អ្វីខ្លះដែលអ្នកមិនគួរធ្វើ នៅមុនថ្ងៃរៀបការរបស់អ្នក?
ទម្រាំអ្នកអាចមកមានថ្ងៃនេះ អ្នកត្រូវឆ្លងកាត់រឿងរ៉ាវច្រើនរាប់មិនអស់ដែលគ្មានមនុស្សច្រើនទេដឹងពីរឿងពិតរបស់អ្នក ហើយអ្នកក៏រៀបគម្រោងយ៉ាងម៉ត់ចត់ផងដែរ សម្រាប់ពិធីអាពាហ៍ពិពាហ៍របស់អ្នកនិងដៃគូរ។ ហេតុនេះហើយអ្នកមិនចង់ឲ្យមានបញ្ហាមិនថាតូចឬធំ កើតឡើងនៅថ្ងៃរៀបការរបស់អ្នកនោះទេ បើអ៊ីចឹងអ្នកមិនធ្វើរឿងខាងក្រោមទាំង៧នេះនោះទេ៖
១) មិនត្រូវចូលគេងយប់ជ្រៅ៖ វាទាក់ទងជាមួយនឹងសម្រស់របស់អ្នកហើយអ្នកពិតជាមិនចង់ឲ្យមានការអន់ចិត្តដោយសារតែការថតរូបមើលទៅមិនឃើញស្អាត ព្រោះតែសម្រសរបស់អ្នកមានបញ្ហាដោយសារតែគេងមិនគ្រប់គ្រាន់។
២) ហាមទទួលទានអាហារដែលមានជាតិហិល៖ ចៀសវាងឲ្យបានដាច់ខាតព្រោះថាវាអាចធ្វើឲ្យអ្នកឈឺពោះហើយមិនត្រឹមតែប៉ុណ្ណោះទេ វាអាចធ្វើឲ្យអ្នកងាយបែកញើសនិងឆាប់វិលមុខថែមទៀតផង។
៣) កុំបរិភោគជាតិស្រវឹង៖ អ្នកមិនត្រូវទទួលទានវាឡើយ ព្រោះវានឹងធ្វើមិនមានសមាធិគ្រប់គ្រាន់នៅក្នុងពិធីមង្គលការរបស់អ្នកនិង ធ្វើឲ្យអ្នកយល់ថាមានបរិយាកាសអាប់អួជាងធម្មតា។
៤) កុំសាកល្បងប្រើផលិតផលថែរក្សាសម្ផស្សថ្មី៖ ទោះបីជាអ្នកមើលទៅគិតថាផលិតផលមានគុណភាពខ្ពស់យ៉ាងណាក៏ដោយអ្នកមិនគួរសាកល្បងប្រើប្រាស់វាទេព្រោះថាវាអាចកកើតជាបញ្ហាអ្វីមួយដែលអ្នកនឹកស្មានមិនដល់ ហេតុនេះអ្នកគួរតែការពារប្រសើរជាងព្យាបាល។
៥) កុំភ្លេចទទួលទានទឹកឲ្យបានច្រើន៖ ការទទួលទឹកច្រើនអាចធ្វើឲ្យស្បែករបស់អ្នកស្រស់ថ្លាជាមុន ហើយក៏ធ្វើឲ្យសក់របស់អ្នករលោងល្អផងដែរ។
៦) កុំជិះទៅណាមកណាផ្ដេសផ្ដាសតែម្នាក់ឯង៖ នៅពេលដែលកៀកថ្ងៃរៀបការរបស់អ្នកមែនទែន អ្នកគួរតែសម្រាកនៅផ្ទះវិញហើយប្រសិនបើអ្នកចង់ទៅណាមកណាអ្នកគួរតែទៅជាមួយមនុស្សដែលជិតស្និទ្ធជាមួយអ្នក។
៧) កុំហាត់ប្រាណហួសកម្រិតពេក៖ ប្រហែលជាអ្នកគិតថាវាអាចជួយឲ្យអ្នកមានរាងល្អទម្រាំដល់ថ្ងៃរៀបអាពាហ៍ពិពាហ៍របស់អ្នក តែយ៉ាងណាមិញអ្នកមិនត្រូវហាត់ប្រាណច្រើនពេកនោះទេ៕
ប្រែសម្រួល៖ តូច ម៉ាយ៉ារស្មី ប្រភព៖ www.wonderslist.com
