កំហុស៥យ៉ាង ដែលមិនគួរឲ្យវាកើតឡើងនៅពេលអ្នកមានវ័យខ្ទង់២០ឆ្នាំ
ពេលវេលាដែលសំខាន់ជាងគេក្នុងជីវិតអ្នកគឺពេលដែលស្ថិតក្នុងវ័យ២០ឆ្នាំ។ វាជាពេលវេលាដែលអ្នកត្រូវខិតខំយ៉ាងណាសម្រាប់ជីវិតអ្នកតទៅមុខ។ នេះជាកំហុសដែលអ្នកមិនគួរធ្វើ៖
១) រាប់អានមិត្តភ័ក្ដិដែលចំណាយពេលវេលាគ្មានប្រយោជន៍
អ្នកគួរតែបោះបង់ចោលមិត្តមួយចំនួនដែលតែងតែជំរុញអោយអ្នកធ្វើរឿងដែលគ្មានប្រយោជន៍សម្រាប់អនាគត។
២) ចង់ឈប់ការរៀនសូត្រ
យ៉ាងណាក៏ដោយអ្នកមិនត្រូវបោះបង់ការសិក្សាចោលទេ។ ការសិក្សាទាំងនេះហើយដែលជាថ្នាលជំរុញអោយអ្នកទទួលបានជោគជ័យកាន់តែច្រើនថែមទៀត។
៣) ធ្វើការងារដែលគ្មានប្រយោជន៍សម្រាប់អ្នក
មូលហេតុដែលអ្នកធ្វើការងារបែបនេះគឺដោយសារតែអ្នកគិតថាការងារនេះគឺងាយស្រួលដល់អ្នក។ ដូចនេះអ្នកគួរព្យាយាមធ្វើការងារណាដែលផ្ដល់ប្រយោជន៍ច្រើនដល់ខ្លួនឯង។
៤) គិតថាដល់ពេលដែលអ្នកគួរមានស្នេហា
មិត្តភ័ក្ដិរបស់អ្នកអាចនឹងកំពុងតែមានស្នេហា។ តែអ្នកមិនគួរធ្លាក់ចូលទៅក្នុងរណ្ដៅនោះដូចពួកគេបានទេប្រសិនបើអ្នកមិនទាន់ត្រៀមខ្លួនរួច។ ពេលវេលានេះអ្នកគួរផ្ដោតសំខាន់ទៅលើការអភិវឌ្ឍសមត្ថភាពខ្លួនឯងសិនទៅទើបជាការប្រសើរ។
៥) ធ្វើការងារដើម្បីតែលុយ
សូមកុំធ្វើការងារណាដែល អ្នកគិតថាវាជាការងារដ៏ងាយស្រួលសម្រាប់អ្នក។ ទោះបីបច្ចុប្បន្នការងារនោះមានតម្លៃសម្រាប់អ្នកតែក៏មិនប្រាកដថា វាមានតម្លៃជាងរៀងរហូតដែរ។ ដូច្នេះត្រូវគិតពីការងារណាដែលត្រូវនឹងជំនាញរបស់អ្នក មិនមែនគិតពីប្រាក់ខែដែលអ្នកត្រូវបានទេ៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ www.wonderslist.com
