​មនុស្ស​ជាង ១លាន​នាក់​កំពុង​ប្រើប្រាស់​កម្មវិធី Tor ​ដើម្បី​ភ្ជាប់​ប្រើ​បណ្ដាញ​សង្គម Facebook ដើម្បី​សុវត្ថិភាព​ឯកជន​



Facebook នៅថ្ងៃសុក្រម្សិលមិញនេះ បានឱ្យដឹងថា បច្ចុប្បន្នមានអ្នកប្រើប្រមាណជាង ១លាននាក់ បានប្រើប្រាស់កម្មវិធី Tor ដើម្បីបើកចូលបណ្ដាញសង្គមរបស់ខ្លួនគិតត្រឹមរយៈពេល ៣០ថ្ងៃចុងក្រោយនេះ។ តួលេខនេះមានការកើនឡើងប្រមាណ ៥២៥០០០នាក់ នៅអំឡុងខែមិថុនា ឆ្នាំ២០១៥។

2016-04-22-image-11

Tor គឺជាកម្មវិធីបើកគេហទំព័រផ្ដល់សុវត្ថិភាពខ្ពស់ (web browsing) ឥតគិតថ្លៃ ដែលអាចឱ្យគេ ប្រើប្រាស់ការតភ្ជាប់បណ្ដាញ (web connection) ដោយមិនបញ្ចេញឈ្មោះ (anonymously)។ Tor ត្រូវបានចាត់ទុកជា tool ផ្ដល់សុវត្ថិភាពឯកជនល្អបំផុតនៅលើបណ្ដាញវែបសាយ ព្រោះអ្នកអាចទាញយក (download) Software ផ្សេងៗដោយសុវត្ថិភាពនៅលើកម្មវិធី Browser។ កម្មវិធីនេះ ធ្វើឱ្យ hacker ដែលចង់ឃ្លាំមើលព័ត៌មានរបស់យើង មានការលំបាកជាខ្លាំង ដូច្នេះហើយទើបប្រធានាធិបតីរុស្សីលោក វ្ល៉ាឌីមៀរ ពូទីនបានកំណត់ប្រាក់រង្វាន់ដល់អ្នកមានសមត្ថភាពអាចបំបែកប្រព័ន្ធសុវត្ថិភាព Tor នឹងទទួលបាន ១១០.០០០ដុល្លារអាមេរិក។ ឧទាហរណ៍ អ្នកកាសែតប្រើប្រាស់កម្មវិធី Tor នេះដើម្បីនិយាយដោយមិនបញ្ចេញឈ្មោះ ជាមួយប្រភពនៃមាតិកាព័ត៌មាន ដោយមិនខ្លាចនាំទុក្ខដាក់ខ្លួន។ សារព័ត៌មាន TechCrunch បានចង្អុលបញ្ជាក់ថា បណ្ដាញណិតវើកថែមទាំង មានភាពងាយស្រួលប្រើប្រាស់ នៅក្នុងបណ្ដាប្រទេសដែលមានការរឹតត្បិត ឬការប្លុកផ្នែកខ្លះនៃការភ្ជាប់ប្រើអ៊ីនធឺណិតក្នុងការបើកសេវាកម្មវែបសាយផ្សេងៗ។ ជាឧទាហរណ៍ ប្រទេសអ៊ីរ៉ង់បិទបណ្ដាញ Facebook ប៉ុន្តែជាមួយកម្មវិធី Tor អ្នកប្រើនៅតែអាចលេង Facebook បាន៕