អ្នក​ស្រាវជ្រាវ​​បង្ហាញ​ថា​ភាព​ឯកា​នឹង​ធ្វើ​ឱ្យ​​មាន​ជំងឺ​បេះដូង​និង​ដាច់​សរសៃ​ខួរ​ក្បាល​



ការធ្វើឱ្យខ្លួនឯងដាច់ឆ្ងាយពីអ្នកដទៃក៏ដូចជាសង្គម អាចធ្វើឱ្យអ្នកងាយមានបញ្ហាសុខភាពរួមមានជំងឺបេះដូងនិងការដាច់សរសៃខួរក្បាល។ នេះ​បើ​តាម​ការ​ចុះ​ផ្សាយ​របស់​គេហទំព័រ independent.co.uk។ បើ​តាម​ការ​អះអាង​របស់​ប្រភព​ដដែល​ បាន​ឱ្យ​ដឹង​ថា​ ការប៉ះពាល់នេះ​ ដោយសារតែមនុស្សដែលចូលចិត្តរស់នៅម្នាក់ឯង ទទួលរងសម្ពាធពីការខ្វល់ខ្វាយច្រើនពេក រួមទាំងការធុញថប់ពីការងាររបស់ពួកគេផងដែរ។ អ្នកស្រាវជ្រាវជាច្រើនមកពីសកលវិទ្យាល័យ University of York, the University of Liverpool, និងNew Castle University បានបង្ហាញថា៖« ការនៅម្នាក់ឯងនេះ អាចបង្កឱ្យកើតជំងឺបេះដូងរហូតដល់ទៅ២៨ភាគរយ ហើយអត្រាដែលធ្វើឱ្យដាច់សរសៃប្រព័ន្ធខួរក្បាលមានរហូតដល់ទៅ៣២ភាគរយ។» មិនត្រឹមតែប៉ុណ្ណោះពួកគេក៏បានបន្ថែមទៀតដែរថា៖ «ភាពនៅម្នាក់ឯងនេះគឺជាបញ្ហាមួយដែលទាមទារការដោះស្រាយអោយបានលឿន ហើយវាក៏អាចទៅជាកង្វល់សុខភាពមួយសម្រាប់ពិភពលោកផងដែរ៕» ដោយ៖ ព្រំ សុវណ្ណកណ្ណិកា