តាមការសិក្សាថ្មីៗ បានរកឃើញថា ការធ្វើការងារជាច្រើនក្នុងពេលតែមួយមិនត្រឹមប៉ះពាល់ដល់ផលិតភាព ថែមទាំងប៉ះពាល់ដល់ភាពឆ្លាតវៃថែមទៀតផង។ ដូច្នេះហើយ អ្នកគួរតែចេះបែកចែកការងារឲទៅជាតូចៗ៖

១) គម្រោងប្រចាំថ្ងៃ៖ មនុស្សដែលមានកាលវិភាគមមាញឹកចំពោះដំណើរទៅរកភាពជោគជ័យ គឺដឹងថា វិធីទៅរកភាពជោគជ័យគឺមានគម្រោងមួយដ៏ល្អ ប៉ុន្តែវាត្រូវការពេលវេលា និងការគិតច្រើន។ ការដឹងពីកាលវិភាគ និងចេះចែកការងារទៅអ្នកដទៃគឺជួយបង្កើនផលិតភាពការងារទាំងខ្លួនឯងផង និងក្នុងក្រុមផង។

២) ស្រាវជ្រាវ៖ ក្នុងនាមជាថៅកែ អ្នកប្រហែលជាមមាញឹកណាស់។ អ្នកប្រហែលជាគ្មានពេលទៅធ្វើការស្រាវជ្រាវ និងអានអ្វីៗទាំងអស់នោះទេ។ ដូច្នេះហើយ អ្នកគួររកមនុស្សឲជួយអាន ហើយត្រូវយល់ពីចំណុចសំខាន់ៗដែលអ្នកត្រូវអាន។

៣) អ៊ីនធឺណិត៖ អ៊ីនធឺណិតគឺជាប្រភេទការងារមួយតែស៊ីពេល។ អ្នកត្រូវផុសព័ត៌មានថ្មីៗ ឆ្លើយតបនឹងសាររបស់អតិថិជន។ល។ ក្រុមហ៊ុនជាច្រើនគ្មានអ្នកជំនាញក្នុងការគ្រប់គ្រងប្រព័ន្ធផ្សព្វផ្សាយនោះទេ។

៤) កម្មវិធី៖ ការរៀបចំកម្មវិធីនីមួយៗគឺត្រូវការពេលគិតនិងស្មុគស្មាញ។ ការចែករំលែកការងារទៅកាន់អ្នកដទៃមិនមានន័យថា គេធ្វើទាំងអស់នោះទេ គ្រាន់តែអ្នកអនុញ្ញាតឲ្យអ្នកដទៃជួយអ្នក៕

ប្រែសម្រួល៖ អ៊ឹង មួយយូ

ប្រភព៖ www.lifehack.org