ក្រុមហ៊ុន​ Samsung អេឡិចត្រូនិក​បាន​ប្រកាស​​​នៅ​​ថ្ងៃ​អង្គារ ម្សិលមិញ​ថា​​​ ក្រុមហ៊ុន​រំពឹង​ថា​ នឹង​ទទួល​បាន​ប្រាក់​ចំណេញ​កើន​ឡើង​​ខ្ពស់​ នៅ​ត្រីមាស​ទី​១ ​ដោយ​សារ​តែ​មាន​មនុស្ស​រាប់​លាន​នាក់​ធ្វើ​ការ​ពី​​ផ្ទះ​ដោយ​ប្រើ​ប្រាស់​សេវាកម្ម​ ទិន្នន័យ​តាម​ក្លៅ (cloud data service) នាំ​ឱ្យ​តម្រូវ​ការ​ Chip កើន​ឡើង។ ​

​​​បើ​ទោះ​ជា​មាន​ការ​រំពឹង​ទុក​ថា​ ចំណេញ​បែប​នេះ​ក្ដី​ ​ដោយ​សារ​តែ​កូវីដ​១៩​​ វាយ​ប្រហារ​នៅ​ទូទាំង​សាកលលោក​ ​ក្រុមហ៊ុន​​បាន​​ផ្អាក​ប្រតិបត្តិការ​នៅ​សាខា​ផ្នែក​ដំឡើង​របស់​ខ្លួន​ចំនួន​ ១១​កន្លែង​នៅផ្នែកផ្សេងៗនៅទូទាំង​ពិភពលោក ​បន្ទាប់​ពី​ខ្លួន​ ​រំពឹង​ថា​ ​សេដ្ឋកិច្ច​សកល​ អាច​​​​ឈាន​ដល់​ដំណាក់​កាល​វិបត្តិ​​ធ្ងន់ធ្ងរ (recession)។

​ត្រឹម​តែ​ ៣​ខែ​ដំបូង​សោះ​ ប្រាក់​ចំណេញ​​ប្រតិបត្តិការ​កើន​ ២,៧​% បើ​ធៀប​នឹង​ឆ្នាំ​២០១៩ ពោល​គឺ​ទទួល​បាន​រហូត​ដល់​ ៥,២​ពាន់​លាន​ដុល្លារ​ កើន​ឡើង​លើស​ពី​ការ​រំពឹង​ទុក។ Chip កើន​ឡើង​ដោយ​សារ​តែ​ Laptop សម្រាប់​ធ្វើ​ការ​ពីផ្ទះ​មាន​សមត្ថភាព​តូចមិនទាន់សភាពការណ៍ល្បឿនប្រើ​ Cloud។ 

ទោះ​ជា​បែប​នេះ​ក្ដី​ តម្រូវ​ការ​​ផ្នែក​ Smartphone ធ្លាក់​ចុះ​ទូទាំង​សកល (ធ្លាក់​ ១៤%​ខែកុម្ភៈ) ​ផលិតផលអេឡិចត្រូនិក​​ប្រើ​ប្រាស់​តាម​ផ្ទះ (consumer electronics) និង​សេវាកម្ម​ IT អាច​បន្ត​ធ្លាក់​ចុះ ជាពិសេស​នៅត្រីមាសទី២​ ប៉ុន្តែ​តម្រូវ​ការ​ semiconductor អាច​កើន​ឡើង ដោយ​សារ​តែ​ Memory Chip កើន​ឡើង៕ ​

ដោយ៖ រតនៈវិភូ​