ពិនិត្យចំណុចសំខាន់ ៤យ៉ាងនេះ ដើម្បីដឹងថាម្នាក់នោះគឺជាមិត្តភ័ក្ដិពិតប្រាកដរបស់អ្នក
ចំណងមិត្តភាពគឺពិតជាសំខាន់ខ្លាំងណាស់ក្នុងឆាកជីវិតមនុស្សម្នាក់ៗ។ តែបើអ្នកមិនបានចាប់អារម្មណ៍អោយកាន់តែច្បាស់ពីមនុស្សទាំងនោះ អ្នកអាចនឹងមានគ្រោះថ្នាក់ផងក៏ថាបាន។ នេះជាអ្វីដែលអ្នកត្រូវដឹងថាពួកគេនេះហើយជាមនុស្សដែលគួរអោយទុកចិត្ត៖
១) និយាយហើយធ្វើ៖ នៅពេលគេសម្រេចថានិយាយអ្វីហើយ អ្នកច្បាស់ជាឃើញសកម្មភាពនោះ។ ពួកគេមិនដែលនិយាយដូច្នេះរួចទៅធ្វើដូច្នោះនោះទេ។
២) មានពេលវេលាសម្រាប់អ្នកទោះបីរវល់ក៏ដោយ៖ មិត្តល្អគឺមិនស្វែងរកពេលសម្រាប់ជួបអ្នកទេ គឺគេបង្កើតពេលវេលាសម្រាប់ជួបអ្នក។ មនុស្សម្នាក់ៗតែងមានកិច្ចការរវល់តែ បើគេចេះឆ្លៀតសម្រាប់អ្នកនោះគឺច្បាស់ណាស់ថាគេជាមិត្តពិតរបស់អ្នកហើយ។
៣) អោយអ្នកធ្វើអ្វីដែលខ្លួនចង់បាន៖ អ្នកទាំងនោះស្រលាញ់អ្នក។ ហើយមិនចង់ធ្វើការគ្រប់គ្រងទៅលើអ្នកទេ។ ពួកគេចង់អោយអ្នកធ្វើអ្វីដោយមិនចាប់បាច់សុំការអនុញ្ញាតពីនរណាម្នាក់ឡើយ។
៤) ជួយអោយអ្នកក្លាយជាមនុស្សល្អ៖ ពេលអ្នកមានទុក្ខលំបាកពួកគេតែងនៅជិតអ្នក ហើយទូន្មានអ្នកអោយដើរផ្លូវមួយដែលត្រឹមត្រូវជានិច្ច៕
ដោយ៖ ព្រំ សុវណ្ណកណ្ណិកា
