ប្រយោជន៍សំខាន់ៗ៥យ៉ាងនៃការអានសៀវភៅ ដែលអ្នកមិនគួរមើលរំលង
ការអាន ពិតជាសំខាន់ខ្លាំងណាស់ ព្រោះវាអាចធ្វើឲ្យមនុស្សផ្លាស់ប្ដូរផ្នត់គំនិតរបស់ខ្លួន ធ្វើឲ្យមនុស្សមានគំនិតច្នៃប្រឌិត ធ្វើឲ្យមនុស្សមានចំណេះដឹងក៏ដូចជាសុជីវធម៌ថែមមួយកម្រិតទៀតផងដែរ។ ខាងក្រោមនេះ ជាអត្ថប្រយោជន៍នៃការអាន៖
១) ពង្រឹងតួនាទីរបស់ខួរក្បាល៖ ការអានអាចធ្វើឲ្យយើងមានការចងចាំល្អ។ ខួរក្បាលក៏ដូចជាកន្លែងផ្សេងនៃរាងកាយយើងដែរគឺវាត្រូវការលំហាត់ប្រាណ រីឯការអានវិញជួយធ្វើឲ្យខួរក្បាលយើងមានសមាធិ និងភាពផ្ចិតផ្ចង់ល្អ។
២) ធ្វើឲ្យអ្នកចេះយល់អារម្មណ៍អ្នកដទៃ៖ នៅពេលដែលអ្នកអានសៀវភៅមិនថារឿងពិត ឬរឿងប្រឌិតនោះទេ វានឹងធ្វើឲ្យអ្នកចេះយល់ពីហេតុផល និងអារម្មណ៍របស់តួអង្គនិមួយៗ ហេតុនេះហើយវានឹងធ្វើរៀនរស់នៅដោយចេះយល់ពីអារម្មណ៍អ្នកនៅជុំវិញខ្លួន។
៣) ជួយបង្កើនការយល់ដឹងផ្នែកភាសា៖ មិនថាអ្នកអានភាសាជាតិ ឬអន្តរជាតិនោះទេ វានឹងធ្វើឲ្យអ្នកយល់ និងចេះពាក្យរឹតតែច្រើនពីភាសានោះ។ នេះក៏ធ្វើឲ្យអ្នកងាយស្រួលក្នុងការប្រើប្រាស់ភាសាមិនថាទាំងការនិយាយ ឬសរសេរ។
៤) ធ្វើឲ្យអ្នកមានអារម្មណ៍ល្អ៖ ការអានធ្វើឲ្យយើងមានអារម្មណ៍មិនឯកា គឺវាធ្វើឲ្យយើងមានអារម្មណ៍មាននរណាកំពុងតែចែករំលែករឿងគេ ឬមួយក៏បទពិសោធន៍របស់គេផ្ទាល់តែម្ដង។
៥) បង្កើនមិត្តភាព៖ ប្រយោជន៍មួយនេះកើតឡើងនៅពេលដែលអ្នកមានអ្នកអានច្រើននៅជុំវិញខ្លួន ដែលមនុស្សទាំងនោះចូលចិត្តនិយាយពីរឿងរ៉ាវនៅក្នុងសៀវភៅ ឬសកម្មភាពតួអង្គនៅក្នុងសៀវភៅ ជាហេតុបង្កើនវប្បធម៌ចែករំលែករវាងគ្នា នឹងគ្នា៕
