សំណួរ​​ល្អ​ៗ​ចំនួន​ ៦​ដែល​​​ធ្វើ​ឱ្យ​​​​ឆ្នាំ​​ថ្មី​​នេះ​ជា​ឆ្នាំ​​ដ៏​អស្ចារ្យ​សម្រាប់​លោក​អ្នក​



នៅ​ពេល​នេះ​ ប្រហែល​ជា​លោក​អ្នក​​កំពុង​គិត​ថា​ ខ្លួន​​នឹង​​ធ្វើ​​អ្វី​ម្យ៉ាង​ដើម្បី​ឱ្យ​ឆ្នាំ​ថ្មី​នេះ​​ក្លាយ​ជា​ឆ្នាំ​ដ៏​អស្ចារ្យ​សម្រាប់​ខ្លួន​ឯង​ ជា​ពិសេស​គឺ​ការ​​ធ្វើ​ឱ្យ​អាជីវកម្ម​កាន់​តែ​ប្រសើរ​ឡើង​ទៅ​មុខ​ជា​លំដាប់។ ​សំណួរ​ទាំង​ ៦​ខាង​ក្រោម​នេះ​នឹង​ធ្វើ​​ឱ្យ​លោក​អ្នក​ផ្លាស់​ប្ដូរ៖

  1. តើ​​អ្វី​ដែល​​​ខ្ញុំ​គួរ​ចាប់​ផ្ដើម? ​តើ​​​ទម្លាប់​អ្វី​ ជំនាញ​អ្វី​​ ឬ​ដំណើរ​ផ្សងព្រេង​បែប​ណា​ដែល​លោក​អ្នក​ចង់​ចាប់​​ផ្ដើម​ធ្វើ​វា? ​ត្រូវ​ចាំ​ថា​ ​​អ្នក​អាច​ចាប់​ផ្ដើម​​បាន​ជា​និច្ច​ពី​កន្លែង​ណា​ដែល​អ្នក​ស្ថិត​នៅ​​ ប្រើ​អ្វី​ដែល​លោក​​អ្នក​មាន​ និង​ធ្វើ​អ្វី​​ដែល​​លោក​អ្នក​អាច​ធ្វើ​បាន។ ​​​​អីចឹង​ហើយ​បាន​ថា​ អ្នក​មិន​ចាំបាច់​ធ្វើ​​អស្ចារ្យ​នោះ​ទេ​ តែ​អ្នក​ត្រូវ​ចាប់​​ផ្ដើម។ កុំ​គ្រាន់​តែ​សង្ឃឹម​ ឬ​កុំ​គ្រាន់​តែ​ធ្វើ​ផែនការ​ គឺ​ចាប់​​ផ្ដើម​ធ្វើ​វា​តែ​ម្ដង។
  2. ​តើ​​អ្វី​ដែល​ខ្ញុំ​គួរ​ឈប់​? ​តើ​អ្វី​ដែល​ធ្វើ​ឱ្យ​លោក​អ្នក​រាំងស្ទះ? ​ចូរ​គិត​អំពី​រឿង​រ៉ាង​ដែល​អាច​​ធ្វើ​ឱ្យ​អ្នក​​​ចាប់​​ផ្ដើម​​ធ្វើ​អ្វី​មួយ​ផ្សេង​ មិន​មែន​ជា​ទម្លាប់​អាក្រក់​ ឬ​​គំនិត​វិជ្ជមាន​នោះ​ទេ។ វា​គឺ​ចង់​សម្ដៅ​ទៅ​លើ​កិច្ចការ​មួយ​ចំនួន​ដែល​អ្នក​គួរ​បោះបង់​ចោល​ដើម្បី​​ធ្វើ​ឱ្យ​ខ្លួន​អ្នក​មាន​ពេល​គ្រប់គ្រាន់​ទៅ​ធ្វើ​កិច្ចការ​ផ្សេង​ដែល​មាន​ប្រយោជន៍​ច្រើន​សម្រាប់​ខ្លូន​ឯង។ ​កុំ​បារម្ភ​អំពី​បរាជ័យ​ ឬ​អ្វី​ដែល​អ្នក​បាត់បង់​ ប៉ុន្តែ​ត្រូវ​ផ្ដោត​ទៅ​លើ​អ្វី​ដែល​អាច​ត្រូវ​ទទួល​បាន។
  3. តើ​អ្វី​ដែល​ខ្ញុំ​គួរ​ធ្វើ​ឱ្យ​ច្រើន​ជាង​នេះ? ​​វា​មិន​មែន​ជា​រឿង​ខុស​ទេ​ដែល​លោក​អ្នក​ចង់​​បាន​​កាន់​តែ​ច្រើន​ដូច​ជា​ ​​សំណើច​ ​សេចក្តី​ស្រលាញ់​ ក្ដី​រីករាយ​ ​សុភមង្គល​ ​គ្រួសារ​ ពេល​វេលា​ល្អ​ៗ​ ដំណើរ​ផ្សង​ព្រេង​ ការ​សិក្សា​ ​សន្តិភាព​ ការ​យោគយល់​ និង​ការ​អន់ឱន​​ឱ្យ​គ្នា​ជា​ដើម។ ​ចូរ​គិត​​ពី​អ្វី​​ដែល​ធ្វើ​ការ​ឱ្យ​អ្នក​ ​និង​ធ្វើ​ឱ្យ​អ្នក​កាន់​តែ​បោះជំហាន​ទៅ​មុខ។
  4. អ្វី​ដែល​ខ្ញុំ​គួរ​ធ្វើ​តិច​ជាង​មុន? ​អ្វី​ដែល​អ្នក​គួរ​ឈប់​គិត​ដល់​ច្រើន​ទៀត? ​ឈប់​គិត​ពី​​រឿង​អវិជ្ជមាន​​​ រឿង​ភ័យ​ខ្លាច​ ​មមាញឹក​ ​គិត​ច្រើន​ ធុញថប់​ និង​គេង​មិន​គ្រប់​​ជា​ដើម។ ត្រូវ​បំភ្លេច​ចោល​​ ឬ​​ធ្វើ​មិន​ដឹង​​ ឬ​មិន​​ខ្វល់​ខ្លះ​ដើម្បី​ទុក​ខ្លួន​​​​ឱ្យ​នៅ​​ស្រឡះ​ត្រូវ​គិត​រឿង​ល្អ​ៗ។
  5. តើ​អ្វី​ដែល​ខ្ញុំ​គួរ​បន្ត? ​អ្វី​ដែល​ផ្ដល់​ផល​ដល់​អ្នក​ ហើយ​ជា​ទម្លាប់​​យ៉ាង​ប្រពៃ។ ​អ្វី​ដែល​បន្ត​ គឺ​បេសសកម្ម​ស្វែង​រក​ភាព​ជោគជ័យ​ដើម្បី​ជីវិត​ដែល​លោក​អ្នក​មិន​ទាន់​រក​​ឃើញ។ ​​ការ​ជោគជ័យ​​កើត​មាន​នៅ​ពេល​ដែល​អ្នក​​បន្ត​ធ្វើ​កិច្ចការ​​ដែល​វា​ដំណើរការ​ និង​បន្ត​សិក្សារ​​ពី​អ្វី​ដែល​អ្នក​មិន​ដឹង។
  6. តើ​អ្វី​ដែល​ខ្ញុំ​គួរ​ដឹង​គុណ? ​កុំ​ភ្លេច​ឱ្យ​សោះ​ ចំពោះ​ការ​ដឹង​គុណ​​នរណា​ម្នាក។ ដឹង​គុណ​ត្រង់​ចំណុច​នេះ​ គឺ​ចង់​សំដៅ​ទៅ​លើ​ពាក្យ​សម្ដៅ​ដូច​ជា​ "​អរគុណ" “ពិត​ជា​ល្អ​មែន" “​អស្ចារ្យ​មែន" “​ប្រសើរ​ណាស់"...។ ការ​សម្ដែង​នូវ​ការ​ដឹង​គុណ​​ គឺ​ជា​រឿង​ដែល​​ល្អ​​​ដែល​អាច​ធ្វើ​ឱ្យ​អ្នក​ ទទួល​បាន​នូវ​ផល​ល្អ​ៗ​ជា​ច្រើន​ទៀត​​នា​ពេល​ខាង​មុខ៕
X
5s