AMD ​ទើប​ប្រកាស​ចេញ​​កាត​ក្រាហ្វិក (VGA) ជំនាន់​ថ្មី ​សមត្ថភាព​ខ្លាំង សម្រាប់​ប្រើ​ជាមួយ​ Data Center​



ក្រុមហ៊ុន AMD ថ្មីៗ​នេះ បាន​ប្រកាស​ចេញ​កាត​ក្រាហ្វិក​សម្រាប់​ប្រើ​ក្នុង​ Workstation ​ម៉ូដែល FirePro S9300 X2 ​ដែល​មាន​សមត្ថភាព​ដូច Radeon Pro Duo ដែរ។ ដូច​ជា​ឈ្មោះ​ពី​ក្រោយ ​របស់​វា 'X2' ​គឺ​បញ្ជាក់​អំពី​ប្រភេទ​ក្រាហ្វិក Dual-GPU សមត្ថភាព​ខ្ពស់។ ​លក្ខណសម្បត្តិ​នៅ​លើ​ក្រាហ្វិក FirePro នេះ​គឺ​មាន​ភាព​ស្រដៀង​នឹង​កាត Radeo Pro Duo ដែល​មាន​សមត្ថភាព​គណនា 4096 compute core per GPU ​ពោល​គឺ មាន​ទំហំ 4GB ​នៃ 4096-bit High Bandwidth Memory ​per core packing 512 GB/s នៃ bandwidth។ ​ល្បឿន​នៃ Pro Duo ​មិន​ទាន់​ត្រូវ​បាន​អះអាង​នៅ​ឡើយ ប៉ុន្តែ​យើង​បាន​ដឹង FirePro S9300 X2 មាន​ល្បឿន 850MHz។ ក្រុមហ៊ុន AMD បាន​អះអាង​ថា ​កាត​ក្រាហ្វិក​ថ្មី​នេះ ​នឹង​អាច​បំពេញ​តម្រូវការ​រូបភាព​នៅ​លើ​កុំព្យូទ័រ​ធំៗ​សម្រាប់ Data Center បាន​ល្អ​ប្រសើរ ជាមួយ​សមត្ថភាព​រក្សា​កម្ដៅ ការ​ឌីហ្សាញ​រូបរាង សម្រាប់​ម៉ាស៊ីន Server ​នឹង​អាច​បំពេញ​មុខងារ​បាន​ល្អ។ កាត​ថ្មី FirePro S9300 X2 នេះ​នឹង​មាន​លក់​ក្នុង​តម្លៃ​ប្រហែល ៥៩៩៩ដុល្លារ ដំណាល​គ្នា​នឹង​កាត​ក្រាហ្វិក​ស៊េរី​ថ្មី​ផ្សេង​ទៀត​របស់ AMD នៅ​ត្រីមាស​ទី២ ឆ្នាំ២០១៦ នេះ៕