មានដឹងទេថា «បទពិសោធន៍ការងារសំខាន់យ៉ាងណាសម្រាប់អ្នកទើបតែរៀនចប់»?
អ្នកប្រហែលជាគិតថា បទពិសោធន៍ ការងារគឺគ្រាន់តែដាក់មកសម្រាប់ឲ្យឃើញច្រើននៅក្នុង CV អ្នកប៉ុណ្ណោះ។ តែតាមពិតគឺខុសស្រឡះ។ បទពិសោធន៍ការងារខ្លះ អាចផ្ដល់ឱកាសឲ្យអ្នកបន្ថែមទៀត ដើម្បីទទួលបានការងារមួយដ៏គួរឲ្យចាប់អារម្មណ៍ ហើយមានប្រាក់ខែខ្ពស់សម្រាប់អ្នកទៀត។ តើមានសារៈសំខាន់អ្វីបន្ថែមទៀត?
១) ងាយទទួលបានការងារ
ជាការពិតណាស់ សម្រាប់អ្នកដែលទើបតែរៀនចប់ ហើយសំបូរដោយបទពិសោធន៍ នោះក្រុមហ៊ុនទាំងឡាយដែលអ្នកបានដាក់ពាក្យ នឹងសុទ្ធតែហៅអ្នកទៅទាំងអស់ដោយមិនស្ទាក់ស្ទើរ។
២) វានាំអ្នកទៅរកការងារសម្រាប់ថ្ងៃមុខ
បើសិនជាអ្នកមិនទាន់ដឹងច្បាស់ថា តើគួរធ្វើការងារអ្វីទៅនាពេលអនាគត បទពិសោធន៍ការងារទាំងនោះ គឺជាផ្លូវនាំអ្នកទៅរកដោយខ្លួនឯង។
៣) យល់ដឹងកាន់តែច្បាស់ពីការងារដែលអ្នកកំពុងរៀន
ចំណេះដឹងនៅសាលា វាគ្រាន់តែជាអក្សរនិងទ្រឹស្ដីសម្រាប់សិក្សាទេ តែបើអ្នកអាចធ្វើការដើម្បីទទួលបានបទពិសោធន៍វិញ អ្នកនឹងបានដឹងដោយផ្ទាល់ថា ការពិតវាយ៉ាងណា?
៤) វាបង្ហាញពីជំនាញរបស់អ្នក
បទពិសោធន៍ការងារ អាចឲ្យអ្នកដឹងថាអ្នកមានជំនាញអី្វ ហើយគួរចាប់យកការងារអ្វីទៅថ្ងៃមុខ។ មិនត្រឹមតែប៉ុណ្ណោះ តាមរយៈការងារទាំងនោះ អ្នកអាចដឹងថាខ្លួនមានចំណុចល្អ និងអាក្រក់អ្វីខ្លះទៀតផង៕
ប្រែសម្រួល៖ព្រំ សុវណ្ណកណ្ណិកា
ប្រភព៖ allaboutcareers
