តើអ្នកស្ដាប់ដ៏ល្អ ធ្វើអ្វីខ្លះក្នុងពេលសន្ទនាប្រចាំថ្ងៃរបស់ពួកគេ?
ចង់ក្លាយជាមនុស្សម្នាក់ដែលទទួលបានការគោរពនៅពេលធ្វើការសន្ទនាជាមួយអ្នកដទៃ មិនមែនជារឿងងាយស្រួលនោះទេ ព្រោះថាទន្ទឹមនឹងនោះដែរ វាទាមទារឲ្យអ្នកក្លាយជាអ្នកស្ដាប់ដ៏ល្អដែលគួរតែមានអត្តចរិតដូចខាងក្រោម៖
១) ប្រើកាយវិការសមរម្យ៖ កាយវិការរបស់អ្នកអាចបញ្ជាក់ថាអ្នកកំពុងតែយកចិត្តទុកដាក់ស្ដាប់អ្នកដទៃនិយាយដែរមួយឬក៏អត់ទេ។ ទាំងរបៀបដែលអ្នកស្ដាប់ជាពិសេសគឺភ្នែករបស់អ្នក អាចប្រាប់បានយ៉ាងច្បាស់ថាអ្នកកំពុងតែស្ដាប់ឬចាប់អារម្មណ៍ទៅលើអ្វីផ្សេង។
២) មិននិយាយកាត់៖ អ្នកមិនគួររំខាននៅពេលដែលគេកំពុងនិយាយនោះទេ គួរតែទុករហូតដល់ពួកគេនិយាយអ្វីដែលពួកគេចង់និយាយឲ្យចប់ ទោះបីអ្នកមានសំនួរឬមន្ទិលក៏ដោយ។
៣) ផ្ដល់យោបល់និងមតិសម្តីគេ៖ នៅពេលដែលពួកគេនិយាយពីបញ្ហាឬរឿងអ្វីមួយ អ្នកមិនគួរនៅអង្គុយស្ងៀមចាំតែស្ដាប់នោះទេ។ ការផ្ដល់ជាមតិឬយោបល់អាចធ្វើឲ្យសម្ពន្ធភាពរបស់អ្នករឹតតែមានភាពកក់ក្ដៅជាងមុន។
៤) បើកចិត្តឲ្យទូលាយ៖ គ្មានមនុស្សណាម្នាក់មានចិត្តនិងគំនិតដូចគ្នាទាំងស្រុងនោះទេ យ៉ាងណាមិញមិនថាអ្នកជុំវិញខ្លួនមានគំនិតបែបណាឬខុសពីអ្នកក៏ដោយ អ្នកគួរតែបើកចិត្តឲ្យទូលាយហើយស្ដាប់ពីហេតុផលរបស់ពួកគេខ្លះ៕
ប្រែសម្រួល៖ តូច ម៉ាយ៉ារស្មី ប្រភព៖ www.rd.com
