មុន​នឹង​ទិញ​ផលិតផល​យក​មក​ប្រើ​ប្រាស់​ សង្ឃឹម​ថា​អស់​ លោក​ លោក​ស្រី​ ​បង​ប្អូន​ទាំង​អស់​ ចេះ​មើល​កាល​បរិច្ឆេទ​ផលិត​ ឬ​ហៅ​ម្យ៉ាង​ទៀត​ថា​លេខ​កូដ​កាល​បរិច្ឆេទ​​(Date Code) មិន​ថា​ ថ្នាំ​លេប​ ឬ​ចំណី​អាហារ​ សុទ្ធ​តែ​ចាំ​បាច់​បំផុត​ដើម្បី​ជៀសវាង​ផល​ប៉ះពាល់​​ដល់​សុខភាព ឬ​គ្រោះ​ថ្នាក់​ដោយ​ប្រការ​ណា​មួយ​​។ ​ខាង​ក្រោម​នេះ​ ជា​វិធី​សរសេរ​កាល​បរិច្ឆេទ​​​នៃ​ការ​ផលិត​ នៅ​លើ​ផលិតផល​ផ្សេងៗ​គ្នា៖ ១) សម្បក​កង់​​យានយន្ត៖ ​ច្រើន​តែ​សរសេរ​ដោយ​ចាប់​ផ្ដើម​ដោយ​ពាក្យ​ថា​ DOT (The Department of Transportation) ​កូដ ​​ដែល​ផ្ដល់​នូវ​​ព័ត៌មាន​ចាំបាច់​អំពី​អាយុកាល​របស់​សម្បក​កង់​ និង​ទីកន្លែង​ផលិត។ ​ស្ទើរ​តែ​គ្រប់​ប្រភេទ​នៃ​សម្បក​កង់​ សុទ្ធ​តែ​មាន​សរសេរ​ដោយ​ចាប់​ដ្ដើម​ដោយ​អក្ស​ DOT។ ក) ​សរសេរ​សប្ដាហ៍ មុន​ឆ្នាំ ខ) ម្ខាង​មាន​សរសេរ​ តែ​ម្ខាង​គ្មាន​សរសេរ​​​ ​ចំណាំ៖ មិន​ត្រូវ​ជិះ​ដាច់​ខាត​ប្រសិន​បើ​សម្បក​កង់​របស់​អ្នក​​មាន​អាយុ​កាល​លើស​ពី​ ១០​ឆ្នាំ ​​២) ផលិតផល​អាហារ​ និង​ឱសថ​៖ ​គេ​ច្រើន​សរសេរ​ត្រង់​ៗ​តែ​ម្ដង​គឺ​ Use By/Sell By/Expiration Date តែ​ម្ដង។ ​ដោយ​ឡែក​ ​ផលិតផល​អាហារ​​ប្រសិន​បើ​ផុត​កំណត់​រយៈ​ពេល​ខ្លី​ គឺ​លោក​អ្នក​អាច​នៅ​ញ៉ាំ​បាន​មិន​ទាន់​ប៉ះពាល់​ដល់​សុខភាព​នោះ​ទេ។ ​ ៣) ផលិតផល​របស់​កុមារ៖ ​ខុស​ពី​ចំណី​អាហារ​ ឱសថ​ និង​​ផលិតផល​កុមារ​មិន​អាច​ប្រើ​ប្រាស់​បាន​ជា​ដាច់​ខាត​ប្រសិន​បើ​ផុត​កំណត់។ ៤) លេខ​ ៥​ខ្ទង់​នៅ​លើ​ផលិតផល​អាហារ៖ ​អាហារ​កំប៉ុង​ ឬ​អាហារ​​ចម្អិន​ស្រាប់​មួយ​ចំនួន អាច​នឹង​សរសេរ​លេខ​ ៥​ខ្ទង់​ដូច​ជា​ 11322 ​មាន​ន័យ​ថា​ ថ្ងៃ​ទី​៣២២​ នៃ​ឆ្នាំ ២០១១​​ ត្រូវ​នឹង​ថ្ងៃ​ទី​២២ ខែ​វិច្ឆិកា ​ឆ្នាំ​២០១១។ ក) ដោយ​ឡែក​ អាហារ​មួយ​ចំនួន​ដែល​មាន​​អាយុកាល​ខ្លី​ជាង​មួយ​ឆ្នាំ​ ឬ​ត្រឹម​តែ​ប៉ុន្មាន​សប្ដាហ៍​​ គេ​អាច​​សរសេរ​​ត្រឹម​តែ​ ៣​ខ្ទង់​ប៉ុណ្ណោះ​ដូច​ជា​ 001 ​មាន​ន័យ​ថា​ ថ្ងៃ​ទី​១ ខែ​មករា​ 365​ មាន​ន័យ​ថា​ ថ្ងៃ​ទី​៣១​ ខែ​ធ្នូ។ ​ត្រូវ​ចាំ​ថា​ ប្រសិន​បើ​អ្នក​ទិញ​នៅ​​ឆ្នាំ​ណា​​​​ គឺ​ផលិតផល​នោះ​ផលិត​នៅ​ឆ្នាំ​នោះ​​ ទោះ​បី​គេ​មិន​សរសេរ​ក៏​ដោយ។ ​៥) លេខ​កាលបរិច្ឆេទ​នៅ​លើ​ Computer Chips៖ គេ​មាន​វិធី​បី​យ៉ាង​ ដែល​មាន​បង្ហាញ​ដូច​រូប​ខាង​ក្រោម៖ ​ ​​​​​​ ​​​​​​​​