៤ ​ម៉ូដែល​ចាត់​ចូល​ជា​ស្មាតហ្វូន​អេក្រង់​កោង​ អស្ចារ្យ​បំផុត​នាពេល​បច្ចុប្បន្ន!​



​មិន​ថា​អ្នក​ចូលចិត្ត​ស្មាតហ្វូន​អេក្រង់​កោង ឬ​អត់​នោះ​ទេ ប៉ុន្តែ​វា​ពិត​ជា​ទូរស័ព្ទ​ទំនើប​ច្នៃ​ប្រឌិត​ខ្ពស់ ដែល​កំពុង​ពេញ​និយម ហើយ​ក៏​ជា​ចំណុច​សំខាន់​មួយ​ដែល​បណ្ដា​ក្រុមហ៊ុន​ទូរស័ព្ទ​ធំៗ សម្លឹង និង​ចង់​អភិវឌ្ឍ​ដើម្បី​បោះ​ជំហាន និង​វាយលុក​ទីផ្សារ​បាន​មុន។ ខាង​ក្រោម​នេះ គឺ​ជា​ស្មាតហ្វូន​មាន​អេក្រង់​កោង​ចំនួន ៤ម៉ូដែល​ចាត់​ទុក​ជា​ទូរស័ព្ទ​អស្ចារ្យ​នាពេល​បច្ចុប្បន្ន៖ ១) BlackBerry Priv

1

Priv ជា​ស្មាតហ្វូន​របស់​ក្រុមហ៊ុន BlackBerry ដែល​ត្រូវ​បាន​ឌីហ្សាញ​ជា​ពិសេស មាន​អេក្រង់​កោង​បញ្ឈិត​សងខាង ងាយស្រួល​បង្ហាញ​ព័ត៌មាន (Notification) ផ្សេងៗ​ដូច​ជា BlackBerry Hub, Calendar, Contact និង​ជាច្រើន​ទៀត ហើយ​ក៏​អាច​បង្ហាញ​របារ​ប្រាប់​ភាគរយ​ថ្ម​ផង​ដែរ។ Priv ជា​ស្មាតហ្វូន​ប្រើ Keyboard ប្រភេទ QWERTY ​ងាយស្រួល​ចុច​អក្សរ​បាន​រហ័ស ហើយ​ជា​ទូរស័ព្ទ​បំពាក់​មុខងារ​សុវត្ថិភាព​ខ្ពស់។ Priv មាន​អេក្រង់ ៥,៤អ៊ីញ (1440x2560px) ស្រដៀង​អេក្រង់​ទូរស័ព្ទ Samsung ​ស៊េរី Galaxy Edge។ តម្លស​របស់​វា ប្រហែល ៦៥០ដុល្លារ។ ២) LG G Flex 2

2

ទោះបី G Flex 2 ​ចេញ​បាន​ប្រហែល ១ឆ្នាំ​ហើយ​ក៏​ដោយ តែ​គេ​ក៏​មិន​ភ្លេច​រូបរាង និង​លក្ខណៈ ពិសេស​របស់​វា​ដែរ។ G Flex 2 មាន​អេក្រង់​កោង ​ហើយ​កោង​ទាំង​តួ​តែ​ម្ដង។ លក្ខណៈ កោង​របស់​វា គឺ​កោង​បញ្ឈរ​ ខុសពី Priv ដែល​កោង​តែ​កញ្ចក់​អេក្រង់​ប៉ុណ្ណោះ។ G Flex 2 មាន RAM 3GB, អង្គ​ចងចាំ 32GB, CPU ប្រភេទ Snapdragon 810, កាមេរ៉ា​ក្រោយ​ទំហំ 13MP។ តម្លៃ​របស់​វា ប្រហែល​តែ ២៥០ដុល្លារ​ប៉ុណ្ណោះ លក់​នៅ​លើ​គេហទំព័រ Amazon, eBay, B&H និង​ក្រុមហ៊ុន​ផ្សេងៗ​ទៀត។ ៣) Galaxy S6 edge

3

​S6 Edge ចេញ​តាំងពី​ខែ​មេសា ឆ្នាំ​២០១៥ ​ដោយ​មាន​អេក្រង់​កោង​បញ្ឈិត​សងខាង ជាមួយ​ទំហំ​អេក្រង់ ៥,១អ៊ីញ (1440x2560px) ​ប្រភេទ Super AMOLED។ វា​បំពាក​ដោយ​ឈីប Ocat-Core Exynos 7420, RAM 3GB ហើយ​កាមេរ៉ា​ក្រោយ​ទំហំ 16MP។ S6 edge មាន​តម្លៃ​ប្រហែល ៥៥០ដុល្លារ។ ៤) Galaxy S7 edge

4

ជា​ស្មាតហ្វូន​របស់ Samsung ទើប​ត្រូវ​បាន​ប្រកាស​ថ្មីៗ ជាមួយ​បច្ចេកវិទ្យា​ថ្មីៗ មុខងារ​សំបូរ​បែប​ជាង S6 edge។ អេក្រង់ S7 edge ទំហំ ៥,៥អ៊ីញ​ មាន​លក្ខណៈ​កោង​បញ្ឈិត​សងខាង ប្រភេទ Quad HD Super AMOlED។ មុខងារ​ថ្មី​គឺ Always Display សម្រាប់​បង្ហាញ​ម៉ោង​ពេល ងាយស្រួល​ដោយ​មិន​ចាំបាច់​បើក​សោ ដែល​ត្រូវ​បើក​ពន្លឺ​នាំ​ឱ្យ​រំខាន​គេ​ជុំវិញ ពេល​ស្ថិត​នៅ​ទីងងឹត​នោះ​ទេ។ S7 edge មាន​បច្ចេកវិទ្យា​មិន​ចូល​ទឹង លើស S6 edge ដែល​គ្មាន។ វា​បាន​បំពាក់​ដោយ​ឈីប​ពីរ​ជម្រើស​គឺ Snapdragon 820 ឬ Exynos 8890។ តម្លៃ S7 edge ប្រហែល ៧៩៩ដុល្លារ (ម៉ូដែល 32GB)៕