ហេតុផលដែលក្មេងៗចូលចិត្តនិយាយច្រើន ច្រើនតែជោគជ័យនៅពេលធំឡើង
តើកូនៗរបស់អ្នកចូលចិត្តសួរ និងនិយាយច្រើនទេ? បើសិនជាមែន ធំឡើងពួកគេប្រាកដជាមនុស្សជោគជ័យបើផ្អែកទៅលើហេតុផលខាងក្រោមនេះ។
- ក្មេងចូលចិត្តនិយាយ និងសួរច្រើន មានជំនាញទំនាក់ទំនងល្អ៖ ក្មេងៗដែលចូលចិត្តនិយាយច្រើន ច្បាស់ណាស់ថា ពួកគេមានជំនាញពូកែខាងផ្នែកនិយាយនៅពេលធំឡើងជំនាញទំនាក់ទំនងរបស់គេកាន់តែល្អប្រសើរប្រសិនបើលោកព្យាយាមអប់រំ ឱ្យចូលចិត្តនិយាយ និងសួរច្រើន។
- ពួកគេនិយាយចេះនិយាយកំប្លែង៖ កាន់តែពិសេសទៅទៀតនោះ ក្មេងដែលចូលចិត្តនិយាយច្រើន គឺចេះនឹកឃើញរឿងដែលគួរឱ្យអស់សំណើចលឿន ហើយគេអាចនិយាយកំប្លែងដាក់មិត្តភ័ក្តិរបស់គេ។ ការមានដុងបែបនេះ គឺកាន់តែចាំបាច់សម្រាប់ភាពជោគជ័យនៅពេលដែលគេធំឡើង។
- ៣) គេចូលចិត្តនិយាយច្រើន សួរច្រើន គឺដឹងច្រើន៖ ក្មេងដែលចូលចិត្តសួរច្រើន គឺគេចង់ដឹងចង់ចេះច្រើន។ នេះគឺចំណុចវិជ្ជមានដ៏ល្អសម្រាប់ក្មេងៗ។ សួរកាន់តែច្រើន គេដឹងកាន់តែច្រើន ហើយនៅពេលដែលគេមានទម្លាប់សួរច្រើននៅពេលចូលរៀននៅសាលា គេអាចនៅមានចម្ងល់ច្រើន ធ្វើឱ្យពួកគេហ៊ានសួរគ្រូរបស់គេ។
- ៤) គេមានជំនាញសង្គម (social skill) កាន់តែល្អ៖ ដូចលើកឡើងចំណុចមុនៗដែរ ក្មេងដែលចូលចិត្តនិយាយច្រើន គឺចូលចិត្តទំនាក់ទំនងច្រើន ដែលធ្វើឱ្យពួកគេងាយបង្កើតមិត្តបានចាប់រហ័ស។ មានមិត្តភក្ដិច្រើន ស្គាល់គេកាន់តែច្រើន ធ្វើឱ្យជំនាញសង្គមរបស់គេកាន់តែប្រសើរ។ នេះជាធាតុផ្សំនៃភាពជោគជ័យនៅពេលអនាគតរបស់គេ។
- ៥) ពួកគេចូលចិត្តចូលរួមច្រើន៖ ក្មេងដែលចូលចិត្តនិយាយច្រើន គឺមិនចេះខ្លាចគេ។ ដូច្នេះនៅមានកិច្ចការអីដែលតម្រូវឱ្យមានការចូលរួមគឺគេហ៊ានធ្វើ។ ឧទាហរណ៍នៅក្នុងថ្នាក់រៀនជាដើម ពួកគេហ៊ានលើកដៃឆ្លើយសំណួរ និងលើកដៃនៅពេលដែលចង់ឱ្យសិស្សជួយធ្វើកិច្ចការអ្វីមួយ។ ការចេះចូលរួមតាំងពីក្មេងបែបនេះ គឺធ្វើឱ្យគេកាន់តែមានទំនុកចិត្ត និងកាន់តែសកម្មឡើងនៅពេលដែលគែធំឡើង។
- ៦) គេមានរឿងនិយាយកាន់តែច្រើន៖ និយាយដោយខ្លី បើគេសួរកាន់តែច្រើន ដឹងកាន់តែច្រើន ដូច្នេះគេមានរឿងនិយាយកាន់តែច្រើន។ គេដឹងកាន់តែច្រើន នោះជាពុទ្ធិមួយដែលជួយឱ្យគេកាន់តែមានទំនុកចិត្តនៅក្នុងកិច្ចការសន្ទនាលើកិច្ចការផ្សេងៗនៅពេលដែលគេធំឡើង។
- ៧) គេមានថាមពលច្រើន៖ ក្មេងដែលចូលចិត្តនិយាយច្រើនច្រើនតែជាក្មេងដែលមានថាមពល។ ពួកគេអាចនឹងគិតថា គ្រប់កិច្ចការទាំងអស់សុទ្ធតែអាចសម្រេចបាន ប្រសិនបើពួកគេដាក់ចិត្ត និងបញ្ចេញថាមពលឱ្យកាន់តែច្រើន៕
ដោយ៖ រតនៈវិភូ
