រឿង៤យ៉ាងដែលអ្នកត្រូវតែដឹងពីអនាគតរបស់អ្នក
អនាគតរបស់អ្នកត្រូវបានវាយតម្លៃដោយការរស់នៅរបស់អ្នកនាពេលបច្ចុប្បន្នហើយចំណុចខាងក្រោមទាំង៤ នេះគឺអ្វីដែលគួរដឹងពីអនាគតរបស់អ្នក៖
១) សេចក្ដីស្រលាញ់មានឥទ្ធិពលយ៉ាងធំធេង៖ Gandhi បាននិយាយថាកន្លែងណាមានជីវិតកន្លែងនោះគឺមានសេចក្ដីស្រឡាញ់។ នេះគឺជាឃ្លាដ៏សាមញ្ញមួយដែលដកស្រង់ចេញពីមនុស្សម្នាក់ដែលរស់នៅជីវិតរបស់លោកពោរពេញទៅដោយក្ដីស្រឡាញ់រហូតដល់ទីបញ្ចប់។
២) ការធ្វើក្ដីសុបិនឲ្យក្លាយការពិត ត្រូវតែហ៊ានប្រថុយ៖ បើអ្នកមិនសាកល្បងអ្នកមិនអាចដឹងបាននោះទេថា តើអ្នកអាចធ្វើល្អបានដល់កម្រិតណានោះទេ ដូចនេះអ្នកមិនគួរមានភាពខ្លាចរអាក្នុងការធ្វើរឿងអ្វីមួយឡើយ ជាពិសេសនៅពេលចង់ឲ្យក្តីសុបិនរបស់ខ្លួនក្លាយជាការពិត។
៣) ការគោរពនិងកិត្តិយសមិនអាចទិញបានទេ៖ មុននឹងអ្នកធ្វើអ្វីមួយឬនិយាយអ្វីមួយចេញទៅក្រៅអ្នកគួរតែចេះគិតជាមុនបើសិនជាអ្នកមិនចង់ឲ្យអ្នកដទៃមើលងាយឬមិនមានទំនុកចិត្តលើអ្នក។
៤) ត្រូវតែរស់នៅក្នុងបច្ចុប្បន្ន៖ អ្នកមិនគួរសោកស្ដាយហួសហេតុពេកទៅលើរឿងដែលបានកើតឡើងហើយ ឬ ក៏មានការព្រួយបារម្ភពីអនាគតខ្លាំងពេកនោះទេ ព្រោះថាបើអ្នកធ្វើបែបនោះអ្នកនឹងមិនមានសេចក្ដីសុខពិតប្រាកដនៅក្នុងជីវិតឡើយ៕
ប្រែសម្រួល៖ តូច ម៉ាយ៉ារស្មី
ប្រភព៖ www.powerofpositivity.com
