Facebook ​ចាប់ផ្ដើម​ប្រើ​បច្ចេកវិទ្យា​សិប្បនិមិត្ត​ឆ្លាតវៃ​ (AI) ដើម្បី​បកស្រាយ​រូបថត​​ឱ្យ​​មនុស្ស​ពិការ​ភ្នែកយល់!​



ក្រុម​បច្ចេកទេស​របស់ Facebook ថ្មីៗ​នេះ​បាន​ធ្វើការ​អភិវឌ្ឍ​មុខងារ​ទំនើប​អស្ចារ្យ ដោយ​ប្រើប្រាស់​បច្ចេកវិទ្យា​សិប្បនិមិត្ត​ឆ្លាតវៃ (artificial intelligence) ផ្ដល់​ការ​បក​ស្រាយ​រូបថត​ទៅ​ដល់​អ្នក​ប្រើ​ដែល​ពិការ​ភ្នែក។ ការ​បង្ហោះ​រូប​ដោយ​គ្មាន​ទី​បញ្ចប់​ចូល​ក្នុង Facebook ​ចាប់ពី​ឆ្នាំ២០០៥ ក្រោយពេល Facebook ​បង្កើត​ឡើង​បាន​មួយ​ឆ្នាំ​នេះ ​នឹង​ធ្វើ​ឱ្យ​បណ្ដាញ​សង្គម​នេះ កាន់តែ​ទទួល​ស្គាល់​ពី​មជ្ឈដ្ឋាន​សកលលោក។ វា​ពិបាក​នឹក​ស្រមៃ​ថា​នឹង​ទៅ​ជា​យ៉ាងណា ប្រសិន Facebook ​គ្មាន​រូបថត​មួយ​សន្លឹក​នោះ។ ចុះ​ចំពោះ​អ្នក​ពិការ​ភ្នែក​ដែល​មិន​ពុំ​ឃើញ​វិញ តើ​រវាង​អត់ និង​មាន តើ​វា​មាន​អ្វី​ខុស​ប្លែក​គ្នា។ នេះ​ជា​ជំហាន​ថ្មី​មួយ​របស់ Facebook ​ក្នុង​ការ​យក​ចិត្ត​ទុក​ផ្ដល់​បទពិសោធន៍​ថ្មី​សម្រាប់​អ្នក​ប្រើ​ជា​ជន​ពិការ​ភ្នែក ដោយ​អភិវឌ្ឍ​នូវ​បច្ចេកវិទ្យា​សិប្បនិមិត្ត​ឆ្លាតវៃ ផ្ដល់​ការ​បកស្រាយ​រូបថត​ជូន​ជន​ពិការ​បាន។

Image_accessibility_team.0.0

ថ្ងៃ​នេះ Facebook ​ចាប់ផ្ដើម​អភិវឌ្ឍ​ចេញ​បំណកស្រាយ​មាតិកា​ស្វ័យប្រវត្តិ​នៃ​រូបថត​ទៅ​កាន់​ជន​ពិការ​ភ្នែក ​និង​អ្នក​ប្រើ​ដែល​ខ្សោយ​ភ្នែក។ មុខងារ​ឈ្មោះ “automatic alternative text” ​ត្រូវ​បាន​បង្កើត​ដោយ ក្រុម​ការងារ​របស់ Facebook អស់​រយៈពេល ៥ឆ្នាំ​មក​ហើយ។ ​លោក Jeff Wieland ​អតីត​អ្នក​ស្រាវជ្រាវ​នៅ​ផ្នែក​ផលិតផល​របស់ Facebook ​ដែល​កន្លង​ទៅ​បាន​បង្កើត​ចំណងជើង​សម្រាប់​វីដេអូ ហើយ​និង​ជម្រើស​លើ​ការ​ប្រើ​ទំហំ​ពុម្ព​អក្សរ​ដើម (default font size) នៅ​លើ Facebook សម្រាប់ iOS។ សូម​បញ្ជាក់​ថា បច្ចុប្បន្ន​អ្នក​ប្រើ​ប្រាស់​បណ្ដាញ​សង្គម​ចូល​ចិត្ត​បង្ហោះ​រូបថត ដោយ​មាន​រូបថត​ប្រមាណ ២ពាន់​លាន​រូប​បង្ហោះ​ចូល Facebook, Instagram, Messenger និង WhatsApp។ ដូច្នេះ​ហើយ​ក្រុម​ការងារ​បច្ចេកទេស​នឹង​អភិវឌ្ឍ​មុខងារ​ទំនើប​បក​ស្រាយ​រូបថត​សម្រាប់​ជន​ពិការ​ភ្នែក​ថែមទៀត​ដើម្បី​ពង្រីក​ដែន​សុពលភាព​នៃ​ការ​អាច​មើល​ឃើញ​រូបថត​រាប់​ពាន់​លាន​ទាំងនោះ៕