ត្រូវប្រយ័ត្ន! បើជួបសញ្ញា៥យ៉ាងនេះ បង្ហាញថាអ្នកនឹងបរាជ័យឆាប់ៗមិនខាន
ភាពជោគជ័យមានតម្រុយអោយយើងដឹង ហើយបរាជ័យក៏ដូចគ្នាដែរ។ ប្រសិនបើអ្នកសម្លឹងមើលទៅទម្លាប់របស់មនុស្សដែលជោគជ័យ គឺពួកគាត់មានទម្លាប់ផ្ទុយពីអ្នកបរាជ័យ។ អ្នកគួរប្រយ័ត្នចំពោះសញ្ញាខាងក្រោមនេះ បើសិនអ្នកចង់ជោគជ័យ៖
១) អ្នកចាយលុយខ្ជះខ្ជាយ និងពឹងលុយឪពុកម្ដាយទាំងស្រុង
វាមិនមានអ្វីខុសទេដែលឪពុកម្ដាយជួយកូនរបស់ខ្លួន ទោះបីជាពួកគេមានវ័យចំណាស់ក៏ដោយ។ ប៉ុន្តែប្រសិនបើអ្នកចាយលុយរបស់ឪពុកម្ដាយដោយមិនគិត និងមិនយល់តម្លៃ នោះវាបង្ហាញថាអ្នកនៅមិនទាន់ចាស់ទុំ ហើយក៏មិនទាន់មានសញ្ញាជោគជ័យនៅឡើយ។
២)អ្នកមិនគោរពវិន័យ
ប្រសិនបើអ្នកមិនមានវិន័យទេ អ្នកនឹងមិនអាចទទួលបានភាពជោគជ័យឡើយ។ ប្រសិនបើអ្នកគ្រាន់តែចង់មាន អារម្មណ៍សប្បាយមួយពេល ដោយមិនគិតខំប្រឹងដើម្បីថ្ងៃអនាគតនោះទេ អ្នកមិនខុសពីសត្វដែលដើរមួយពេលគិតមួយពេលឡើយ។
៣)អ្នកមិនព្រមបញ្ចប់អ្វីដែលអ្នកចាប់ផ្ដើមធ្វើ
ភាពខុសគ្នាមួយរវាងមនុស្សដែលជោគជ័យនិងបរាជ័យគឺ អ្នកបរាជ័យចាប់ធ្វើតែមិនបញ្ចប់វា។ អ្នកបរាជ័យនិយាយថាពួកគេចង់ធ្វើតាមចំណង់ចំណូលចិត្តរបស់ពួកគេ ប៉ុន្តែនៅពេលដែលវាមានការលំបាក ពួកគេក៏បោះបង់ចោល។ មានចំណង់ចំណូលចិត្តគឺមិនគ្រប់គ្រាន់ទេ ប្រសិនបើអ្នកខ្វះការប្ដេជ្ញាចិត្ត។
៤) អ្នកចូលចិត្តការបន្ទោស
មនុស្សមួយចំនួនមានសំណាង ហើយទទួលបានឱកាសជាច្រើន។ ប៉ុន្តែ បើគ្មានឆន្ទៈទេ ឱកាសច្រើនយ៉ាងណាក៏អត់ប្រយោជន៍ដែរ។ កត្តាធំបំផុតដែលនៅពីក្រោយការជោគជ័យទាំងឡាយគឺ ការទទួលខុសត្រូវផ្ទាល់ខ្លួន។
៥)អ្នកមិនជឿជាក់លើខ្លួនឯង
ប្រសិនបើអ្នកមិនជឿជាក់លើខ្លួនឯងទេ មានន័យថាអ្នកបរាជ័យបាត់ទៅហើយ។ អ្នកដែលជឿថាអ្វីដែលអាចធ្វើទៅបាន ពួកគេប្ដេជ្ញាចិត្តហើយធ្វើឱ្យក្តីសុបិនរបស់ពួកគេ ក្លាយជាការពិត។ ការខ្វះជំនឿលើខ្លួនឯងនាំអោយពួកគេខ្វះសកម្មភាព ដែលជាហេតុខ្វះភាពជោគជ័យ៕
ប្រែសម្រួល៖ អ៊ឺង មួយយូ
ប្រភព ៖ www.addicted2success.com
