បច្ចុប្បន្នកម្មវិធីដែលអ្នកនិយមដំឡើងនៅលើស្មាតហ្វូនជាងគេប្រហែលអាចជាបណ្ដាញសង្គម (Facebook, Instagram, Line, Viber...) និងហ្គេម សម្រាប់ជាការកម្សាន្ត។ ប៉ុន្តែប្រហែលប្រិយមិត្តមួយចំនួនមិនទាន់បានដឹងនូវកម្មវិធីទូរស័ព្ទ (app) ទាំង ៧នេះ ដែល BizKhmer នឹងលើកយកមកបង្ហាញឡើយ ដែលវាមានលក្ខណៈពិសេសមិនត្រឹមតែអាចផ្ដល់ជាការកម្សាន្តប៉ុណ្ណោះទេ តែថែមទាំងអាចជួយលោកអ្នករកប្រាក់ថែមទៀត ដែលអ្នកអាចឆ្លៀតធ្វើនៅពេលទំនេរបាន។
១) Foab៖
តំណភ្ជាប់សម្រាប់ទាញយក៖
Android |
iOS
កម្មវិធីនេះអាចឱ្យលោកអ្នករកលុយពីការថតរូប។ អ្នកអាចកំណត់តម្លៃ (ឬគិតប្រាក់) ថ្លៃទៅតាមរូបថត។ មនុស្សបច្ចុប្បន្នកំពុងចាប់អារម្មណ៍ខ្លាំងទៅលើការថតរូបស្អាតៗ ដើម្បីបង្អួតគ្នា ហើយអ្នកក៏ប្រហែលជារំភើបនូវចំនួនទឹកប្រាក់ដែលអ្នកអាចរកបានតាមរយៈរូបថតផងដែរ។
២) Bookscouter៖
តំណភ្ជាប់សម្រាប់ទាញយក៖
Web-Based
ប្រសិនអ្នកមានសៀវភៅចាស់ៗ ដែលចង់បញ្ចេញនោះ អ្នកអាចប្រើកម្មវិធី (app) នេះបាន។ វាអាចស្កេន barcodes ជាមួយស្មាតហ្វូនរបស់អ្នក ហើយ Bookscouter នឹងអនុញ្ញាតឱ្យអ្នកមើលពីការប្រៀបធៀបទឹកប្រាក់ដែលក្រុមហ៊ុនទិញចូលសៀវភៅហ៊ានបង់ឱ្យអ្នកចំនួន ២០ក្រុមហ៊ុនផ្សេងគ្នា។ នៅពេលអ្នកស្វែងរកការផ្ដល់ជូនល្អជាងគេ អ្នកគ្រាន់តែបំពេញព័ត៌មានមួយចំនួនអំពី អាសយដ្ឋានដែលត្រូវឱ្យគេផ្ញើប្រាក់ទៅកាន់ និងការទីតាំងផ្ញើសៀវភៅទៅកាន់ក្រុមហ៊ុនទិញចូល។
៣) Fieldagent
តំណភ្ជាប់សម្រាប់ទាញយក៖
Android |
iOS
កម្មវិធីនេះពិតជាល្អណាស់ គឺអាចជួយអ្នកឱ្យរកប្រាក់បាន។ ដោយនៅតែផ្ទះ អ្នកអាចស្វែងរកការងារតាមបញ្ជីការងារ (Jobs List) បាន ឬតាម Map View។ ចុចលើការងារមួយ ដើម្បីមើលព័ត៌មានលំអិតបន្ថែម ហើយទទួលយកការងារនោះ។ នៅពេលការងារមួយ ត្រូវអ្នកជ្រើសរើសយកធ្វើ អ្នកនឹងមានរយៈពេល ២ម៉ោងក្នុងការបំពេញកិច្ចការឱ្យរួចរាល់។ ត្រូវឱ្យច្បាស់ថា យល់ពីការងារនោះច្បាស់មុនពេលចាប់ផ្ដើមកិច្ចការនោះ។
៤) Cash For Laptop
តំណភ្ជាប់សម្រាប់ទាញយក៖
Web-Based
អ្នកអាចរកប្រាក់បន្ថែមដោយការលក់កុំព្យូទ័រ Laptop ចាស់ៗរបស់អ្នក ហើយកម្មវិធីនេះនឹងជួយអ្នកធ្វើវាទៅបាន។ វាមានលក្ខណៈ សាមញ្ញក្នុងការប្រើ ដោយគ្រាន់តែចុចរើសយកប្រភេទផលិតផល ដែលអ្នកចង់លក់ ហើយសរសេរពិពណ៌នាលក្ខណៈ សម្បត្តិរបស់ផលិតផល រួចខ្ចប់វា និងដឹកជញ្ចូនឱ្យអតិថិជនដោយឥតគិតថ្លៃ ហើយនឹងអាចទទួលថ្លៃឥវ៉ាន់ដោយការបង់ជាសែក ឬតាមគណនី Paypal។
៥) Expensify
តំណភ្ជាប់សម្រាប់ទាញយក៖
Android |
iOS
ប្រសិនអ្នកកំពុងមានបញ្ហាជាមួយរបាយការណ៍ចាយវាយរបស់អ្នក អ្នកអាចចំណេញពេល និងប្រាក់ជាមួយការប្រើប្រាស់កម្មវិធីគ្រប់គ្រងការចំណាយ Epensify នេះ។ កម្មវិធីនេះ អាចឱ្យអ្នកថតនូវវិក្កយបត្រទំនិញ កត់ត្រាពេលវេលា បង្កើតរបាយការណ៍ចំណាយ និងជាច្រើនទៀត។ ដោយប្រើកម្មវិធីនេះ នឹងអាចឱ្យអ្នកគ្រប់គ្រងការចំណាយបានងាយស្រួល និងរហ័ស ដូច្នេះអ្នកអាចចំណេញពេល និងយកពេលច្រើនទៅរកប្រាក់បាន។
៦) Casual
តំណភ្ជាប់សម្រាប់ទាញយក៖
Web-Based
អ្នកអាចនឹងរំភើបជាមួយកម្មវិធីនេះ ប៉ុន្តែកម្មវិធីគ្រប់គ្រងគម្រោង Casual នេះអាចសន្សំសំចៃប្រាក់បានមួយភាគ ដោយការជួយកាត់បន្ថយបញ្ហាផ្សេងៗពាក់ព័ន្ធនឹងគម្រោងរបស់ក្រុមការងារ។ Casual ជួយគ្រប់គ្រងកិច្ចការ និងគម្រោងនៅក្នុងវិធីមួយថ្មី ដោយធ្វើគម្រោងកិច្ចការមានភាពងាយស្រួល គឺដោយគូសចេញជាគំនូសតាងលំហូរ (flowcharts)។ ចំណុចពិសេសនៅលើ Casual គឺជួយគ្រប់គ្រងលើថ្លៃចំណាយបានយ៉ាងជំនាញ។
៧) i-Say Mobile
តំណភ្ជាប់សម្រាប់ទាញយក៖
Web-Based
ប្រសិនអ្នកកំពុងស្វែងរកកម្មវិធីសម្រង់ស្ថិតិមួយ កម្មវិធីនេះអាចជាជម្រើសល្អសម្រាប់អ្នក។ វាគឺជាកម្មវិធីបង្កើតដោយក្រុមហ៊ុន Ipsos អាចរកប្រាក់បានពីការទទួលយកការធ្វើសម្រង់មតិ។ អ្នកអាចទទួលបានពិន្ទុ ហើយប្ដូរបានជាកាត gift card ពី Amazon, iTunes។ល។ ឬអាចដកបានជាសាច់ប្រាក់ពី PayPal៕
ដោយ៖ រឹទ្ធិរាជ
ប្រភព៖ lifehack
