Apple ​ចង់​ផលិត MacBook ​គ្មាន​ Keyboard បញ្ជា​ដោយគ្រាន់តែ​ប៉ះ​លើ​ផ្ទៃ​រាប​ ដើម្បី​ឱ្យ​កម្រាស់​រឹតតែ​ស្ដើង​ជាង​មុន​



​កុំព្យូទ័រ​ស៊េរី​ថ្មី​ចុងក្រោយ​របស់ Apple គឺ New MacBook អេក្រង់ ១២អ៊ីញ​ត្រូវ​បាន​ឌីហ្សាញ​មាន​កម្រាស់​ស្ដើង ភ្ជាប់​ដោយ Keyboard ថ្មី​ដែល​មាន​គ្រាប់​ចុច​ស្ដើង​យ៉ាង​រាក់ ​ទើប​ធ្វើឲ្យ​វា​មាន​កម្រាស់​ស្ដើង​ជាង​ជំនាន់​មុនៗ។ បើ​តាម​របាយការណ៍​ថ្មី​នេះ​ពី​គេហទំព័រ techinsider ឱ្យ​ដឹង​ថា Apple ​ប្រហែល​កំពុង​សម្រេចចិត្ត​លើ​ការ​ដក Keyboard ​កុំព្យូទ័រ​យួរដៃ​ចេញ​តែ​ម្ដង ហើយ​ជំនួស​មក​វិញ​នូវ​ការ​ប្រើ touch surface ​លើ​ផ្ទៃ​រាប​ស្មើ ដើម្បី​ជា​បទពិសោធន៍​ថ្មី​មិន​ធ្លាប់​មាន និង​ដើម្បី​ឱ្យ Laptop រឹតតែ​ស្ដើង​បំផុត។

img_7190

គំនិត​ច្នៃប្រឌិត​ថ្មី​នេះ នឹង​ប្រើ​ការ​បញ្ចូល​ទិន្នន័យ​ក្នុង​ទម្រង់​ប៉ះ​លើ​ផ្ទៃ​រាប​ស្មើ ជាជាង​ប្រើ​គ្រាប់​ប៊ូតុង​របស់ Keyboard។ រូប​ប៉ាតង់​ថ្មី​របស់ Apple ខាង​ក្រោម​គឺ​ដូច​ជា​កុំព្យូទ័រ MacBook ​ដែរ។ ដូច្នេះ​ជំហាន​ដំបូង​នេះ គេ​រំពឹង​ថា Apple នឹង​អភិវឌ្ឍ​បំពាក់ keyboard សិប្បនិមិត្ត​នេះ​ទៅ​លើ​កុំព្យូទ័រ​យួរដៃ​ស៊េរី​ថ្មី​របស់​ខ្លួន​ជា​មុន​សិន ហើយ​អាច​បន្ត​អភិវឌ្ឍ​លើ​ឧបករណ៍​អេឡិចត្រូនិក​ផ្សេងៗ​ទៀត​តាម​ក្រោយ។

jpg (1)

jpg (2)

jpg

this-figure-shows-the-different-areas-that-might-be-able-to-sense-a-force-touch

ទោះបី​វា​ជាច​ទម្រង់​ថ្មី​នៃ​ការ​បញ្ចូល​ទិន្នន័យ (Input) ក៏​ពិត​មែន ប៉ុន្តែ​រចនាសម្ព័ន្ធ​នឹង Keyboard ​គឺ​នៅ​រក្សា​ដដែល ដែល​ក្នុង​នោះ​បែង​ចែក​ជា​ផ្នែកៗ​ដូច​ជា ផ្នែក keyboard, number pad ឬ track pad។ ការ​ប្រើ​ទម្រង់ keyboard ដោយ​គ្រាន់តែ​ប៉ះ​លើ​ផ្ទៃ​រាប​នេះ អាច​ឱ្យ​គេ​ធ្វើការ​កំណត់​ប្រើ​ដោយ​ខ្លួន​ឯង​បាន ដូច្នេះ Laptop របស់​អ្នក អាច​ដាក់ number pad សម្រាប់​កម្មវិធី Excel ងាយស្រួល​ប្រើ និង​ប្ដូរ​ទៅ​ទម្រង់ gamepad សម្រាប់​ការ​លេង​ហ្គេម​ក៏​បាន៕
X
5s