តើអ្នកអាចយកឈ្នះការខ្វែងគំនិតគ្នាជាមួយថ្នាក់លើដោយវិធីណា?
អ្នកមិនអាចជៀសផុតពីការខ្វែងគំនិតគ្នាជាមួយអ្នកគ្រប់គ្រងបានទេ។ តែអ្វីដែលសំខាន់អ្នកត្រូវប្រើប្រាស់ភាពឆ្លាតវៃរបស់អ្នកក្នុងការដោះស្រាយបញ្ហាក្នុងកាលៈទេសៈទាំងនោះ។ អ្នកគួរសិក្សាពីគន្លឹះខ្លះៗខាងក្រោមនេះ៖
១) កំណត់ថាបញ្ហានោះជាអ្វី៖ នៅពេលដែលអ្នកជួបបញ្ហា អ្វីដែលអ្នកគួរគិតដំបូងគេនោះគឺត្រូវស្វែងរកថាបញ្ហានោះជាអ្វី ហើយបណ្ដាលមកពីអ្វី។ បន្ទាប់មកទៀតអ្នកគួរប្រើប្រាស់ពេលខ្លះសរសេរពីដំណោះស្រាយដែលអ្នកកំពុងគិត រួចស្រង់យកគំនិតណាដែលអ្នកគិតថាសាកសមជាងគេ។
២) ស្វែងរកគំនិតរួម៖ ពេលមានការខ្វែងគំនិតគ្នាវិធីដែលល្អនោះ គឺអ្នកត្រូវស្វែងរកអ្វីដែលមានចំណុចរូម ឬ មានចំណុចដូចគ្នាមកពិភាក្សាសិន។ មិនមែនថាគំនិតអ្នកមិនល្អឬយ៉ាងណានោះទេ តែការធ្វើបែបនេះក៏អាចអោយអ្នកដទៃងាកមកគិតពីយោបល់របស់អ្នកផងដែរ។
៣) ត្រិះរិះពីគំនិតអ្នកដទៃ៖ អ្នកគ្រប់គ្រងរបស់អ្នកប្រាកដជាមានគំនិតអ្វីមួយដ៏ល្អ។ ដូចនេះអ្នកគួរព្យាយាមស្ដាប់អំពីអ្វីដែលគាត់ចង់និយាយ។ តែមិនមែនបានន័យថាអ្នកត្រូវគាំទ្រ គ្រប់យ៉ាងនោះទេ។ ព្យាយាមគិត រួចផ្ដល់យោបល់ខ្លះៗពាក់ព័ន្ធទៅនឹងអ្វីដែលអ្នកយល់ថាខុសឆ្គង៕
ប្រែសម្រួល៖ ព្រំ សុវណ្ណកណ្ណិកា
ប្រភព៖ www.lifehack.org
