តើត្រូវធ្វើដូចម្ដេចដើម្បីអោយអ្នកកាន់តែឆ្លាតជាងមុន?
អ្នកអាចទទួលភាពធុញថប់ នៅពេលលទ្ធផលដំបូងបង្អស់គឺមិនបានដូចចិត្ត។ ប៉ុន្តែនេះគឺជាអ្វីដែលមនុស្សទូទៅ ទទួលបានចំពោះកិច្ចការដំបូងរបស់ពួកគេ។ អ្នកអាចរៀនសូត្របន្ថែមទៀតពីអ្នកដទៃ។ ដូច្នេះថ្ងៃបន្ទាប់អ្នកនឹងសម្រេចអ្វីដែលចង់បាន។ ដើម្បីអោយក្លាយជាមនុស្សឆ្លាតវៃជាងនេះតើអ្នកត្រូវធ្វើដូចម្ដេច?
១) បោះបង់គំនិតដែលចង់បានភាពល្អឥតខ្ចោះ៖ ត្រូវចាំថា ក្នុងលោកនេះគ្មានទេ មនុស្សល្អឥតខ្ចោះ ប៉ុន្តែទោះយ៉ាងណាត្រូវធ្វើជាមនុស្សល្អឲ្យអស់ពីលទ្ធភាព។ ក្នុងការធ្វើកិច្ចការផ្សេងៗក៏ដួច្នោះដែរ បើអ្នកគិតតែរឿងល្អឥតខ្ចោះ នោះវានឹងធ្វើឲ្យអ្នកកាន់តែស្មុគក្នុងចិត្ត ហើយធ្វើអ្វីក៏លែងកើតទៀត។ ដូច្នេះហើយ អ្នកមិនគួរគិតតែចង់បានភាពល្អឥតខ្ចោះនោះទេ។
២) ផ្ដល់អ្វីមួយដល់អ្នកដទៃទោះបីអ្នកមិនទទួលបានប្រយោជន៍៖ វាជារឿងមួយដ៏ល្អណាស់ប្រសិនបើអ្នកតែងជួយជ្រោមជ្រែងអ្នកដទៃ ដោយមិនគិតពីប្រយោជន៍ផ្ទាល់ខ្លួន។ តាមរយៈការចុះជួយអ្នកដទៃដោយមិនគិតពីកម្រៃ ក៏វា អាចជួយដល់ការរកស៊ីរបស់អ្នកផងដែរ។ លើសពីនេះទៀត អ្នកក៏អាចទទួលបានគំនិតល្អៗ តាមរយៈការរៀនសូត្រក្នុងពេលជួយអ្នកដទៃនោះ។
៣) អានហើយអានទៀត៖ ការអាននេះអាចធ្វើអោយគំនិតរបស់អ្នកមានសក្ដានុពលខ្លាំងក្នុងការធ្វើអ្វីមួយ។ ការអាននេះជួយអោយអ្នកមានគំនិតល្អនិងអច្ឆរិយ ក្នុងការសម្រេចចិត្តធ្វើអ្វីមួយ ។ គ្មានហេតុផលអ្វីដែលអ្នកមិនត្រូវអានសៀវភៅនោះទេ។ ទោះបីវា ជាសៀវភៅសំណើចក្ដីក៏វាមានប្រយោជន៍សម្រាប់អ្នកដែរ៕
ប្រែសម្រួល៖ ព្រំ សុវណ្ណកណ្ណិកា ប្រភព៖ www.lifehack.org
