​បើ​អ្នក​ជួប​ដៃ​គូ​ស្នេហា​​ដែល​​ធ្វើ​រឿង​ល្អ​ទាំង​៤យ៉ាង​នេះ ​​កុំ​បណ្ដោយ​ឲ្យ​គេ​ចាកចេញ​ឲ្យ​សោះ​​



ក្នុងសម័យកាលនេះស្នេហាមានលក្ខណៈស្មុគស្មាញជាងអតីតកាលឆ្ងាយណាស់ ដោយសារតែកត្តាមនុស្សនិងកត្តាផ្សេងៗ ពីមជ្ឈដ្ឋានខាងក្រៅផងដែរ។ តែបើអ្នកបានជួបមនុស្សដូចខាងក្រោមនេះសូមអ្នកកុំបោះបង់ចោល រួមមាន៖ ១) មនុស្សដែលធ្វើឱ្យអារម្មណ៍អ្នកស្ងប់៖ មនុស្សដែលលេចឡើងនៅចំពោះមុខអ្នក ហើយអាចធ្វើអោយអ្នកបាត់អស់នូវអារម្មណ៍តប់ប្រមល់ មួរមៅ ឬភាពធុញថប់នាៗ គឺជាមនុស្សដែលអ្នកមិនអាចខ្វះបាន។ ពេលខ្លះអ្នកទាំងនោះក៏បង្រៀនអ្នកអោយមានភាពក្លាហាន ក៏ដូចជាការចេះស្រលាញ់ខ្លួនឯងផងដែរ។ ២) ផ្ដល់ភាពកំប្លុកកំប្លែងដល់អ្នក៖ ការសើចអាចជួយអោយមនុស្សរស់នៅបានយូរអង្វែង។ អ្នកអាចនឹងមានចំណងមិត្តភាពល្អជាមួយមនុស្សដែលចូលចិត្តនិយាយកំប្លែង។ ៣) មានចំណង់ចំណូលចិត្តនិងការចាប់អារម្មណ៍ដូចអ្នក៖ មនុស្សម្នាក់ៗ តែងមានចំណង់ចំណូលចិត្តខុសប្លែកគ្នា។ តែវាអស្ចារ្យយ៉ាងណាទៅ នៅពេលអ្នកអាចរកឃើញមនុស្សដែលអ្នកពេញចិត្តមិនថា អត្តចរិត ឬចំណេះដឹង ហើយគួបផ្សំចំណង់ចំណូលចិត្តដូចគ្នាទៀតនោះ។ ៤) តែងមានការគោរពគ្នា៖ ការគោរពគ្នាគឺជាគ្រឹះ ដ៏សំខាន់ក្នុងការរក្សាមិត្តភាពអោយកាន់តែយូរ។ វាអាចនឹងពិបាកក្នុងការធ្វើវាគ្រប់ពេល លុះត្រាតែអ្នកជាមនុស្សខិតខំ ដ៏ខ្លាំងបំផុត៕ ដោយ៖ ព្រំ សុវណ្ណកណ្ណិកា