បារតជាសារធាតុគ្រោះថ្នាក់ ប៉ុន្តែហេតុអ្វីគេនៅតែប្រើប្រាស់វានៅក្នុងទែរម៉ូមែត្រ ?
កាលពីអ្នកនៅជាក្មេងតូច ចាស់ៗតែងតែប្រាប់ឲ្យប្រយ័ត្នមិនត្រូវឲ្យធ្លាក់បែកទែរម៉ូមែត្រ ដែលប្រើប្រាស់សម្រាប់វាស់ស្ទង់ពីកម្រិតសីតុណ្ហភាពនេះឡើយ។ តើមានមូលហេតុគ្រោះថ្នាក់អ្វីដែលអាចនឹងកើតឡើងបណ្ដាលមកពីទែរម៉ូមែត្រធ្លាក់បែកឬ ? ឬមួយឧបករណ៍មួយនេះមានផ្ទុកសារជាតិគ្រោះថ្នាក់ឬបំពុលអ្វី ?
ប្រហែលជាអ្នកធ្លាប់បានឮថា បារតត្រូវបានប្រើប្រាស់នៅក្នុងទែរម៉ូមែត្រ។ នេះអាចឲ្យយើងដឹងបានហើយថាគឺជាបារតនេះឯងដែលជាមូលហេតុនៅពីក្រោយការហាមឃាត់ការពារមិនឲ្យមានការធ្លាក់បែកឧបករណ៍វាស់កម្រិតសីតុណ្ហភាពមួយនេះ។ នៅក្នុងតារាងខួបនៃធាតុគីមី ក្រុមទី២ ខួបទី៦ និងលេខអាតូម៨០ អ្នកនឹងឃើញនិមិត្តសញ្ញា Hg ដែលតំណាងឲ្យបារតជាប្រភេទលោហៈមួយ។ ប៉ុន្តែក្រឡេកមកមើលទែរម៉ូមែត្រវិញ អ្នកនឹងឃើញថាបារតគឺជាសារធាតុរាវ ដែលត្រូវបានប្រើប្រាស់នៅក្នុងបំពង់ល្អិតតូចឆ្មាមួយសម្រាប់ចង្អុលពីសីតុណ្ហភាព។ តាមពិតទៅបារតគឺជាលោហៈតែមួយគត់ ដែលស្ថិតនៅក្រោមភាវរូបជាអង្គធាតុរាវ ដែលមានពណ៌ប្រាក់។
[caption id="attachment_43208" align="aligncenter" width="600"]
www.thoughtco.com[/caption]
បារត ជាភាសាអង់គ្លេស Mercury តែមាននិមិត្តសញ្ញា Hg នេះក៏ព្រោះតែពាក្យពេញរបស់Hgបានមកពីពាក្យរបស់ឡាតាំង Hydrargyrum ដែលមានអត្ថន័យឆ្លុះបញ្ចាំងពីលក្ខណៈរបស់បារតគឺជាទឹកដែលមានពណ៌ប្រាក់។ បារតគឺជាសារធាតុគីមីដែលមានគ្រោះថ្នាក់បំផុតមួយ និងកាន់តែមានគ្រោះថ្នាក់ប៉ះពាល់ដល់សុខភាពមនុស្ស នៅក្រោមទម្រង់ជាឧស្ម័ន។ បារតមានវត្តមាននៅក្នុងការប្រើប្រាស់ក្នុងជីវិតប្រចាំថ្ងៃរបស់មនុស្សចាប់តាំងពីរាប់ពាន់ឆ្នាំកន្លងមកហើយ។ ប៉ុន្តែទើបតែរយៈពេល៤០ឆ្នាំចុងក្រោយនេះប៉ុណ្ណោះ ទើបឥទ្ធិពលជាសារធាតុគីមីដ៏គ្រោះថ្នាក់និងបំពុលរបស់បារតត្រូវបានគេទទួលដឹងទូលំទូលាយ។
ទោះជាយ៉ាងណាក៏ដោយ ដោយសារតែលក្ខណៈពិសេសមួយរបស់បារត ដែលជាអង្គធាតុចម្លងកម្ដៅនិងអគ្គិសនីដ៏ល្អមួយ បារតនៅតែត្រូវបានគេពេញនិយមប្រើប្រាស់នៅក្នុងឧបករណ៍វិទ្យាសាស្ត្រ តួយ៉ាងទែរម៉ូមែត្រសម្រាប់វាស់កម្រិតសីតុណ្ហភាពនិងប៉ារ៉ាម៉ែត្រសម្រាប់វាស់កម្រិតសម្ពាធខ្យល់។ នៅក្នុងឧបករណ៍អគ្គិសនី ដូចជាអំពូលភ្លើងនិងថ្ម ឬសូម្បីតែនៅក្នុងផ្នែកទន្តពេទ្យ ដែលសារជាតិបារតក្នុងបរិមាណតិចតួចមួយត្រូវបានប្រើប្រាស់នៅក្នុងធ្មេញសិប្បនិម្មិត។
នៅក្រោមសីតុណ្ហភាពធម្មតា ឬសីតុណ្ហភាពបន្ទប់ បារតរក្សាលក្ខណៈរបស់វាក្នុងទម្រង់ជាភាវរូបរាវដដែល។ បារតនឹងប្រែប្រួលជាភាវរូបរឹង នៅពេលគេដាក់វាឲ្យកកនៅសីតុណ្ហភាព-៣៨.៨៥អង្សា ហើយប្រែប្រួលជាឧស្ម័ននៅពេលគេដុតកម្ដៅវានៅសីតុណ្ហភាព៣៦៥.៦អង្សា។ ម្យ៉ាងទៀតលក្ខណៈរបស់វាជាអង្គធាតុចម្លងកម្ដៅដ៏ល្អមួយ ធ្វើឲ្យវាអាចបត់បែនឡើងឬចុះនៅក្នុងបំពង់ឆ្មានៅក្នុងទែរម៉ូមែត្រ អាស្រ័យនឹងសីតុណ្ហភាពដែលវាស្ថិតនៅ។
សមាសធាតុរបស់បារតមួយចំនួនត្រូវបានគេប្រើប្រាស់នៅក្នុងថ្នាំសម្លាប់សត្វល្អិតចង្រៃដែលស៊ីដំណាំ ហើយក៏ធ្លាប់ប្រើប្រាស់សម្រាប់សម្លាប់មនុស្សផងដែរ។ នៅក្នុងទម្រង់ជាឧស្ម័ន បារតកាន់តែបង្កើនឥទ្ធិពលគ្រោះថ្នាក់របស់វាទៅទៀត។ វានឹងងាយស្រូបចូលក្នុងរាងកាយអ្នកតាមរយៈផ្លូវដង្ហើម នៅពេលនោះវានឹងឆ្លងកាត់ចរន្តឈាម ហើយចូលទៅដល់កោសិកា។ ទៅដល់ទីនោះហើយ វានឹងរំខានទៅដល់ដំណើរការណ៍ប្រតិកម្មគីមីដែលចាំបាច់សម្រាប់ការរស់រានមានជីវិតរបស់អ្នក ដែលជាលទ្ធផលបណ្ដាលឲ្យមានជំងឺធ្ងន់ធ្ងរនិងឈានទៅដល់ការស្លាប់។
ក្នុងបរិមាណបន្តិចបន្តួចរបស់បារតនៅក្នុងរាងកាយអ្នកវិញ ដំណើរការណ៍របស់វាប្រព្រឹត្តទៅយឺតៗដោយឥតដឹងខ្លួន និងក្នុងរយៈពេលវែង ប៉ុន្តែវានឹងបង្កជាបញ្ហាធ្ងន់ធ្ងរដូចជាការរលាកមាត់និងអញ្ចាញធ្មេញ បាក់ធ្មេញ ខូចតម្រង់នោមនិងសាច់ដុំ ញ័រដៃជើង ជំងឺបាក់ទឹកចិត្ត ជំងឺភ័យតក់ស្លុត និងផ្លាស់ប្ដូរអត្តចរិតផងដែរ៕
ដោយ៖ ស្រីពៅ
www.thoughtco.com[/caption]
បារត ជាភាសាអង់គ្លេស Mercury តែមាននិមិត្តសញ្ញា Hg នេះក៏ព្រោះតែពាក្យពេញរបស់Hgបានមកពីពាក្យរបស់ឡាតាំង Hydrargyrum ដែលមានអត្ថន័យឆ្លុះបញ្ចាំងពីលក្ខណៈរបស់បារតគឺជាទឹកដែលមានពណ៌ប្រាក់។ បារតគឺជាសារធាតុគីមីដែលមានគ្រោះថ្នាក់បំផុតមួយ និងកាន់តែមានគ្រោះថ្នាក់ប៉ះពាល់ដល់សុខភាពមនុស្ស នៅក្រោមទម្រង់ជាឧស្ម័ន។ បារតមានវត្តមាននៅក្នុងការប្រើប្រាស់ក្នុងជីវិតប្រចាំថ្ងៃរបស់មនុស្សចាប់តាំងពីរាប់ពាន់ឆ្នាំកន្លងមកហើយ។ ប៉ុន្តែទើបតែរយៈពេល៤០ឆ្នាំចុងក្រោយនេះប៉ុណ្ណោះ ទើបឥទ្ធិពលជាសារធាតុគីមីដ៏គ្រោះថ្នាក់និងបំពុលរបស់បារតត្រូវបានគេទទួលដឹងទូលំទូលាយ។
ទោះជាយ៉ាងណាក៏ដោយ ដោយសារតែលក្ខណៈពិសេសមួយរបស់បារត ដែលជាអង្គធាតុចម្លងកម្ដៅនិងអគ្គិសនីដ៏ល្អមួយ បារតនៅតែត្រូវបានគេពេញនិយមប្រើប្រាស់នៅក្នុងឧបករណ៍វិទ្យាសាស្ត្រ តួយ៉ាងទែរម៉ូមែត្រសម្រាប់វាស់កម្រិតសីតុណ្ហភាពនិងប៉ារ៉ាម៉ែត្រសម្រាប់វាស់កម្រិតសម្ពាធខ្យល់។ នៅក្នុងឧបករណ៍អគ្គិសនី ដូចជាអំពូលភ្លើងនិងថ្ម ឬសូម្បីតែនៅក្នុងផ្នែកទន្តពេទ្យ ដែលសារជាតិបារតក្នុងបរិមាណតិចតួចមួយត្រូវបានប្រើប្រាស់នៅក្នុងធ្មេញសិប្បនិម្មិត។
នៅក្រោមសីតុណ្ហភាពធម្មតា ឬសីតុណ្ហភាពបន្ទប់ បារតរក្សាលក្ខណៈរបស់វាក្នុងទម្រង់ជាភាវរូបរាវដដែល។ បារតនឹងប្រែប្រួលជាភាវរូបរឹង នៅពេលគេដាក់វាឲ្យកកនៅសីតុណ្ហភាព-៣៨.៨៥អង្សា ហើយប្រែប្រួលជាឧស្ម័ននៅពេលគេដុតកម្ដៅវានៅសីតុណ្ហភាព៣៦៥.៦អង្សា។ ម្យ៉ាងទៀតលក្ខណៈរបស់វាជាអង្គធាតុចម្លងកម្ដៅដ៏ល្អមួយ ធ្វើឲ្យវាអាចបត់បែនឡើងឬចុះនៅក្នុងបំពង់ឆ្មានៅក្នុងទែរម៉ូមែត្រ អាស្រ័យនឹងសីតុណ្ហភាពដែលវាស្ថិតនៅ។
សមាសធាតុរបស់បារតមួយចំនួនត្រូវបានគេប្រើប្រាស់នៅក្នុងថ្នាំសម្លាប់សត្វល្អិតចង្រៃដែលស៊ីដំណាំ ហើយក៏ធ្លាប់ប្រើប្រាស់សម្រាប់សម្លាប់មនុស្សផងដែរ។ នៅក្នុងទម្រង់ជាឧស្ម័ន បារតកាន់តែបង្កើនឥទ្ធិពលគ្រោះថ្នាក់របស់វាទៅទៀត។ វានឹងងាយស្រូបចូលក្នុងរាងកាយអ្នកតាមរយៈផ្លូវដង្ហើម នៅពេលនោះវានឹងឆ្លងកាត់ចរន្តឈាម ហើយចូលទៅដល់កោសិកា។ ទៅដល់ទីនោះហើយ វានឹងរំខានទៅដល់ដំណើរការណ៍ប្រតិកម្មគីមីដែលចាំបាច់សម្រាប់ការរស់រានមានជីវិតរបស់អ្នក ដែលជាលទ្ធផលបណ្ដាលឲ្យមានជំងឺធ្ងន់ធ្ងរនិងឈានទៅដល់ការស្លាប់។
ក្នុងបរិមាណបន្តិចបន្តួចរបស់បារតនៅក្នុងរាងកាយអ្នកវិញ ដំណើរការណ៍របស់វាប្រព្រឹត្តទៅយឺតៗដោយឥតដឹងខ្លួន និងក្នុងរយៈពេលវែង ប៉ុន្តែវានឹងបង្កជាបញ្ហាធ្ងន់ធ្ងរដូចជាការរលាកមាត់និងអញ្ចាញធ្មេញ បាក់ធ្មេញ ខូចតម្រង់នោមនិងសាច់ដុំ ញ័រដៃជើង ជំងឺបាក់ទឹកចិត្ត ជំងឺភ័យតក់ស្លុត និងផ្លាស់ប្ដូរអត្តចរិតផងដែរ៕
ដោយ៖ ស្រីពៅ
