វិធីងាយៗដែលអាចជួយ កាត់បន្ថយដឺក្រេភ្នែក និងថែទាំភ្នែកឲ្យមើលបានច្បាស់ល្អ
ភ្នែកគឺពិតជាសំខាន់ណាស់សម្រាប់មនុស្សលោក អ្នកមិនអាចរស់ដោយគ្មានវាបានទេ ព្រោះវាហាក់ដូចជាការរស់នៅក្នុងពិភពលោកដ៏ងងឹតសូន្យមួយ។ នេះជាវិធីដែលអាចកាត់បន្ថយដឺក្រេភ្នែករបស់អ្នកបាន៖
១) កុំសម្លឹង អ្វីមួយដោយប្រឹងបើកភ្នែកខ្លាំង ឬក៏សម្លឹងអ្វីមួយ ដែលនៅឆ្ងាយ ដាច់កន្ទុយភ្នែកយូរពេក។
២) គួរឧស្សាហ៍អាន សៀវភៅនៅកន្លែងដែលមានភ្លើងគ្រប់គ្រាន់ ព្រោះវាអាចឲ្យអ្នកឃើញបានច្បាស់ដោយមិនបាច់ប្រឹងភ្នែកខ្លាំង។
៣) បើមានបញ្ហាភ្នែក អ្នកគួរទៅជួបពិគ្រោះជាមួយអ្នកជំនាញផ្នែកភ្នែក ឲ្យបានឆាប់ ហើយកុំទុកយូរ។
៤) កុំឧស្សាហ៍ អង្អែល ឬក៏ប៉ះពាល់ភ្នែក ធ្ងន់ៗពេក ព្រោះវាអាចប៉ះពាល់ដល់កែវភ្នែកជាយថាហេតុបាន។
៥) ពេលចេញទៅក្រៅ យល់ល្អ អ្នកត្រូវពាក់វែនតាការពារកម្ដៅថ្ងៃ ព្រោះថាភ្នែកអ្នកមិនអាចទទួលពន្លឺថ្ងៃភ្លឺពេកទេ។
៦) បើសិនជាអាច កុំប្រើប្រាស់គ្រឿងសំអាងតុបតែងមុខ មានតម្លៃថោកៗ ពេក ព្រោះវាអាចប៉ះពាល់ដល់បរិវេណភ្នែកអ្នក ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ powerofpositivity.com
