដើម្បីរៀបចំតំបន់មិនរៀបរយឡើងវិញ និងធានាលទ្ធភាពក្នុងការទទួលបាននូវសេវាសំខាន់ៗសម្រាប់សហគមន៍ក្រីក្រ។ សូមចុចទីនេះដើម្បីអានព័ត៌មានលម្អិត
