ត្រូវប្រយ័ត្នចំពោះបុគ្គលិកលក្ខណៈរបស់មនុស្សទាំង៥ប្រភេទនេះ មុននឹងជួលមកធ្វើជាបុគ្គលិក
ការជួលបុគ្គលិកមកធ្វើការគឺមិនមែនជារឿងងាយស្រួលទេ ។ គប្បីត្រូវសង្កេតមើលពីប្រវត្តិរូបនិងបុគ្គលិកលក្ខណៈ របស់អ្នកទាំងនោះ ដើម្បីជៀសវាងបញ្ហានៅថ្ងៃមុខ។ នេះជាអ្វីដែលអ្នកគួរសង្កេតមើល៖
១) ចូលចិត្តអួត៖ អ្នកគួរប្រុងប្រយ័ត្នបំផុតជាមួយមនុស្សណាដែលចូលចិត្តអួតពីខ្លួនឯង។ បើយល់ល្អជៀសអោយឆ្ងាយគឺកាន់តែល្អ។
២) តែងតែត្អូញត្អែរ៖ វាគ្មានបញ្ហានោះទេបើគ្រាន់តែជាការត្អូញត្អែរយូរៗម្ដង។ ប៉ុន្តែបើការមិនពេញចិត្តតែងតែកើតមានគ្រប់ពេលវេលាបែបនេះ ប្រាកដណាស់ ការឈ្លោះទាស់ទែង គ្នាអាចនឹងកើតមានឡើង។
៣) អាត្មានិយម៖ អ្នកមិនអាចតាំងខ្លួនជាស្ដេចហើយគិតតែពីទាញយកផលប្រយោជន៍សម្រាប់ខ្លួនឯងបានទេ។ ការធ្វើការងារគឺទាមទារការគិតពីប្រយោជន៍រួមគ្រប់ពេលវេលា។
៤) មនុស្សទុទិដ្ឋិនិយម៖ អ្នកមិនអាចធ្វើការងារបានសម្រេចជាមួយមនុស្សណាដែលតែងតែគិតថា អ្វីៗគឺសុទ្ធតែអាក្រក់និងមិនល្អ។ មនុស្សបែបនេះហាក់ដូចជាគ្មានប្រយោជន៍សម្រាប់ក្រុមហ៊ុនទាល់តែសោះ។
៥) មនុស្សដែលមិនទទួលយកការកែប្រែ៖ មនុស្សបែបនេះតែងគិតថាអ្វីៗទាំងអស់គឺមិនមែនជាកំហុសរបស់គេ។ ដូច្នេះទើបគេមិនចាំបាច់សោះឡើយក្នុងការស្ដាប់ការកែប្រែពីអ្នកដទៃ៕
ប្រែសម្រួល៖ ព្រំសុវណ្ណកណ្ណិកា ប្រភព៖ www.businessnewsdaily.com
