រឿងល្អៗទាំង៨នេះ នឹងកើតមានឡើង ពេលអ្នកឈប់ចំណាយពេលជាមួយFacebook
បណ្ដាញសង្គម បានដើរតួសំខាន់សម្រាប់បង្កើនទំនាក់ទំនងទៅកាន់មនុស្សជុំវិញខ្លួន ក្នុងការរាប់អានជាមួយមិត្តភក្ដិថ្មីៗនិងយល់ដឹងពីបញ្ហានានាដែលកើតមាននៅក្នុងសង្គម។ ប៉ុន្តែមនុស្សមួយចំនួនហាក់ដូចជាងប់ងុលខ្លាំងពេកទៅនឹងការលេងFacebook នេះ។
នេះជាចំណុចទាំង៨ដែលនឹងកើតមានឡើងនៅពេលអ្នកឈប់លេង Facebook៖
១) ការងារជាច្រើនរបស់អ្នកអាចនឹងបញ្ចប់ទាន់ពេល៖ ការងារជាច្រើនដែលអ្នកមិនទាន់បានធ្វើអាចនឹងត្រូវបញ្ចប់លឿនជាង រាល់ដងនៅពេលអ្នកឈប់រវល់ជាមួយFacebook។ វាអាចជាការញៀនមួយក៏ថាបានព្រោះនៅពេលអ្នកកំពុងតែជក់ចិត្តតាមដានអ្វីមួយនៅលើប្រព័ន្ធអ៊ីនធឺណេតអ្នកនឹងមិនអាចដាច់ចិត្តបញ្ឈប់វា ហើយងាកមកបង្ហើយការងារអ្នកវិញនោះឡើយ។
២) អ្នកអាចផ្ដោតអារម្មណ៍ធ្វើរឿងផ្សេងៗទៀត៖ គ្រប់ពេលអ្នកប្រើប្រាស់Facebook វាហាក់ដូចជាអ្នកកំពុងតែខ្ជះខ្ជាយពេលវេលាយ៉ាងច្រើនលើវា។ ដូចនេះបើអ្នកព្យាយាមសម្រាកពីការលេងវាអ្នកនឹងទទួលបានពេលវេលាចំណេញជាបន្ថែមទៀតសម្រាប់ធ្វើអ្វីផ្សេងៗដែលមានប្រយោជន៍។
៣) អ្នកអាចស្វែងរកឃើញមិត្តភក្ដិពិតរបស់អ្នក៖ មិត្តភ័ក្តិតាមប្រព័ន្ធអ៊ីនធឺណេតភាគច្រើនគឺមិនអាចទុកចិត្តបានឡើយ ដូច្នេះយើងអាចរកបានមិត្តភ័ក្ដិដែលគួរអោយទុកចិត្តបានជាច្រើននាក់ទៀតដោយមិនចាំបាច់ប្រើប្រាស់Facebook។
៤) អ្នកនឹងដឹងថាប៊ូតុង«Like» គឺគ្មានន័យទេ៖ មនុស្សជាច្រើនដែលប្រើប្រាស់ប្រព័ន្ធFacebook តែងតែគិតពីចំនួន«Like»នៅពេលខ្លួនឯងបង្ហោះរូបភាពឬក៏អ្វីមួយ។ តែពេលអ្នកឈប់លេងវាអ្នកនឹងដឹងថាចំនួន«Like» ទាំងនោះគឺគ្មានប្រយោជន៍អ្វីទេសម្រាប់អ្នក ព្រោះថា ចំនួនមនុស្សដែលចុច«Like»នោះ មិនដែលខ្វល់ថា មានរឿងអ្វីកើតឡើងចំពោះអ្នកពិតប្រាកដនោះទេ។
៥) អ្នកនឹងមានអារម្មណ៍ថាធ្វើកិច្ចការបានជោគជ័យជាងមុន៖ នៅក្នុងបណ្ដាញសង្គមFacebook គឺតែងតែមានរឿងថ្មីៗកើតឡើងមិនចេះចប់មិនចេះហើយ។តែនៅពេលអ្នកតាំងចិត្តថាឈប់ខ្វល់ពីវាហើយអ្នកនឹងមានពេលវេលាជាច្រើនសម្រាប់ធ្វើអ្វីផ្សេងៗទៀត។ អ្នកអាចបញ្ចប់ការអានសៀវភៅ កិច្ចការងារផ្ទះ ឬរកស៊ីផ្សេងៗ។
៦) កាត់បន្ថយចំនួនមនុស្សតាមរំខាន៖ ជាការពិតណាស់អ្នកនឹងជួបមនុស្សរំខានជាច្រើននៅពេលអ្នកលេងFacebook។ ហើយវាកាន់តែច្បាស់ទៀតប្រសិនបើអ្នកជាមនុស្សស្រីនោះ។ ពូកនោះអាចសង្កេតតាមដានអ្នកតាមរយះរូបថត Status ដោយគ្មានសុំការអនុញ្ញាតពីអ្នក។ទោះបីគេមិនអាចមើលឃើញដោយផ្ទាល់ភ្នែកថាយើងកំពុងតែទាក់ទងនរណាម្នាក់មែនតែគេអាចនឹងដឹងបានដោយគ្រាន់តែចូលទៅកាន់Profile អ្នក។
៧) អ្នកនឹងមានអារម្មណ៍ល្អចំពោះខ្លួនឯង៖ នៅពេលអ្នកលេងFacebook អ្នកនឹងមានអារម្មណ៍មិនល្អចំពោះខ្លួនឯង ព្រោះពេលខ្លះអ្នកបង្ហោះរូបអ្វីមួយប៉ុន្តែគ្មាននរណាម្នាក់ចុចLike សោះដូច្នេះអ្នកនឹងមានអារម្មណ៍ចម្លែកមួយមកលើខ្លួនឯង។
៨) មានអារម្មណ៍ល្អទៅលើអ្វីដែលខ្លួនមាន៖ អ្នកកាសែតReuters ឈ្មោះថា Belinda Goldsmith ម្នាក់បានធ្វើការស្រាវជ្រាវក្នុងប្រទេសអាល្លឺម៉ង់អំពីមតិយោបល់របស់ពូកគេចំពោះការប្រើប្រាស់Facebook។
លទ្ធផលនោះគឺថាមនុស្សជាច្រើនគឺច្រណែននឹងគ្នាទៅលើអ្វីដែលពួកគេគ្មានដូចជាឡានទំនើបៗ ទូរស័ព្ទ ផ្ទះ ជាដើម។ ដូច្នេះតើយើងចង់ស្ថិតក្នុងស្ថានភាពបែបនេះឬយ៉ាងណា?
ប្រែសម្រួល៖ ព្រំ សុវណ្ណកណ្ណិកា ប្រភព៖ www.lifehack.org
