បច្ចុប្បន្នភាពនៃទំហំខាតបង់សេដ្ឋកិច្ចពិភពលោកដោយ ADB៖ កើនដល់ ៤,១ទ្រីលានដុល្លារ
ការប្រកាសរបស់ធនាគារអភិវឌ្ឍន៍អាស៊ី បានឱ្យដឹងថា ការរាតត្បាតនៃវីរុសកូវីដ១៩ នឹងបង្កការខាតបង់ដល់សេដ្ឋកិច្ចសកលលោកប្រមាណ ៥% ដែលស្មើនឹង ៤,១ទ្រីលាន (១០០ពាន់ពាន់) លានដុល្លារផ្អែកទៅលើទំហំនៃការរីករាលដាលនៅទូទាំងពិភពលោកជាពិសេសបណ្ដាប្រទេសមហាអំណាចសេដ្ឋកិច្ច។
ប្រសិនបើការបិទខ្ទប់ប្រទេសខ្លី នោះទំហំសេដ្ឋកិច្ចខាតបង់ត្រឹមតែ ២ទ្រីលាន (២ពាន់ពាន់) លានដុល្លារឬស្មើនឹង ២,៣% នៃធាតុចេញ (output) របស់ពិភពលោកទាំងមូលខណៈប្រទេសចិន នឹងខាតបង់ប្រមាណ ៣៦%នៃទំហំខាតបង់សរុបទាំងអស់។
លោក Yasuyuki Sawada ប្រធានសេដ្ឋ វិទូនៃធនាគារអភិវឌ្ឍន៍អាស៊ី ADB បានអះអាងថា ការរាតត្បាតនៃកូវីដ១៩ នឹងអូសបន្លាយយូរជាងការរំពឹងទុកនាពេលបច្ចុប្បន្ន ដូច្នេះ លទ្ធភាពនៃ វិបត្តិចលាចលហិរញ្ញវត្ថុ និង និងវិបត្តិហិរញ្ញវត្ថុធ្ងន់ធ្ងរ (severe financial turmoil and financial crises) មិនអាចកំណត់បាននោះឡើយ។
ប្រភព៖ Bloomberg
ត្រឹមតែថ្ងៃទី៦ មីនា ធនាគារអភិវឌ្ឍន៍អាស៊ីវាយតម្លៃថា ទំហំខាតបង់សេដ្ឋកិច្ចតែ ៣៤៧ពាន់លានដុល្លារប៉ុណ្ណោះហើយសេដ្ឋ វិទូខ្លះទៀតថា មានទំហំតែជាង ២ទ្រីលានដុល្លារ (មកដល់ពាក់កណ្ដាលខែមីនា) តែមកដល់ពេលដែលវីរុសនេះវាយលុកដែនដីជាង ២០០មក ទំហំនេះត្រូវបានវាយតម្លៃកើនដល់ ៤ទ្រីលានដុល្លារ៕
ដោយ៖ រតនៈវិភូ
ប្រភព៖ Bloomberg និង ADB
