តើអ្នកតែងមានជម្លោះនៅកន្លែងធ្វើការមែនទេ? អនុវត្តវិធី៤យ៉ាងនេះ ដើម្បីដោះស្រាយបញ្ហា
វាមានបញ្ហាជាច្រើនដែលអ្នកមិនធ្លាប់នឹកស្មានដល់នៅកន្លែងធ្វើការរបស់អ្នក។ តើអ្នកមិនចង់អោយវាកើតឡើងចំពោះអ្នកទេមែនទេ?នេះជាវិធីខ្លះៗដែលអាចជួយបង្ការអ្នកពីបញ្ហានិងបង្រៀនអោយអ្នកចេះបង្កើនទំនាក់ទំនងរួមមាន៖
១) លើកឡើងពីបញ្ហាភ្លាមៗ៖ នៅពេលបញ្ហាកំពុងតែកើតមានឡើងសូមអ្នកកុំរង់ចាំយូរ។ អ្នកត្រូវរួមគ្នាដើម្បីរកដំណោះស្រាយសម្រួលវាជាប្រញាប់។
២) បង្កើតការរំពឹងអ្វីមួយអោយច្បាស់លាស់៖ អ្នកត្រូវចេះគិតថាតើអ្នកដទៃកំពុងគិតអ្វីមកលើរូបអ្នកក៏ដូចជាតើអ្នកកំពុងគិតអ្វីទៅលើរូបគេ។ ដូចនេះអ្នកនឹងអាចស្វែងរកឃើញពីអ្វីដែលអ្នកពេញចិត្ត និងអ្វីដែលមិត្តរួមការងារអ្នកពេញចិត្ត ដែលនាំឲ្យការសម្របសម្រួលងាយនឹងចាប់ផ្តើម។
៣) បង្កើនការស្ដាប់របស់អ្នក៖ តើអ្នកតែងផ្ដោតអារម្មណ៍ដើម្បីស្ដាប់មនុស្សជុំវិញខ្លួនអ្នកដែរឬទេ? ការស្ដាប់ពិតជាមានសារៈសំខាន់ណាស់នៅកន្លែងធ្វើការ ព្រោះវាអាចជម្លៀសអ្នកពីជម្លោះនានាក៏ដូចជាបញ្ឈប់ជម្លោះនោះផងដែរ។
៤) ទទួលស្គាល់និងគោរពគំនិតផ្សេងៗរបស់អ្នកដទៃ៖ គំនិតផ្ទុយគ្នា អត្តចរិត និងរបៀបនៃការធ្វើការងារ តែងជាកត្តាបង្កជម្លោះផងដែរ។ អ្នកត្រូវចេះផ្ដល់តម្លៃដល់គំនិតរបស់អ្នកដទៃ។ មនុស្សម្នាក់ៗតែងជួបប្រទះរឿងផ្សេងៗគ្នាដែលជាមូលហេតុបណ្ដាលអោយការគិតក៏មានលក្ខណៈខុសគ្នាផងដែរ៕
ប្រែសម្រួល៖ ព្រំសុវណ្ណកណ្ណិកា
ប្រភព៖ www.businessnewsdaily.com
