រថយន្ត Range Rover ស៊េរី​ថ្មី​ម៉ូដែល Evoque នេះ​ជា​ប្រភេទ​រថយន្ត​ទំនើប ​ត្រូវ​បាន​សម្រិតសម្រាំង ឌីហ្សាញ​ជា​ពិសេស អាច​បត់​ដំបូល​ទៅ​ក្រោយ​បាន។ Land Rover អះអាង​ថា Evoque គឺ​ជា​រថយន្ត compact convertible SUV ប្រណិត​ដំបូង​គេ​លើ​លោក ដែល​អាច​បត់​ដំបូល​ទុក​បាន។

ចង់ដឹង​ថា ទំនើប​យ៉ាង​ណា​នោះ សូម​ទស្សនា​វីឌេអូខាង​ក្រោម៖ Evoque ថ្មី​នេះ ត្រូវ​បាន​ប្រកាស​ចេញ​ជា​សាធារណៈ​នៅ​ក្នុង​អគារ​ល្បី​ឈ្មោះ Central Saint Martinsនៃ​សាកលវិទ្យាល័យ​សិល្បៈ​ទីក្រុង​ឡុងដុង។ Gerry McGovern ប្រធាន​ផ្នែក​រចនា​របស់​រថយន្ត​របស់ Land Rover និង​ជា​នាយក​ផលិតកម្ម​ផង​នោះ​បាន​មាន​ប្រសាសន៍​ថា៖ «រថយន្ត Rang Rover Evoque Convertible គឺ​ជា​និមិត្តរូប​នៃ​ការ​ចម្រាញ់ ឌីហ្សាញ ច្នៃប្រឌិត​ខ្ពស់ និង​ប្រណិត។ វា​ពិត​ជា​រថយន្ត​ល្អ​ឥត​ខ្ចោះ ស័ក្ដិសម​ត្រូវ​គេ​យក​ទៅ​បង្អួត​សមត្ថភាព និង​រូបរាង​ក្នុង​ទីក្រុង​ឡុងដុង»។

ចំណុច​ពិសេស​លើ​រថយន្ត Evoque របស់ Land Rover គឺ​ត្រូវ​បាន​ឌីហ្សាញ ឱ្យ​រថយន្ត​មាន​មុខងារ​អាច​បត់​ដំបូល​បាន​ដោយ​ខ្លួន​ឯង។ Evoque ត្រូវ​បាន​បំពាក់​ដំបូល​ដំណើរការ​បាន​ដោយ​អគ្គិសនី ហើយ​អាច​បត់​ដំបូល​ទៅ​ក្រោយ​ដោយ​ប្រើ​ពេល ១៨វិនាទី និង​ពន្លា​ដំបូល​ដូច​សភាព​ដើម​ក្នុង​រយៈពេល ២១វិនាទី។ រថយន្ត​មាន​ល្បឿន ៣០ម៉ាយល៍/ម៉ោង ឬ​ប្រហែល ៥០គីឡូម៉ែត្រ/ម៉ោង៕ សូមទស្សនាវីដេអូ៖

  ​

ប្រែ​សម្រួល៖ រឹទ្ធិរាជ
ប្រភព៖ Jaguar Land Rover