លេសដ៏អាក្រក់ ៤នេះហើយ ដែលធ្វើឲ្យក្ដីសុបិនរបស់អ្នកត្រូវរលាយ
អ្នកណាក៏មានសុបិនរបស់ខ្លួនឯងដែរ តែអ្វីដែលសំខាន់មិនមែនសុទ្ធតែគ្រប់គ្នាអាចសម្រេចសុបិននោះបានទេ។ ប្រហែលជាវាអាចបណ្ដាលមកពីការបរាជ័យ ឬស្ថានការណ៍ដែលមើលមិនឃើញតែវានឹងមិនមែនជាចំណុចទាំង៥ខាងក្រោមនេះទេ ព្រោះវាគ្រាន់តែជាលេសនោះទេ។
១) អ្នកគិតថាខ្លួនឯងល្អមិនគ្រប់គ្រាន់៖ គ្មាននរណាម្នាក់ដែលកើតមកល្អគ្រប់ដប់នោះទេ ហើយក៏គ្មាននរណាម្នាក់ដែលពូកែគ្មានគូប្រៀបនោះឡើយ។ គឺម្នាក់ៗសុទ្ធតែមានកម្រិតគ្រប់គ្នា ហេតុនេះបើអ្នកគិត ឬអ្នកដទៃនិយាយថាអ្នកគ្មានតម្លៃ អ្នកត្រូវតែកាន់ជំហររឹងមាំ មិនត្រូវចុះចាញ់ដោយសារពាក្យសម្ដីរបស់អ្នកដទៃជាដាច់ខាត។ ផ្ទុយទៅវិញ អ្នកគួរតែចេះឲ្យតម្លៃខ្លួនឯង ហើយព្យាយាមបំពេញចំណុចខ្វះខាតរបស់ខ្លួន។ គ្មានអ្វីដែលអ្នកមិនអាចធ្វើទៅរួចនោះទេ វាសំខាន់ថាតើអ្នកជឿជាក់ទៅលើខ្លួនឯងខ្លាំងកម្រិតណា។
២) អ្នកថាគិតថាអ្នកមិនមានពេលវេលាគ្រប់គ្រាន់៖ ប្រសិនបើអ្នកថា ខ្លួនគ្មានពេលគ្រប់គ្រាន់សម្រាប់អ្វីដែលខ្លួនឯងស្រលាញ់នោះទេ មានន័យថាអ្នកមិនទាន់ស្រលាញ់អ្វីដែលអ្នកចង់ធ្វើនោះនៅឡើយ។ មនុស្សជោគជ័យចេះបង្កើតពេលវេលាដោយខ្លួនឯង តែបើអ្នកជាមនុស្សដែលវក់ទៅនឹងការប្រើប្រាស់អ៊ីនធឺណិត ឬប្រព័ន្ធទំនាក់ទំនងសង្គម អ្នកគួរតែយកនាឡិកាមកផ្ទៀងថាតើអ្នកធ្វើឲ្យខាតពេលវេលាប៉ុន្មានទៅហើយ។ ការស្រាវជ្រាវពី បានឲ្យដឹងថាជាមធ្យមមនុស្សម្នាក់ចំណាយពេលទៅលើប្រព័ន្ធផ្សព្វផ្សាយសង្គម១ម៉ោង៦០នាទីជារៀងរាល់ថ្ងៃ។
៣) អ្នកគិតថាខ្លួនឯងមិនទាន់បានត្រៀមខ្លួនរួចរាល់៖ ភាពក្លាហានគឺជាចំណុចដ៏សំខាន់មួយក្នុងការធ្វើឲ្យសុបិនរបស់យើងក្លាយជាការពិត។ មានមនុស្សមួយចំនួនបានបោះបង់ចោលពេលវេលានៅជាមួយគ្រួសារ បោះបង់ចំណង់ចំណូលចិត្តរបស់ខ្លួន បោះបង់លុយកាក់របស់ពួកគេ និងហ៊ានបោះបង់ស្ទើរតែគ្រប់យ៉ាងដើម្បីតាមសុបិនរបស់ខ្លួន។ ពេលវេលាតែងតែដើរទៅមុខជានិច្ច បើអ្នកមិនរួចរាល់នៅពេលនេះ តើចាំដល់ពេលណាទើបអ្នកគិតថាខ្លួនអ្នកត្រៀមខ្លួនរួចរាល់។ អ្នកមិនគួររង់ចាំឱកាសនោះទេ គឺអ្នកត្រូវតែចេះបង្កើតឱកាសដោយខ្លួនឯងទើបអ្នកអាចជោគជ័យបាន។
៤) អ្នកកុហកខ្លួនឯង៖ ស្មោះត្រង់ជាមួយខ្លួនឯងផ្ទាល់គឺជារឿងដ៏លំបាកធ្វើបំផុតនៅក្នុងជីវិត។ មនុស្សជាច្រើនចូលចិត្តអួតអាងពីសមត្ថភាពដែលខ្លួនមាន តែយ៉ាងណាក៏ដោយអ្នកគួរតែដឹងថា គ្មាននរណាម្នាក់ដែលចេះគ្រប់រឿងរ៉ាវនោះទេ។ អ្នកគួរតែសិក្សាពីខ្លួនឯងឲ្យបានច្រើនតាមតែអាចធ្វើទៅបាន។ ហេតុនេះហើយអ្នកគួរតែឈប់រកលេសដោះសារ ហើយព្យាយាមធ្វើឲ្យសុបិនរបស់ខ្លួនក្លាយជាការពិតទៅ៕
ប្រែសម្រួល៖ តូច ម៉ាយ៉ារស្មី ប្រភព៖ www.lifehack.org
