ហេតុផល​ទាំង​៣​យ៉ាង​ដែល​បញ្ជាក់​ថា​អ្នក​គួរ​តែ​រៀន​ពី​អ្វី​ដែល​ថ្មី​ជាប្រចាំ​បើ​អាច​ធ្វើ​បាន​



មានមនុស្សមួយចំនួន ចូលចិត្តរៀនអ្វីដែលថ្មីជាប្រចាំ ព្រោះពួកគេគិតថា វាជារឿងល្អមួយ ហើយពួកគេក៏មិនងាយនឹងធុញទ្រាន់ជាមួយនឹងមេរៀនថ្មី@ទាំងអស់នោះដែរ។ យ៉ាងណាមិញ មានមនុស្សមួយចំនួនទៀតដែលចូលចិត្តធ្វើរឿងអ្វីដដែលៗ ព្រោះពួកគេគិតថា វាជារឿងដែលពួកគេបានស្គាល់រួចមកហើយ ហើយវាក៏មិនលំបាកក្នុងការគិតប៉ុន្មាននោះដែរ។ តែអ្នកវិទ្យសាស្ត្របានស្រាវជ្រាវឃើញថា អ្នកគួរតែរៀនពីអ្វីថ្មីជាប្រចាំដោយសារតែហេតុផលខាងក្រោមនេះ៖ ១) មានចំណេះដឹងជ្រៅជ្រះជាងមុន៖ បើអ្នករៀនពីអ្វីដែលថ្មីរឹតតែច្រើនពេលណា អ្នកនឹងរឹតតែមានចំណេះដឹងខ្ពស់ប៉ុណ្ណឹង ព្រោះបើអ្នកនៅសម្ងំរៀនពីអ្វីដដែលៗ តើអ្នកអាចនឹងទទួលបានចំណេះដឹងអ្វីប្លែកដែរឬមួយក៏អត់ទេ? ចម្លើយគឺប្រាកដជាអត់។ ដូចនេះ អ្នកគួរតែរៀនពីអ្វីដែលថ្មីៗឡើង ដើម្បីហ្វឹកហាត់ខួរក្បាលរបស់អ្នក។ ២) មានគ្រឹះរឹងមាំ៖ នៅពេលដែលអ្នកទៅជួបជាមួយមនុស្សដែលមិនធ្លាប់ស្គាល់ ឬនរណាម្នាក់ក៏ដោយ អ្នកនឹងមិនខ្លាចក្នុងការដែលមិនមានគំនិតអ្វីក្នុងការបញ្ចេញនោះទេ។ បើអ្នករៀនតែអ្វីដែលដដែលៗ អ្នកនឹងចេះតែពីរឿងនោះមួយមុខគត់ ហើយក៏គ្មានការអភិវឌ្ឍទៅមុខគួរឲ្យកត់សម្គាល់នោះដែរ។ ៣) ស្គាល់ខ្លួនឯងបានច្បាស់ជាងមុន៖ នៅពេលដែលអ្នកសាកធ្វើអ្វីមួយថ្មី អ្នកក៏នឹងឆាប់បានយល់ពីខ្លួនរឹតតែច្រើនផងដែរ ថាអ្នកចូលចិត្តអ្វី ហើយជាលក្ខណៈបែបណា។ ឧទាហរណ៍ដូចជាការញាំការ៉េម អីចឹងដែរ ប្រសិនបើអ្នកមិនភ្លក្សរសជាតិផ្សេងៗគ្នានោះទេ អ្នកនឹងមិនងាយដឹងនោះឡើយថារសជាតិដែលអ្នកចូលចិត្តជាងគេនោះ គឺជារសជាតិអ្វីដែរ៕ ប្រែសម្រួល៖ តូច ម៉ាយ៉ារស្មី ប្រភព៖ www.entrepreneur.com
X
5s