បណ្ដា​កម្មវិធី (App) ដែល​បំផ្លាញ​ថ្ម​ទូរស័ព្ទ​របស់​អ្នក ក្នុង​នោះ​ក៏​មាន Facebook និង Clash of Clans ដែរ!​



ជា​ការ​ពិត​ណាស់ ប្រភេទ​កម្មវិធី​បណ្ដាញ​ទំនាក់ទំនង​សង្គម​ទាំងអស់ សុទ្ធតែ​ត្រូវ​បាន​បង្កើត​អម​ដោយ​មុខងារ​ផ្ដល់​ការ​រំលឹក (notification) ដល់​អ្នក​ប្រើ ដែល​ជា​ហេតុ​នាំ​ឱ្យ​វា​ត្រូវ​ដំណើរការ​ជាប់​នៅ background។ ស្មាតហ្វូន​មួយ​ប្រសិន​មាន​ប្រភេទ​កម្មវិធី​ដំណើរការ​នៅ background ច្រើន​នោះ​វា​នឹង​ស៊ី​ថ្ម​ទូរស័ព្ទ​ខ្លាំង​បណ្ដាល​ឱ្យ​ឆាប់​អស់ បើ​ធ្ងន់​គឺ​ឆាប់​ខូច​ថ្ម​ទៀត​ផង។ ក្រៅពី​កម្មវិធី​បណ្ដាញ​សង្គម ក៏​នៅ​មាន​ហ្គេម ការ​កំណត់​ពន្លឺ ការ​បើក Bluetooth ដំណើរការ​សេវាកម្ម Location ជាដើម។ ខាង​ក្រោម​នេះ​គឺ​ជា​កម្មវិធី និង​មុខងារ​ស្មាតហ្វូន​ដែល​នាំឱ្យ​ស៊ី​ថ្ម​ខ្លាំង និង​អាច​ធ្វើឱ្យ​ថ្ម​ឆាប់​ខូច​បាន៖ ១) ​Game

1

ភាគច្រើន​ជា​ប្រភេទ ហ្គេម​អនឡាញ​ដែល​វា​នឹង​ផ្ដល់​នូវ notification រាល់​ពេល​មាន​បច្ចុប្បន្នភាព​មាតិកា​ថ្មី ដើម្បី​ជូន​ដំណឹង​ដល់​អ្នក​លេង។ ជាក់ស្ដែង​ហ្គេម Candy Crush ឬ Clash of Clans ដែល​កំពុង​ពេញ​និយម​ខ្លាំង​សព្វថ្ងៃ។ ២) Facebook

2

កម្មវិធី Facebook បាន​ភ្ជាប់​មក​ជាមួយ​មុខងារ Notification ដែល​នឹង​បញ្ជាក់​ប្រាប់​អ្នក​ប្រើ​ឱ្យ​បាន​ដឹង​នូវ​រាល់​ពេល​មាន​បច្ចុប្បន្នភាព​មាតិកា​ដែល​ពាក់ព័ន្ធ​នឹង​គណនី​របស់​អ្នក។ ៣) ការ​កំណត់​ពន្លឺ​អេក្រង់ (screen brightness)

3

ជា​រឿង​ធម្មតា​ទេ ប្រសិន​អ្នក​បើក​ពន្លឺ​អេក្រង់​ខ្លាំង នោះ​វា​នឹង​ធ្វើឱ្យ​ថ្ម​ទូរស័ព្ទ​ឆាប់​អស់​ទៅ​តាម​នោះ។ ដូច្នេះ​អ្នក​គួរ​ក្រិត​ពន្លឺ​អេក្រង់​ឱ្យ​សមល្មម​ជាមួយ​តម្រូវការ​ភ្នែក​របស់​អ្នក ពិសេស​គឺ​ការ​បើក​ពន្លឺ​ទាប​បាន​ហើយ​នៅ​ពេល​យប់ ដើម្បី​ជៀសវាង​ប៉ះពាល់​ភ្នែក​ផង​ដែរ។ ៤) បើក​មុខងារ Bluetooth

4

បើ​ឈប់​ប្រើ Bluetooth ហើយ​គួរ​ណាស់​តែ​បិទ​មុខងារ​នេះ​ចោល ព្រោះ​វា​ក៏​អាច​ធ្វើឱ្យ​ថ្ម​ឆាប់​អស់​មួយ​កម្រិត​ដែរ។ ៥) ការ​បើក​មុខងារ Location service

5

​មុខងារ Location ​នឹង​ដំណើរការ​ជាប់​នៅ background នៃ​ស្មាតហ្វូន​ដើម្បី​កំណត់​ដឹង​នូវ​ទីតាំង​ទូរស័ព្ទ ជាក់ស្ដែង​មុខងារ​នេះ អាច​ប្រើ​បាន​ជាមួយ Facebook ដែល​អាច​ធ្វើឲ្យ​ friend មើល​ដឹង​ថា តើ​អ្នក​កំពុង​ស្ថិត​នៅ​ទីណា​បាន។ ៦) មុខ​ងារ Sptify

6

មិន​ខុស​គ្នា​នឹង​មុខងារ Location Service ទេ ព្រោះ​វា​ក៏​នឹង​ដំណើរការ background ​នៃ​ស្មាតហ្វូន​ដែល​ជា​ហេតុ​នាំឱ្យ​ថ្ម​ទូរស័ព្ទ​ឆាប់​អស់​ដែរ។ ៧) សេវាកម្ម Netflix សេវាកម្ម Netflix ​ក៏​ជួយ​ដើម​ហេតុ​នាំ​ឱ្យ​ថ្ម​ស្មាតហ្វូន​ឆាប់​អស់​ផង​ដែរ។ ដូច្នេះ​បើ​មិន​ចាំបាច់​ប្រើ​ទេ គួរ​តែ​បិទ​ចោល។ ក្រៅពី​នេះ​នៅ​មាន​បណ្ដា​កម្មវិធី និង​មុខងារ​មួយ​ចំនួន​ទៀត​ក៏​ជា​ផ្នែក​នាំ​ឱ្យ​ថ្ម​ទូរស័ព្ទ​ឆាប់​ស្រក​ដែរ គ្រាន់តែ​បណ្ដា​មុខងារ និង​កម្មវិធី​ខាង​លើ គឺ​អាច​ប៉ះពាល់​ខ្លាំង​ជាង៕