​របៀប​ប្លុក (Block) លេខ​ទូរស័ព្ទ​នរណា​ម្នាក់ ឬ​ច្រើន​នាក់​ចោល​នៅ​លើ iPhone មិន​ឱ្យ​គេ​ខល​ចូល​នាំ​រំខាន​



​iPhone ជា​ស្មាតហ្វូន និង​ជា​ឧបករណ៍​អេឡិចត្រូនិក​ដែល​ត្រូវ​បាន​បំពាក់​មុខងារ​សំបូរបែប​របស់​ក្រុមហ៊ុន Apple។ មុខងារ​ទូរស័ព្ទ​មួយ​ចំនួន​បាន​ផ្ដល់​អត្ថប្រយោជន៍​ដល់​អ្នក​ប្រើ​ដូច​ជា បើក​ស្ដាប់​ចម្រៀង (media player), កាមេរ៉ា​ថត​វីដេអូ, កម្មវិធី​ឆែក​មើល​គេហទំព័រ​ផ្សេងៗ​ និង​កម្មវិធី​ផ្ញើរ​អ៊ីមែល​ជាដើម។ លើស​ពី​នេះ iPhone ក៏​បាន​ភ្ជាប់​មុខងារ​ប្លុក (block) លេខ​ទូរស័ព្ទ​មក​ជា​ស្រេច ងាយស្រួល​ដល់​អ្នក​ប្រើ បិទ​លេខ​គេ​មិន​ឱ្យ​ខល​ចូល។ តោះ​មក​អនុវត្ត​ទាំង​អស់​គ្នា​អំពី​របៀប​ប្លុក​ខាង​ក្រោម៖ https://youtu.be/NM051smDRM8 ១) ចូល​ទៅ Settings → Phone → Blocked → Add New

1

1.2

២) រួច​ហើយ​ជ្រើសរើស​លេខ​ទូរស័ព្ទ​ (​នៅ​ក្នុង​បញ្ជី Contact ប៉ុណ្ណោះ) ដែល​អ្នក​ចង់​ប្លុក (block) មិន​ឱ្យ​ខល​ចូល។ អ្នក​ក៏​អាច​កំណត់​នៅ​ក្នុង recent calls ឬ​ពី​ក្នុង​កម្មវិធី Message បាន​ផង​ដែរ។

2

៣) ​ចុច​លើ​រូប icon អក្សរ “i” ដែល​នៅ​ផ្នែក​ខាង​ស្ដាំ​នៃ​លេខ​ទូរស័ព្ទ ឬ​ឈ្មោះ Contact ដែល​អ្នក​បាន Save ​ណា​មួយ​ដើម្បី​ធ្វើការ​ប្លុក (block) ជា​ការ​ស្រេច។

3

៤) ដំណើរការ​បិទ​តាម​កម្មវិធី​ផ្ញើ​សារ (Message) ក៏​មិន​ខុស​គ្នា​ដែរ។ ហើយ​អ្នក​អាច​បើក​មើល​បញ្ជី​លេខ​ទូរស័ព្ទ​ដែល​បាន​ប្លុក តាម Settings គឺ​ចូលទៅ Settings → Phone ឬ Message ឬ Facetime→ Blocked។ ចាប់ពី​ពេល​នេះ លេខ​ទូរស័ព្ទ​ដែល​អ្នក​បាន​ប្លុក នឹង​មិន​អាច​ខល​ចូល​ទូរស័ព្ទ​អ្នក​បាន​ទេ គឺ​នឹង​មាន​ការ​ឆ្លើយ​ត្រឡប់​ថា កំពុង​ជាប់​រវល់។

4

5

បញ្ជាក់៖ អ្នក​ក៏​អាច​ដោះ​ប្លុក (unblock) វិញ ដោយ​ធ្វើ​តាម​ដំណាក់កាល​ដូច​គ្នា​ខាង​លើ​ផង​ដែរ៕ ​ដោយ៖ រឹទ្ធិរាជ ប្រភព៖ wikihow