ហេតុផលតាមបែបវិជ្ជាសាស្ត្រទាំង៤យ៉ាងដែលបញ្ជាក់ពីមូលហេតុ នាំឲ្យអ្នកតែងអស់កម្លាំងជាប្រចាំ
តើអ្នកមានចម្ងល់ទេនៅពេលដែលមានអារម្មណ៍ថាឆាប់អស់កម្លាំងទោះបីជាអ្នកមិនបានធ្វើអ្វីហត់ណាស់ណាក៏ដោយ? នេះអាចមានទំនាក់ទំនងជាមួយបញ្ហាសុខភាពរបស់អ្នកតាមរយៈបញ្ហាខាងក្រោម៖
១) ក្រពេញទីរ៉ូអ៊ីតរបស់អ្នកមានបញ្ហា៖ បើសិនជាក្រពេញទីរ៉ូអ៊ីតរបស់អ្នកមានបញ្ហាដូចជាទីរ៉ូអ៊ីតមិនដំណើរការ (hypothyroidism) ហើយអាការៈនោះមានដូចជាអ្នកជាមានអារម្មណ៍ថា ស្បែករបស់អ្នកស្ងួតឬមានបញ្ហាទល់លាមកជាច្រើន។ ក្រពេញទីរ៉ូអ៊ីតមិនដំណើរការគឺជាលក្ខខណ្ឌមួយដែលកើតឡើងនៅពេលដែលក្រពេញទីរ៉ូអ៊ីតរបស់អ្នកមិនអាចផលិតគ្រប់គ្រាន់នូវអ័រម៉ូនសំខាន់ជាក់លាក់មួយ។
២) អ្នកលើសជាតិស្ករនៅក្នុងខ្លួន៖ ពេលដែលអ្នកមានជាតិស្ករក្នុងឈាមខ្ពស់ចរាចរឈាមរបស់ អ្នកអាចត្រូវអន់ថយដូច្នេះកោសិកាមិនអាចទទួលបានអុកស៊ីសែន និង សារធាតុបំប៉នដែលពួកគេត្រូវការនោះទេ។ នៅពេលណាដែលអ្នកមានជាតិស្ករខ្ពស់ដែលធ្វើឲ្យមានការរលាករ៉ាំរ៉ៃដល់សរសៃឈាមផងដែរដែលអាចធ្វើឱ្យអ្នកមានអារម្មណ៍ថាអស់កម្លាំង។
៣) អ្នកមានអារម្មណ៍បាក់ទឹកចិត្ត៖ សញ្ញារបស់វាមានដូចជាអ្នកមានអារម្មណ៍ថាពិបាក ក្នុងការគេងតែអ្នកមិនចង់ក្រោកចេញពីគ្រែរបស់ខ្លួន។ អ្នកមិនចង់ចេញទៅជួបមនុស្សច្រើនទេ តែអ្នកក៏មិនចង់នៅម្នាក់ឯងនោះដែរ ដែលជាបញ្ហាដ៏ធ្ងន់ធ្ងរមួយដែលធ្វើឲ្យអ្នកងាយឆាប់នឿយហត់។
៤) អ្នកញាំចំណីអាហារផ្ដេសផ្ដាស៖ ទោះបីអ្នកខំញាំច្រើនយ៉ាងណាក៏ដោយ វាមិនប្រាកដថាអាហារទាំងអស់នោះអាចជួយទ្រទ្រង់សុខភាពរបស់អ្នកបាននោះដែរ ផ្ទុយទៅវិញអ្នកគួរតែជ្រើសរើសអាហារណាដែលមានសារធាតុចិញ្ចឹមខ្ពស់សម្រាប់សុខភាពរបស់អ្នក៕
ប្រែសម្រួល៖ តូច ម៉ាយ៉ារស្មី
ប្រភព៖ www.rd.com
