Facebook ​បាន​ដាក់​ចេញ​មុខងារ​អាច​ឱ្យ​អ្នក​ផ្ញើ​ប្រាក់​ទៅ​កាន់ friends អ្នក​បាន​តាម​កម្មវិធី Messenger ប៉ុន្តែ​ បណ្ដាញ​ទំនាក់ទំនង​សង្គម​ពេលនេះ អាច​មាន​មហិច្ឆិតា​លើសពី​នេះ​ ដោយ​នឹង​ធ្វើ​ឱ្យ​កម្មវិធី Chat នេះ អាច​ទូទាត់​ថ្លៃ​ទំនិញ​សម្រាប់​ការ​ទិញ​ពី Store បាន​ថែមទៀត។ យោង​តាម​របាយការណ៍​ពី​គេហទំព័រ Information ឱ្យ​ដឹង​ថា ទីក្រុង Menlo Park ​​កំពុង​រៀបចំ​ផ្ដល់​នូវ​របៀប​ថ្មី​មួយ​ទៀត​សម្រាប់​ការ​បង់ប្រាក់​ថ្លៃ​ទំនិញ។ ផ្អែក​តាម​ភាសា​កូដ សម្រាប់​កម្មវិធី iOS ​ឱ្យ​ដឹង​ថា Facebook កំពុង​ធ្វើការ​អភិវឌ្ឍ​មុខងារ​ពិសេស​នេះ សម្រាប់​អ្នក​ប្រើ​កម្មវិធី Messenger ​ដើម្បី​អាច​បង់​ថ្លៃ​ទំនិញ​បាន។ គេហទំព័រ Information បាន​បញ្ជាក់​ថា ​របៀប​ថ្មី​នៃ​ការ​ទូទាត់​ប្រាក់​បែប​នេះ នឹង​អាច​ប្រកួតប្រជែង​មុខងារ​បង់ប្រាក់​ Apple Pay, Android Pay និង​សេវាកម្ម​ដទៃ​មួយ​ចំនួន​ទៀត។ កូដ​របស់​កម្មវិធី Chat ​តាម​ទូរស័ព្ទ​ដៃ​នេះ ក៏​បាន​បង្ហាញ​ចេញ នូវ​ការ​បម្រុង​ទុក​របស់ Facebook ​ក្នុង​ការ​ដាក់​ចេញ​មុខងារ​ថ្មីៗ​ជាច្រើន​ផង​ដែរ សម្រាប់ Messenger ជំនាន់​ថ្មី​ខាងមុខ។ ​ក្នុង​នោះ​នឹង​មាន​មុខងារ​សន្ទនា​សម្ងាត់​ជាដើម ពោល​គឺ​វា​នឹង​ធ្វើការ encrypted រាល់ chat ​ដូច​ជា​កម្មវិធី WhatsApp និង ​កម្មវិធី​ផ្សេងៗ​ទៀត។ Facebook ទំនង​ថែមទាំង​ចង់​ធ្វើឱ្យ Messenger ដើរ​តួ​ជា​សំខាន់​សម្រាប់​បម្រើ​ដល់​ការ​រស់នៅ​រៀងរាល់​ថ្ងៃ​របស់​អ្នក​ប្រើ។ គេហទំព័រ The Information ​ថែមទាំង​បាន​បង្ហាញ​ប្រភព​កូដ (source code) ដែល​ឃើញ​មាន​មុខងារ syncing calendar, sharing quote ពី​អត្ថបទ និង beaming News Feed-style status update៕