HP ទើបប្រកាសចេញ Laptop ស្ដើងបំផុតលើលោកជាដៃគូប្រជែងនឹង MacBok Air របស់ Apple ម៉ូដែល Spectre 13
ក្រុមហ៊ុន HP ថ្មីៗនេះបានប្រកាសចេញកុំព្យូទ័រយួរដៃស៊េរីថ្មីមានរាងស្អាតទាន់សម័យ ពិសេសគឺមានកម្រាស់ដ៏ស្ដើងត្រឹមតែ ១០,៤មិល្លីម៉ែត្រ គឺស្ដើងជាង MacBook Air របស់ Apple ទៅទៀត ត្រូវបានចាត់ចូលជា Laptop ស្ដើងបំផុតលើលោក។ ឡេបថប់ថ្មីនេះ មានម៉ូដែល Spectre 13 ទម្ងន់ស្រាលត្រឹមតែ ១,១គីឡូក្រាម។
ចំពោះលក្ខណសម្បត្តិរបស់ Spectre 13 គឺបានភ្ជាប់មកជាមួយអេក្រង់ ១៣,៣អ៊ីញ Full HD អមដោយ resolution 1920x1080px បំពាក់ដោយឈីបអង្គប្រតិបត្តិ Intel ជំនាន់ចុងក្រោយប្រភេទ Core i5 និង Core i7។ លក្ខណសម្បត្តិផ្សេងទៀតនៅលើ Spectre 13 គឺមាន RAM 8GB ហើយអង្គផ្ទុកទិន្នន័យប្រភេទ SSD ទំហំ 512GB។ វាក៏មានរន្ធ USB Type-C និងរន្ធ Thunderbolt ដូចនៅលើ New MacBook ផងដែរ។
