អ្នកលេងFacebookទាំងអស់ គួរដឹងអំពីគន្លឹះសំខាន់ៗទាំង១៣នេះ ដើម្បីជាប្រយោជន៍ក្នុងការប្រើប្រាស់!
មានរឿងជាច្រើនដែលយើងអាចធ្វើក្នុង Facebook ជាទូទៅយើងចំណាយពេលច្រើនជាមួយនឹងកម្មវិធីទូរស័ព្ទ (app) ដើម្បីស្វែងរកព័ត៌មានទាន់ហេតុការណ៍ក៏ដូចជាបន្តមិត្តភាពរបស់លោកអ្នកក្នុងកម្មវិធីនេះដែរ។ ទាំងនេះគឺជាគន្លឹះសំខាន់បំផុតរបស់ Facebook ដែលអ្នកគួរយល់ដឹង ហើយប្រើវាសម្រាប់ជំនួយដល់អ្នក៖ ១)បើឃើញអ្វីដែលគួរអោយចាប់អារម្មណ៍ប៉ុន្តែលោកអ្នកគ្មានពេលមើលវា តែលោកអ្នកអាចរក្សាវាទុកមើលនៅពេលក្រោយ៖ រាល់ការរក្សាទុក តំណភ្ជាប់(link) វីដេអូ រូបភាព ទីកន្លែង រួមទាំងអ្វីផ្សេងទៀត នឹងរក្សាទុកក្នុងទម្រង់របស់អ្នក(profile)។ មុខងារនេះស្ថិតក្នុងប៊ូតុង "More” សូមមើលរូបភាពខាងក្រោម។ 
២)បញ្ឈប់ការស្នើសុំពីអ្នកលេង Candy Crush៖ មានវិធីមួយក្នុងការបញ្ឈប់ការរំខានពី Game ជាច្រើនដែលទទួលការស្នើសុំពីមិត្តភក្ដិ។ នៅក្នុង App របស់ Facebook សូមចូលទៅកាន់ More → Setting → Account Setting → Notifications → Mobile → រួចដកសញ្ញាគ្រីសលើ Application Invites។ 
៣)ប្ដូររូបភាពរបស់អ្នក(Profile Picture)ជារូបភាពមានចលនា៖ ក្រុមហ៊ុន Facebook កំពុងអភិវឌ្ឍកម្មវិធីមួយនេះ ហើយក្នុងពេលឆាប់ៗនេះលោកអ្នកអាចប្ដូររូបភាពរបស់ខ្លួនជារូបភាពមានចលនាដោយគ្រាន់តែចូលក្នុងរូបភាពរបស់អ្នករួចជ្រើសយក "Take a New Profile Video”។ 
៤)ទទួលព័ត៌មានទាន់ហេតុការណ៍ដែលមានការនិយមច្រើនក្នុងFacbook៖ ព័ត៌មាននេះនឹងបង្ហាញជូនលោកអ្នកកាលណា អ្នកចុចលើប្រអប់ Search របស់កម្មវិធី Facebook នៅក្នុងទូរស័ព្ទ។ ព័ត៌មានទាំងនោះនឹងបង្ហាញជាទម្រង់បញ្ឈរដែលមានចំណងជើង ហើយសុទ្ធសឹងជាព័ត៌មានដែលពិភពលោកកំពុងជួបក៏ដូចជាព័ត៌មានដែលមិត្តភក្ដិអ្នកពេញនិយមជាងគេដែរ។ 
៥)បិទមុខងារចាក់វីដេអូស្វ័យប្រវត្ត៖ ប្រសិនបើលោកអ្នកមិនចង់មើលវីដេអូដែលជាទូទៅវាចាក់ជាស្វ័យប្រវត្តក្នុងកម្មវិធី Facebook របស់អ្នក សូមលោកអ្នកចូលទៅកាន់ More → Setting → Account Settings → Videos and Photos → Autoplay លោកអ្នកអាចជ្រើសរើសមុខងារដែលមាន ប្រសិនបើលោកអ្នកជ្រើសយក Never Autoplay Videos នោះវានឹងលែងចាក់វីដេអូជាស្វ័យប្រវត្តទៀតហើយ។ 
៦) មុខងារ Activity Log នឹងបង្ហាញរាល់ការ Like, shared, នឹង Commented របស់អ្នក៖ មុខងារនេះវាបង្កើតការងារស្រួលសម្រាប់លោកអ្នកក្នុងការដឹងអំពីសកម្មភាពរបស់លោកអ្នកដែលបានធ្វើកន្លងមកហើយ ហើយមុខងារនេះស្ថិតក្នុងផ្នែកទម្រង់របស់អ្នក(Profile)។ 
៧)ជ្រើសយក Profile របស់មិត្តភក្ដិឬក៏ទំព័រណាមួយ(Page) ជាអទិភាពក្នុងការបង្ហាញ៖ មុខងារនេះនឹងបង្ហាញលោកអ្នកមុនគេនៅពេលដែល Profile ឬ ទំព័រដែលលោកអ្នកបានជ្រើសរើស។ ចូលទៅកាន់ More → Settings → News Feed Preferences → Prioritize who to see first រួចធ្វើការជ្រើសរើស។ 
៨)ពេលដែលលោកអ្នកចែកចាយអ្វីមួយ លោកអ្នកអាចកំណត់ពីមនុស្សណាដែលអ្នកមិនចង់អោយមើលឃើញ៖ លោកអ្នកអាចកំណត់អ្នកអាចមើល ឬមិនអាចមើលលើអ្វីដែលអ្នកចង់ចែករំលែកបានដោយគ្រាន់តែចុច Shared រួចជ្រើសយក Write Post នោះវានឹងបង្ហាញផ្ទាំងមួយថ្មី។ ត្រង់ចំនុចនេះលោកអ្នកត្រូវចុចលើពាក្យ Friend បន្ទាប់មកចូលពាក្យ Friends except... ហើយជ្រើសយកមិត្តភក្ដិណាដែលយើងមិនចង់អោយឃើញ។ 
៩)បិទនរណាម្នាក់មិនអោយគេមានទំនាក់ទំនងមកយើង (Block)៖ ប្រសិនបើមាននរណាម្នាក់បង្កការរំខានដល់ជាទម្រង់ផ្សេងៗ លោកអ្នកអាចប្រើមុខងារនេះដើម្បីមិនអោយម្នាក់នោះធ្វើការរំខានដល់អ្នកទៀត ដោយគ្រាន់តែចូលទៅកាន់គណនេយ្យម្នាក់នោះរួចចុចត្រង់ចំនុច (…) ហើយជ្រើសយក Block សូមមើលរូបភាពបន្ថែម។ ប្រសិនបើលោកអ្នកចង់បើកអោយម្នាក់នោះត្រលប់មកធម្មតាវិញគ្រាន់តែចូលក្នុង Setting → Account Settings → Blocking ចុច Unblock ជាការស្រេច។ 
១០)មើលគ្រប់ឧបករណ៍ទាំងអស់ដែលយើងបានបើគណនេយ្យ(Login) ហើយធ្វើការបញ្ឈប់ក៏បាន៖ ដើម្បីដំណើរការមុខងារនេះលោកអ្នកត្រូវចូលទៅកាន់ Setting → Account Settings → Security → Active Sessions ហើយចុចសញ្ញាខ្វែងសម្រាប់ការ Log out ពីឧបករណ៍នោះ។ 
១១)ទទួលការបញ្ជាក់នៅពេលណាយើងធ្វើការ Login គណនេយ្យយើងលើឧបករណ៍ថ្មី៖ មុខងារមួយនេះវាជួយបង្កើនសុវត្ថិភាពសម្រាប់គណនេយ្យរបស់យើង ព្រោះថាកាលណាយើង Login ទៅកាន់ឧបករណ៍ថ្មីវានឹងសួរបញ្ជាក់នៅលេខកូដក្នុងទូរស័ព្ទយើង ឬផ្ញើសារលេខកូដនោះចូលទូរស័ព្ទដៃយើង។ ដើម្បីប្រតិបត្តិការមុខងារនេះសូមចូលទៅកាន់ Settings → Account Settings → Security ហើយគ្រីសលើពាក្យ Login Approvals On។ 
១២)កំណត់លើដំណឹង(notifications)៖ ដំណឹងគឺជាការបង្ហាញនៅពេលសកម្មភាពអ្វីកើតឡើងអោយយើងបានដឹង។ ជួនកាលដំណឹងនោះក៏អាចជាការរំខានសម្រាប់អ្នកដែរ ដូចនេះលោកអ្នកអាចកំណត់ដំណឹងនេះបានដោយគ្រាន់តែចូលក្នុង Settings → Account Settings → Notifications ហើយចុចលើវាដើម្បីធ្វើការបិទឬបើក។ 
១៣)ទាញយករាល់ទិន្នន័យទាំងអស់របស់អ្នកពីក្នុង ៖ ដើម្បីធ្វើការទាញយកទិន្នន័យរបស់អ្នក ត្រូវចូលទៅកាន់ Settings → General ហើយចុចលើពាក្យ Download a copy នោះ Facebook នឹងសុំការបញ្ជាក់ពាក្យសំងាត់របស់គណនេយ្យអ្នកហើយនឹងផ្ញើសារទៅអ៊ីមែលរបស់អ្នកនៅពេលទិន្នន័យរួចរាល់៕ 
