ចង់ដឹងទេថា មូលហេតុអ្វីទើបម្នាក់ៗ ចូលចិត្តការពន្យារពេលម្ល៉េះ?
តើអ្នកដែលពន្យារពេលលើកិច្ចការណាដែលអ្នកគ្រោងនឹងធ្វើដែរទេ? តើអ្នកចង់ពន្យារពេលឬក៏វាក្លាយជាទម្លាប់ហើយ? ការពន្យារពេលនេះគឺមិនមែនជាទង្វើឬក៏ទម្លាប់ល្អនោះទេ។ ហេតុនេះអ្នកត្រូវដឹងពីដើមចមនាំឲ្យអ្នកពន្យារពេល។
១) កិច្ចការគួរឲ្យធុញ៖ ការងារដែលហាក់ដូចជាគួរឲ្យធុញទ្រាន់ មិនគួរឲ្យចាប់អារម្មណ៍ គឺអ្នកតែងតែពន្យារទាំងអស់។ ដូចនេះ អ្នកគួររកការងារណាដែលនាំឲ្យអ្នកសប្បាយ ឬក៏កែប្រែការងារនោះឲ្យចាប់អារម្មណ៍ជាងមុន ដើម្បីកុំឲ្យអ្នកពន្យារពេលនឹងវាទៀត។
២) អ្នកធុញថប់អារម្មណ៍ ៖ អ្នកទុកការងារចោល ដោយសារតែអារម្មណ៍ធុញថប់ និងតានតឹងខ្លាំង។ ភាពតានតឹងនោះ នឹងវាយលុកទាំងកាយទាំងអារម្មណ៍ ដែលជាហេតុនាំឲ្យអ្នកអត់អារម្មណ៍យកចិត្តទុកដាក់ចំពោះការងារ។
៣) មិនដឹងថាគួរចាប់ផ្ដើមកន្លែងណា៖ នេះអ្នកមិនអាចបន្តការងារទៅបាន ដោយសារតែមិនដឹងថាត្រូវចាប់ផ្ដើមនូវចំណុចណាមុនគេ។ ពេលខ្លះវាពិតជាពិបាកណាស់ ក្នុងការស្វែងរកគំនិតមកដាក់ដំបូងគេនោះ។
៤) ចូលចិត្តនិយាយពាក្យ«ចាំស្អែក» ៖ ពាក្យនេះគឺបង្ហាញថា អ្នកមិនអាចធ្វើកិច្ចការពេលនេះបានទេ។ ពេលខ្លះអ្នកមិនខ្ជិលទេ តែដោយសារតែចូលចិត្តនិយាយថាស្អែក ហើយមិនគោរពពាក្យសម្ដី ទើបកិច្ចការនោះ ចេះតែពន្យារយូរទៅៗ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ developgoodhabits
