ក្រុមហ៊ុន Samsung កំពុងដើរលើផ្លូវដ៏ត្រឹមត្រូវដោយបានបញ្ចេញលក់កំពូលទូរស័ព្ទ S7 ទាំងពីរម៉ូដែលចាក់ចំបេះដូងអ្នកសម្ភារៈនិយម។ ជាក់ស្ដែង របាយការណ៍ថ្មីនេះឱ្យដឹងថា Samsung អាចលក់ Galaxy S7 ដាច់ច្រើនជាងគេរំពឹងទុកគឺចំនួន ១០លនគ្រឿងទៅទៀត។
បើផ្អែកតាមសំដីរបស់អ្នកវិភាគពីក្រុមហ៊ុន Korean Investment Security លោក Jay Yoo ឱ្យដឹងថា Samsung បានក្ដាប់ចំណែកទីផ្សារលក់ទូរស័ព្ទ Galaxy S7 នៅដំណាក់កាលដំបូងដាច់អស់ ៧លានគ្រឿង ហើយក្រោយមកក៏បានលក់ដាច់ប្រមាណ ៩,៥លានគ្រឿងនៃ Galaxy S7។
តួលេខនេះ បានយកឈ្នះតួលេខលក់ស្មាតហ្វូន Galaxy S6 កាលពីឆ្នាំមុន បើទោះបី Galaxy S7 មានរចនាបថរូបរាងមិនខុសប្លែកគ្នានឹង Galaxy S6 ក្ដី ប៉ុន្តែដោយសារបែបនេះទើបធ្វើឲ្យតម្លៃរបស់វាស្ថិតក្នុងបន្ទាត់សមរម្យ ដែលអាចជួយដល់ការលក់ និងប្រាក់ចំណេញចូលក្រុមហ៊ុន Samsung បាន។ សូមបញ្ជាក់ថា Galaxy S7 ចាប់មានលក់ពីថ្ងៃទី១១ មីនាឆ្នាំ២០១៦ នេះមកហើយ៕
