សញ្ញាទាំង៥យ៉ាងដើម្បីដឹងថាអ្នកកំពុងក្រៀមក្រំផ្លូវចិត្ត
ការក្រៀមក្រំចិត្តនេះគឺជាជំងឺមួយដែលកើតមានឡើងលើមនុស្សរាល់គ្នាហ្នឹង។ បើការក្រៀមក្រំចិត្តនេះកើតមានឡើងចំពោះអ្នកហើយនោះ វាកាន់តែធ្វើឲ្យជីវិតពិបាកកាន់តែខ្លាំង។ តើគួរតែធ្វើដូចម្ដេចទៅ ដើម្បីដឹងថា អ្នកកំពុងតែក្រៀមក្រំចិត្តនោះ៖
១) ព្យាយាមឃ្លាតឆ្ងាយពីអ្នកដទៃ៖ អ្នកអាចដឹងថាអ្នកជាមនុស្សធ្លាក់ទឹកចិត្តបាន ដោយសារតែគម្លាតកាន់តែឆ្ងាយរវាងអ្នកនឹងមនុស្សជុំវិញខ្លួន។ មិនត្រឹមតែប៉ុណ្ណោះ ចំនួនមិត្តភក្ដិក៏កាន់តែតិចតួច មិនសូវមានភាពសកម្មជាមួយអ្នកដទៃ, មិនចង់ជួបមុខជាមួយនរណាឡើយ, ហើយតែងតែមានគំនិតអវិជ្ជមានគ្រប់ពេលវេលាផងដែរ។
២) គ្មានចំណាប់អារម្មណ៍នឹងអ្វីទាល់តែសោះ៖ បើសិនមានសកម្មភាពណាដែលធ្លាប់ធ្វើឲ្យអ្នកសប្បាយរីករាយហើយអ្នកខ្វះមិនបាននោះ តែវាប្រែក្លាយទៅជាគ្មានន័យដូចមុន។ នេះគឺបង្ហាញថាអ្នកមានរោគសញ្ញាកំពុងតែក្រៀមក្រំចិត្តជាទម្ងន់ហើយ។
៣) ផ្លាស់ប្ដូរចិត្តលឿនប្លែក ៖ អ្នកដែលទទួលបានការក្រៀមក្រំចិត្តតែងផ្លាស់ប្ដូរអារម្មណ៍ភ្លឹបភ្លែត ដែលពេលខ្លះក៏សប្បាយរួចប្រែទៅជាយំសោកវិញយ៉ាងឆាប់រហ័សក៏មាន។ ដូចនេះអ្នកក៏អាចដឹងថាខ្លួនឯងកំពុងពិបាកចិត្ត នៅពេលមានការផ្លាស់ប្ដូរអារម្មណ៍លឿនបែបនេះ។
៤) តែងតែនឿយហត់អស់កម្លាំង៖ ការខ្វាយខ្វល់និងគិតច្រើនពីរឿងមិនសប្បាយចិត្តនានា ក៏បណ្ដាលឲ្យប៉ះពាល់ដល់ផ្លូវចិត្ត ហើយក៏មានអារម្មណ៍ថាខ្លួនគ្មានកម្លាំងកំហែងក្នុងការធ្វើអ្វីមួយ។ ដូចនេះអ្នកគួរចេះលើកទឹកចិត្តខ្លួនឯង ដើម្បីកុំឲ្យមានការធ្លាក់ទឹកចិត្តព្រោះ វាអាចប៉ះពាល់ខ្លាំងដល់សុខភាពផងដែរ។
៥) ការអត់ងងុយ៖ ជាការពិតណាស់ ការធ្លាក់ទឹកចិត្តគឺជាបញ្ហាផ្លូវចិត្តមួយ ដែលពេលខ្លះវាប៉ះពាល់ដល់ដំណេកប្រចាំថ្ងៃរបស់អ្នកទៀតផង។ នៅពេលដែលអ្នកចំណាយពេលច្រើនម៉ោងក្នុងការសំងំគេង ហើយវានៅតែមិនបានផល នោះបញ្ជាក់ថាអ្នកមានជំងឺធ្លាក់ទឹកចិត្តយ៉ាងធ្ងន់ធ្ងរហើយ៕
ដោយ៖ ព្រំ សុវណ្ណកណ្ណិកា
