អត្ថប្រយោជន៍សំខាន់ៗ ដែលអ្នកទទួលបានពីការឱបមនុស្សជាទីស្រលាញ់ច្រើនដងក្នុងមួយថ្ងៃ
តាមរយៈការសិក្សាមួយចំនួនបង្ហាញថា ការឱបនឹងជួយបំបាត់ជំងឺរបស់អ្នក ភាពឯកា ការធ្លាក់ ទឹកចិត្ត និងភាពតប់ប្រមល់នានា។ អ្នកស្រាវជ្រាវបានបង្ហាញទៀតថា នេះដោយសារតែបេះដូងមនុស្សម្នាក់ និងម្នាក់ទៀតប៉ះគ្នា ទើបធ្វើឲ្យកើតមានអារម្មណ៍កក់ក្ដៅឡើង។ នេះជាចំណុចដែលអ្នកគួរដឹង៖
១) ការប៉ះពាល់គ្នាដោយសារការឱបនេះ នឹងបង្កើតភាពជឿជាក់គ្នា ក៏ដូចជាអារម្មណ៍សុខសន្តិភាព។ ដោយការឱបនេះនឹងជួយបង្កើតឲ្យមានការបើកចិត្ត និងចំណងមិត្តភាពដ៏ស្មោះត្រង់។
២) ការឱបអាចបង្កើតកម្រិតOxytocin ដែលជួយបង្ក្រាបអារម្មណ៍ឯកា អារម្មណ៍ឃ្លាតពីគេឯង និងកំហឹងនានាទៀតផង។
៣) ការឱប ជួយបង្កើតកម្រិត Serotonin ក្នុងខ្លួន ដែលជួយឲ្យអារម្មណ៍អ្នកល្អ និងពោរពេញទៅដោយភាព សប្បាយរីករាយ។
៤) ការឱបនឹងធ្វើឲ្យអ្នកចេះស្រឡាញ់ខ្លួនឯង ព្រោះអីពេលអ្នកកើតមកភ្លាម ឪពុកម្ដាយអ្នកផ្ដល់ការឱបនេះឡើង ដែលជាសញ្ញានាំឲ្យអ្នកចេះស្រឡាញ់ខ្លួន។
៥)ការឱប ជួយនាំភាពតានតឹងនានាចេញពីសាច់ដុំ និងរាងកាយអ្នក។
៦) ការឱបគឺដូចទៅនឹងការតាំងសម្មាធិ និងការសើចដែរ ដោយសារវាបង្រៀនអ្នកឲ្យលះបង់រឿងគ្រប់យ៉ាងចេញ ហើយផ្ដោតអារម្មណ៍ធ្វើអ្វីដែលអ្នកមានទៅបានហើយ។ ការឱបនឹងនាំអ្នកចេញពីការគិតច្រើន ហើយប្រែជាភ្ជាប់អ្នកទៅនឹង បេះដូង អារម្មណ៍ និងដំណក ដង្ហើមទៅវិញ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ mindbodygreen
