ប្រទេសទាំង១០ ដែលប្រើប្រាស់ភាសាច្រើនជាងគេបំផុតក្នុងលោក!
នៅលើពិភពលោកនេះ មានភាសាជាង៧ ០០០ ប្រភេទដែលកំពុងប្រើប្រាស់សម្រាប់ទំនាក់ទំនងគ្នា។ ក្នុងនោះ នៅតំបន់អាស៊ីគឺមានការប្រើប្រាស់ភាសាច្រើនជាងគេ គឺរហូតដល់២ ៣០១ ប្រភេទ ចំណែកនៅអាហ្វ្រិកវិញ គឺមានមានចំនួន២ ១៣៨ ភាសា។ នេះបើយោងតាម ការស្រាវជ្រាវរបស់Ethnologue ដែលមានជំនាញផ្នែកស្រាវជ្រាវផ្នែកភាសានៅលើពិភពលោក។ ជាមួយគ្នានោះដែរ Ethnologueក៏បានបង្ហាញពីការស្រាវជ្រាវ អំពីប្រទេសដែលប្រើប្រាស់ភាសាច្រើនបំផុតក្នុងលោកផងដែរ គឺ៖
- ប្រទេសប៉ាពូញូវហ្គីណេ ដែលប្រើប្រាស់ភាសាសរុបប្រមាណ៨៣៩ប្រភេទផ្សេងៗក្នុងប្រទេសរបស់ខ្លួន។
- ប្រទេសឥណ្ឌូណេស៊ី ប្រើភាសាផ្សេងៗគ្នាសរុប៧០៧ ប្រភេទ។
- នីហ្សេរីយ៉ា មានភាសាសរុប៥២៦។
- ឥណ្ឌា មានភាសាសរុប៤៥៤។
- អាមេរិក ប្រើភាសាផ្សេងៗគ្នាសរុប៤២២។
- ចិន មានចំនួន៣០០។
- ម៉ិចស៊ីកូ មានចំនួន២៨៩។
- កាមេរ៉ូន មានចំនួន២៨១។
- អូស្ត្រាលីមានចំនួន២៤៥។
- ប្រេស៊ីល មាន២២៩។
ដោយ៖ រតនា វិចិត្រ ប្រភព៖ agenda.weforum.org & www.ethnologue.com
