បើចង់ឱ្យការលក់របស់់អ្នកជោគជ័យ តើអ្នកត្រូវផ្ដោតលើអ្វីជាធំ?​



នៅកម្ពុជា អាជីវករឬធុរជនជាច្រើនជាពិសេសសហគ្រាសខ្នាតតូចមិនបានចាប់អារម្មណ៍គ្រប់គ្រាន់អំពីការបម្រើសេវាអតិថិជន (Customer services)ទេ។ ធុរកិច្ចជាច្រើនផ្តោតតែលើការប្រកួតប្រជែងនិងទាក់ទាញអតិថិជនតាមរយៈការផ្សាយពាណិជ្ចកម្មនិងជំរុញផ្សព្វផ្សាយផលិតផលរបស់ខ្លួនតែប៉ុណ្ណោះ។ គេច្រើនយល់ថា ការផ្សព្វ ផ្សាយខ្លាំងឬផ្តល់រង្វាន់ខ្លាំង  អតិថិជននឹងចូលចិត្តហើយងាកមកគាំទ្រទំនិញឬសេវារបស់ខ្លួន។ មូលហេតុនៃការមិនយកចិត្តទុកដាក់នេះ គឺដោយសារគេមិនសូវបានយល់ពីសារៈសំខាន់របស់សេវាកម្មអតិថិជន ក៏ដូចជាផលប៉ះពាល់អវិជ្ជមាននៃសេវានេះចំពោះអារម្មណ៍ឬបទពិសោធន៍អតិថិជន ហើយចុងក្រោយគឺមកលើអាជីវកម្មនេះឯង។

បច្ចុប្បន្ននេះ នៅពេលដែលអាជីវករខ្លះមិនយល់ពីសេវាខាងលើ  ក៏មានអាជីវករដទៃទៀតយល់ថា  វាអាចមានលក្ខណៈចាំបាច់តែសហគ្រាសផ្តល់សេវាដូចជាសហគ្រាសផ្នែកជួសជុល  ផ្នែកមន្ទីរពេទ្យ ឬសណ្ឋាគារប៉ុណ្ណោះ...។ ទាំងនេះជាការយល់ពុំត្រឹមត្រូវទេ។  តថភាពបង្ហាញថា  បើទោះបីជាធុរកិច្ចពួកគេមិនក្ស័យធនមែន តែគេមិនមានជោគជ័យធំៗនិងទទួលបានការគោរពនិងផ្តល់តម្លៃពីសាធារណជននិងអតិថិជនរបស់ខ្លួនប៉ុន្មានឡើយ។ ជាមួយនឹងជោគជ័យបណ្តោះអាសន្នរបស់គេ  ពាក្យចចាមអារាមមិនគប្បីក៏កើតមាននិងចែកចាយពីមនុស្សម្នាក់ទៅម្នាក់ឬតាមរយៈមធ្យោបាយបណ្តាញសង្គមដូចជាពីកេរ្តិឈ្មោះនិងម៉ាកសហគ្រាសបណ្តាលពីការផ្តល់ទំនិញយឺត  មិនគោរពពាក្យសន្យា   មិនដោះស្រាយការតវ៉ាត្អូញត្អែររបស់ភ្ញៀវ   ខ្វះសីលធម៌  និយាយភូតភរ  បំផ្លើស  បំភ័ន្ត  បុគ្គលិកខ្វះការហ្វឹកហាត់ ឬយកចិត្តទុកដាក់ជាមួយអតិថិជនតែពេលអតិថិជនមិនទាន់ព្រមព្រៀងទិញជាដើម ។

ការពិត ការបម្រើសេវាកម្មអតិថិជនមានសារៈសំខាន់ណាស់ក្នុងការបំពេញចិត្តអតិថិជន  ក្នុងការប្រកួតប្រជែង ក៏ដូចជាការកសាងកេរ្តិ៍ឈ្មោះធុរកិច្ចដែរ ជាពិសេសក្នុងសម័យកាលទំនើបដែលអតិថិជនហាក់កាន់តែខ្វះខាតពេលវេលាច្រើន ខ្វះភាពអំណត់ និងផ្តល់តម្លៃដល់តម្លៃខ្លួនច្រើនជាងមុន។ ការសិក្សាជាលក្ខណៈអន្តរជាតិតាមបណ្តាប្រទេសខ្លះដូចជានៅសហរដ្ឋអាមេរិក  អង់គ្លេស  អ៊ីតាលី និងនៅចិនប៉ុន្មានឆ្នាំមុនបានបង្ហាញពីការមិនសប្បាយចិត្តរបស់អតិថិជន។ 

ជាផលវិបាកនៃបទពិសោធន៍នៃការទទួលការបម្រើសេវាអតិថិជនមិនល្អម្តងឬពីរដង  អតិថិជនចំនួន ៥៩%សម្រេចចិត្តឈប់ទិញពីអាជីវកម្មនោះ និងងាកទៅគាំទ្រគូរប្រជែងរបស់ខ្លួនវិញ។គួរសហគ្រាសទាំងឡាយ(និងមិនកម្រិតតែខ្នាតតូចទេ) ចាត់ទុកថា ការបម្រើសេវាអតិថិជនជាផ្នែកមួយនៃយុទ្ធសាស្ត្រម៉ាឃីធិងនិងការលក់របស់សហគ្រាស ហើយមិនមានសារៈសំខាន់តែចំពោះអាជីវកម្មផ្តល់សេវានោះឡើយ!! អាជីវកម្មគ្រប់ប្រភេទតាំងពីរថយន្ត  បរិក្ខារអគ្គិសនី  គ្រឿងអេឡិចត្រូនិច  បដិសណ្ឋារកិច្ច  ភោជនីយដ្ឋានកាហ្វេ  ហាងលក់រាយ  ការលក់តាមអនឡាញ ។ល។ សុទ្ធតែត្រូវការវា។ កុំភ្លេចថា អតិថិជនជាច្រើនផ្តល់តម្លៃលើការបម្រើសេវាអតិថិជនជាងថ្លៃឬថែមទាំងជាងគុណភាពផលិតផលផង។ គុណភាពនៃការបម្រើសេវាអតិថិជនអាចជួយឬបំផ្លាញរាល់ធុរកិច្ចទាំងឡាយ (Customer service is the ‘make  or break’ of every business)។

ទន្ទឹមនឹងនេះដែរ BizKhmer Media បានបើកវគ្គសិក្សាខ្លីមួយស្ដីពី ‹‹សេវាកម្មបម្រើអតិថិជន›› ដែលជាវគ្គសិក្សាខ្លីផ្ដល់នូវគំនិត ជំនាញ និងការរបៀបបែបបទនៃការផ្ដល់សេវាកម្មដល់អតិថិជនក្នុងវិស័យអាជីវកម្មផ្សេង។ នេះជាគឺវគ្គពិសេសមួយដែលនឹងជួយបណ្ដុះបណ្ដាលជំនាញរបស់អ្នកក្នុងការជម្រុញការលក់សេវាកម្ម ផលិតផល អោយមានការចាប់អារម្មណ៍ច្រើនពីអតិថិជនដែលជួយទាក់ទាញការគាំទ្រពីពួកគេបានយូរអង្វែង។

ក្នុងវគ្គសិក្សានេះ អ្នកនឹងទទួលបានផលប្រយោជន៍ជាច្រើន៖

  • ជួបផ្ទាល់ជាមួយនឹងវាគ្មិនដែលមានបទពិសោធន៍រាប់ឆ្នាំនិងចំណេះដឹងច្បាស់លាស់ទាក់ទងនឹងសេវាកម្មបម្រើអតិថិជន
  • ក្លាយជាសមាជិក BizKhmer Media ដែលអ្នកនឹងទទួលបាននូវចំណេះដឹងថ្មីៗនៃការធ្វើទីផ្សារ ព្រមទាំងទទួលបាននូវការបញ្ចុះតម្លៃពិសេសលើវគ្គសិក្សាលើកក្រោយៗ
  • ទទួលបានចំណេះដឹង វិធីសាស្ត្រ យុទ្ធសាស្ត្រ និងផែនការនៃការធ្វើទីផ្សារជាច្រើន
  • ទទួលបានការប្រឹក្សាយោបល់លើស្ថានភាពមុខជំនួញ ការងារនិងអាជីវកម្មផ្សេងៗជាមួយនឹងវាគ្មិនរបស់យើងដោយមិនគិតថ្លៃ
  • សៀវភៅសិក្សាដែលមានខ្លឹមសារពាក់ព័ន្ធនឹងមេរៀនមួយក្បាល
  • សៀវភៅ E-Books ពីរក្បាលដែលផ្ដល់នូវចំណេះដឹងទាក់ទិននឹងការធ្វើទីផ្សារតាមប្រព័ន្ធឌីជីថលនិងចំណេះដឹងអាជីវកម្មផ្សេងៗ
  • មានការផ្ដល់ជូនវិញ្ញាបនបត្របញ្ជាក់ពីការចូលរួមរបស់លោកអ្នកក្នុងវគ្គសិក្សាខ្លីនេះ
  • មានការផ្ដល់ជូនអាហារនិងភេសជ្ជៈក្នុងកំពុងពេលសម្រាក

 

ព័ត៌មានលម្អិតទាក់ទងនឹងវគ្គសិក្សាខ្លីនេះ៖

⏰⏰ សិក្សារយៈពេល៖ 4 ម៉ោង (ម៉ោង 1-5 ល្ងាច)

📌📌ទីកន្លែង និងកាលបរិច្ឆេទ៖ Diamond Twin Tower នៅកោះពេជ្រ ថ្ងៃ សៅរ៏ ទី 22 កុម្ភៈ 2020 

📝📝តំណភ្ជាប់ចុះឈ្មោះ៖ http://bit.ly/37pTb1D

☎️☎️ព័ត៌មានបន្ថែម៖ 017 495 960/ 010 884 120

 

X
5s